''सहज भरकटत नजर''

''सहज भरकटत नजर''

सहज भरकटत नजर थांबली
तुझ्या श्यामले नजरेपाशी
जाळून घ्यावे असे कवडसे
बुडून जावे अशी उदासी

तूही गडे समजून जरा घे
या डोळ्यांची अशब्द भाषा
जागृतीमधल्या रुख्या आकृती
स्वप्नांमधल्या प्रश्निल रेषा

आकळले मज तुलाही येती
अज्ञातातून अखंड हाका
भूगर्भाचे शोषून किती स्तर
विस्तारित तव शाखा शाखा

अनुबंधांच्या शिल्पित शहरी
हरलीस तूही सर्वस्वाने
पुनः नवीनच वेशींपाशी