जेव्हा स्वतःला वाटते मी का बरे जगतो

जेव्हा स्वतःला वाटते मी का बरे जगतो
तेव्हा जगाला भासते की हा खरे जगतो

करतो मनोरंजन जगाचे आणि त्याचेही
प्रत्येकवेळी तो निराळे चेहरे जगतो

तू होउनी जगतो कधी मी होउनी जगतो
केव्हातरी अपुल्यातली मी अंतरे जगतो

माझ्या मनाच्या भूप्रदेशाची दया येते
नामानिराळा राहुनी नामांतरे जगतो

त्याच्या समाधीवर टिके टिच्चून आळंदी
जो आत केव्हापासुनी स्थित्यंतरे जगतो

प्रत्येकजण कोड्याप्रमाणे भासतो येथे
नसतात त्याचे प्रश्न ज्यांची उत्तरे जगतो

-'बेफिकीर'!