शाडूच्या मातीची मूर्ती

गणपती बाप्पा मोरया! मंगलमूर्ती मोरया !
प्रत्येक वर्षी नवीन वर्षाचे कॅलेंडर घेतले की सगळ्यात पहिल्यांदा 'गणपती कधी?' हीच तारीख पाहतो. बहुतेक सगळ्यांचेच असे असावे. आहेच गणेशोत्सव सगळ्यांच्या अगदी जवळचा. माझ्यासाठी गणेशोत्सव खूप म्हणजे जवळचा! याचं कारण अर्थात् बाप्पांवरची श्रद्धा !अजून एक सगळ्यात महत्वाचं कारण म्हणजे, त्यांच्याच कृपेनं दरवर्षी मला गणपतीची मूर्ती करता येते. मी आठवीत असल्यापासून घरीच गणपतीची मूर्ती तयार करू लागलो.
आज चौदा वर्षे झाली, दर वर्षी न चुकता बाप्पा ही सेवा करवून घेतात. असो, नमनाला घडाभर तेल नको!