कातकरवाडी

दिवसभरात पावसाने मस्तपैंकी धुमाकूळ घातलेला... वार्‍याच्या तालावर डोंगरांच्या या शिखरावरुन त्या शिखरावर करत आतापर्यंत नाचणारे ढग आता सांजवेळेची चाहूल लागताच आपापली जागा पकडून स्थानबद्ध झालेले.. पाउस जरी पडून गेला असला तरी त्याने आपल्या पाउलखुणा सभोवताली उमटवल्या होत्या.. मग ते चिखलपाणी असो, डोंगरावरच्या धबधब्यांचे नक्षीकाम असो वा खळखळाट करत वाहणारा शेतातला वा ओढयाचा जलप्रवाह असो.. ! शिवाय सभोवतालचा 'हिरवा' निसर्ग मनाला अधिका अधिक प्रफुल्लित करु पाहत होता...