चित्रकला उपक्रम : माझा आवडता लोगो - जाई. - भार्गवी

आम्हाला या गणेश चतुर्थीला २ वर्षे पूर्ण झाली आणि आईच्या मायबोलीसाईट वर संयोजक मामा मावश्यांनी लोगो रंगवा उपक्रम जाहीर केला . तस आम्ही घरच्या भिंती, दरवाजे, स्वतःचे हात पाय वगैरेवर स्वतःच्या चित्रकलेचे प्रदर्शन लावले होतेच. तसेच भिंती साफ करण्यासाठी शार्क टँक वरील प्रॉडक्टवर ५०० रुपडे खर्चून आईच्या कंबरेला/ हाताला चांगलाच व्यायाम दिला होता. पण दिवसभर आमच्यापाठी धावणाऱ्या आईसाठी हे काम म्हणजे दर्यामे खसखस. तर ते असो!

आता वेळ मायबोलीकरांची होती . आईने आमच्या सध्या फेवरिट लोगोचा प्रिंटबल कागद आणून दिला आणि मग काय ! आम्ही पिकासोची जेन अल्फा पिढी असल्यचे सिद्ध करत स्क्रिबलिंग करून टाकले.

हुश्श! फारच लिहून घेतलं आईने. मायबोली संयोजक मामा मावश्यानी पल्हाळ लेखन स्पर्धा ठेवली असती तर आईचा पहिला नंबर आला असता..! ते असो . लोगो आवडला का ते जरुर सान्गा.