नो इन्कम डबल किड्स

"आम्हाला जन्माला का घातलेत?"

दोन वर्षाचा बाळू चिमुकल्या हाताची मूठ भातुकलीच्या टी सेटवर त्वेषाने आपटून बापकडे बघत म्हणाला.

बाप तिरमिरला. हा प्रश्न आपल्या थोबाडावर इतक्या लवकर आपटेल याची त्याला कल्पना नव्हती. बापने आपल्या एक वर्षाच्या चिमीकडे बघितले. चिमीच्या चेहर्‍यावर बाळूला सहस्त्र मोदकांचे अनुमोदन असल्याचे सुस्पष्ट दिसले बापला! बापने मग असहाय्यपणे आईकडे बघितले. लज्जित चेहर्‍याने आई बापला म्हणाली.

"तुम्हीच द्या ना उत्तर! मी तरी काय बोलू?"

बाळू संतापलेलाच होता. त्याने बापकडे हिंस्त्र नजरेने पाहात पुन्हा विचारले.

"दिडकी कमवायची नव्हती तर लोकसंख्या का वाढवलीत?"