युगुल

घरकुल

Submitted by संतोष वाटपाडे on 4 August, 2014 - 06:34

चल हिरव्या हिरव्या गवतावरती घरटे इवले बांधू
घरट्यात भाकरी दोघे मिळून खरपुस आपण रांधू
विश्वास कोवळा भिजवून मातीमध्ये ओल्या ओल्या
ये रुंद कुडाच्या भिंती सार्‍या लवचिक आपण सांधू

घरट्यास द्यायचा रंग कोणता दोघे बसून ठरवू
अंगणात गंधित धुंद फ़ुलांची मैफ़ल मोठी भरवू
झावळ्या छतावर टाकून काही निवांत छायेसाठी
दारावर नाव तुझे नि माझे मोरपिसाने गिरवू

परसातुन आपल्या दवबिंदूचे मोती आणू वेचुन
झाकण्यास मोती घरात आपल्या नभास घेऊ खेचुन
माळीन छानसा गजरा तुझिया केसांमध्ये अवचित
बनवेन फ़ुले पांढरी रोज मी शुभ्र ढगांना ठेचुन

रानात फ़िरु या थरथरत्या हातात हातही घेऊ

शब्दखुणा: 
Subscribe to RSS - युगुल