तीन लहान गझला
Submitted by बेफ़िकीर on 3 October, 2013 - 02:42
गेले मला तडे
बाकी तुझ्याकडे
मी एक शोधतो
तिसरेच सापडे
स्पर्शू नको हृदय
पडतात पोपडे
कोणी दिसेचना
कोणी चहूकडे
माझे अबोल मन
कर बोलघेवडे
================
काही दिवस तरी
नुसत्या दुधावरी
अपुलेच समजुनी
जगतो तुझ्या घरी
पापे करून घ्या
नंतर हरीहरी
या माणसांहुनी
झाडेबिडे बरी
भिज 'बेफिकीर' तू
आल्या नव्या सरी
===============
वाहू नकोस तू
पडशील ओस तू
आलास चालुनी
कित्येक कोस तू
माझ्यातुझ्यातला
हो पायपोस तू
विषय:
शब्दखुणा: