पाककृती स्पर्धा १ - शिरा- निल्स_23

Submitted by निल्स_23 on 29 August, 2025 - 13:50

तर.......वरणभाताला फारच ग्लॅमर प्राप्त झाले आहे . Lol Lol Lol Lol
आणी शिरा बिचारा उपेक्षित राहिला. इतका की अगदी मीम्स मटेरियल झाला. कुठे विचारताय...
इथे बघा.
https://www.maayboli.com/node/87033?page=9#new

तर.....अजून फार मीम्स येण्याच्या आत, झटपट शिर्याची
सजावट बघा आणी सांगा कशी झाली आहे. हा रव्याचाच पण वेगळ्या पद्धतीने बनवलेला माखंडी शिरा आहे.

रेसिपी:
साहित्य
१ वाटी रवा
२ वाटी दूध
१ वाटी साखर
१ वाटी साजूक तूप
वेलची पूड
हवा तेवढा सुका मेवा

रवा दुधात भिजत घातला. साधारण तासभर. आवडत असेल तर कढईत तूप गरम करून त्यात सुकामेवा तळून घ्यावा . तो काढून बाजूला ठेवावा . आता महत्त्वाची स्टेप.
गरम तूपात साखर घालावी कॅरॅमलाईज करून घ्यावी. जास्त केल्यास कडू होईल . त्यात भिजवलेला रवा घातला. छान मिक्स करून घ्यावा . छान वाफ द्यावी . नंतर त्यात सुकामेवा व वेलची पूड घालावी . शिरा तयार आहे.

विषय: 
पाककला
Groups audience: 
मायबोली गणेशोत्सव २०२५
Group content visibility: 
Use group defaults
शेअर करा

बेस्ट सादरीकरण

वरणभाताला फारच ग्लॅमर प्राप्त झाले आहे >>> हा शिरा पण त्याच तोडीचा आहे.

Submitted by मी नताशा on 29 August, 2025 - 22:16

भारी सजावट.
शिऱ्याला ग्लॅमर प्राप्त करून दिले.
ही सजावट पण मिशेलिन स्टार रेस्टॉरंट मध्ये वाढता येईल अशी झाली आहे.

Submitted by ऋतुराज. on 29 August, 2025 - 22:45

बेस्ट शिरा!
शिरा कधीही खात नाही मी..पण हा फारच आकर्षक आहे!
त्या काड्या पण एडिबल आहेत का?

Submitted by स्वानंदी१ on 30 August, 2025 - 02:42

सुंदर दिसतोय. त्या पांढर्या पाकळ्या कसल्या लावल्या आहेत?

Submitted by सायो on 30 August, 2025 - 08:03

शिऱ्याच्या मिम्सना वेळीच आळा घालणाऱ्या आणि वरण भाताला टक्कर देऊन इकडे पारडे जड़ करणाऱ्या नितांत सुंदर मांडणीचे कौतुक.

Submitted by अni on 30 August, 2025 - 23:09

छान.कल्पक.
रंगावरून कणकेचा शिरा वाटला होता.मग कृती वाचल्यावर कळले की हा माखंडी शिरा.

Submitted by देवकी on 30 August, 2025 - 23:13

Pages