कसे नि कुठून ???

कसे नि कुठून ???

Submitted by पुरंदरे शशांक on 17 April, 2013 - 05:46

कसे नि कुठून ???

उंच उंच आकाशात ढग येतात कुठून ?
ढगात या एवढाल्या पाणी भरतात कुठून ?

पाणीवाले ढेरपोटे ढग कसे पळतात ?
ढकलाढकली करताना दंगा किती करतात ?

वीज कशी चमकते काळ्या ढगातून ?
पाणी कसे पडते बदाबदा त्यातून ?

ढग तर काळा काळा दिसतो किती दुरुन ?
पांढर्‍या शुभ्र गारा पडतात कशा त्यातून ??

किती प्रश्न विचारशील कसे नि कुठून...
खा जरा गारा नि ये मस्त भिजून ....

शब्दखुणा: 
Subscribe to RSS - कसे नि कुठून ???