एक इमारत सोळा मजली

एक इमारत सोळा मजली

Submitted by बेफ़िकीर on 24 November, 2013 - 13:56

एक इमारत सोळा मजली
एक फ्लॅट विकला गेलेला
मजूर पाणी मारत आहे
नग्न बायको नाहत आहे
मूल शेण ना माती समजे
चहा विके तो जाती समजे

पृथ्वी वेश्या झाल्यावरती
सुवासिनी परकर सावरती
योनीमध्ये रस पाझरतो
जेव्हा मी पदके अंथरतो
त्याच विटेला भेगा पडल्या
जिच्यामुळे भेगा सापडल्या

आहे ते, जे नाही आहे
नाही तेही काही आहे
कविता रोखा, सरिता होते
सरिता रोखा कविता होते
घाम तुझा गंधाळत आहे
नको तिथे मी भाळत आहे

तुझ्या स्तनांना हात लाव तू
ओठ स्वतःचे स्वतः चाव तू
पण पुरुषाचे कुरूपसे धड
ओबडधोबड मिळणे अवघड
हे कविते जर कवीच नसला
तर कवितेचा जन्मच कसला

ओहो कवयित्री सापडली

Subscribe to RSS - एक इमारत सोळा मजली