किती दूर राहिले शहर मानसामधले ..

किती दूर राहिले शहर मानसामधले ..

मन उदास आहे आणि खूप एकाकी..सांज ढळते आहे आणि अधिकृत वातावरण तयार होतेय एकटेपणाचे.अटळ गतकालरंजनाचे.

या एकटेपणापासून पळण्याचे किती उपाय योजले,किती दूरदूरवर शोध घेतले.
परिणाम एकच झाला,स्वतःपासूनही दूर गेले.
पण म्हणून आणखी कुणाच्या जवळ जायची गोष्टच नको.
असे थोडेच असते,स्वतःपासून दूर म्हणजे कुणाच्या जवळ?
मग तो कोणता चकवा होता जो निरंतर आशा जागवीत होता?

मग अगदी जगाकडे पाठ फिरवून एका एकांतिक भिंतीसमोर उभी राहिले मी.
तेव्हाही हे धडधडते हृदय कुणाची कशाची वाट पहात होते ?
कुठे गेला तो आत्मसन्मान?

हे किती कथानकांचे तुकडे विखुरले आहेत अवती भवती.