चारचौघी - ४

पंधरा दिवस झाले, पण निली आणि जया एकमेकींशी एक अक्षर बोललेल्या नव्हत्या. सिम आणि जो ने बराच प्रयत्न केला समेटाचा, पण निष्फळ ठरला. शेवटी प्रत्येकजण आपापल्या उद्योगात गुंतून गेली. 'बोलतील तेव्हा बोलतील' ही पॉलिसी सर्वांनीच स्वीकारली. पण त्या रात्री निलीने केलेले अनुभवकथन, जयाने मांडलेले विचार आणि शेवटी निलीने तिचा केलेला अपमान या सर्वांमुळे एक गढूळ वातावरण रूममध्ये तयार झालेले होते. या पंधरा दिवसात जो ला ते तीन जणांचे मोटरसायकल घेऊन आलेले टोळके एकदाही दिसले नाही. तसेही ती एकदाही उशीरा आलीच नाही ऑफीसमधून!