मनाला कधी वीट होता न आले...
Submitted by चैतन्य दीक्षित on 13 February, 2014 - 23:29
तुझ्याएवढे धीट होता न आले
तुझ्यासारखे नीट होता न आले |
फुलांची तुला रूपके योजिली मी
परी गालिची तीट होता न आले |
दुरावा तुझा "क्रूरता" सिद्ध झाला
तुझ्या वागण्या रीत होता न आले |
लढा इंच-इंचावरी चाललेला
जयिष्णूपणां वीत होता न आले |
विरोधावरी मात केली लढ्याने
मला बंद पाकीट होता न आले |
विठू रोजच्या रोज दारात आला
मनाला कधी वीट होता न आले |
- चैतन्य दीक्षित
विषय:
शब्दखुणा: