शशक १ - शंका - छंदीफंदी

ढोलताशाच्या कार्यक्रमावरून मंडळी घरी परतताना:
त्या नादातच ती पुटपुटली, “मलाही जावसं वाटतं, पण नाही जमणार..”
लेकाच्या तीक्ष्ण कानांनी ते ऐकलेच,”पुढच्या वर्षी तू पण ये. जमेल तुला. तुझ्यापेक्षा म्हातारी लोकही येतात..”
विचारशृंखला तुटली आणि विस्मयाचकित नजरेने तिने त्याच्याकडे बघितले,
“म्हातारी..?? माझ्यापेक्षा??”
चाणाक्षपणे नवरा पुटपुटला,” अरे, असं नाही बोलू.”
“अगं म्हणजे people older than you.. तुमच्यापेक्षा वयाने मोठे लोकंही येतात..” तत्काळ दुसऱ्याने बाबाची टिप ऐकून सुधारणा केली.

“मराठी बोलायचय ना? आता घे, Older than च शब्दशः भाषांतर केलं त्यांनी ‘अजून म्हातारे’. तरी बरं त्यांनी ‘वयोवृध्द’ अजून ऐकला नाहीये” तिचं स्वगत. “पण खरंच, तो भाषांतराचा घोळ होता की वास्तवाची जाणीव.. ?“

#parentingteenagers