आमीर खान : एक अष्टपैलू व्यक्तीमत्व

छान आढावा घेतलाय.

एक नट म्हणुन आमिर आवडतोच. पण सातत्याने यश मिळवणारे हिरो नंतर लार्जर दॅन लाईफ होतात. नट म्हणुन जे करायला हवे त्यात ही लार्जर दॅन लाईफ इमेज मोठी भिंत बनुन उभी राहते.

आमिरचे कौतुक अजुन यासाठी करावेसे वाटते यासाठी की त्याने किरण राव व सत्यमेव जयते टिमसोबत पानी फाउंडेशन हा ट्रस्ट स्थापन करुन महाराष्ट्रातल्या शेतकर्‍यांसाठी एक उत्तम आधार निर्माण केलाय.

सुरवात त्यांनी पाणी संबर्धनाने केली. नंतर महाराष्ट्राचे कृषी खाते, कृषी विद्यापिठे, उमेद फाऊन्डेशन मिळुन डिजिटल शेती शाळा सुरु केली.

डिजिटल शेतीशाळेच्या माध्यमातुन गाव व तालुका स्तरावरील कृषी सहाय्यकांची मदत घेऊन गावोगावी गटशेती प्रमोट केली जातेय. शेतकर्‍यांना लागणारी खते, किटकनाशके व इतर निविष्ठा या सहाय्यकांतर्फे मोफत पुरवल्या जातात आणि शेती व शेतकरी कसे फायद्यात येतील यावर मार्गदर्शन केले जाते.

सेंद्रिय व रासायनिक दोन्ही सल्ले दिले जातात. सध्या जमिन आयसियुमध्ये आहे, तिला रासायनिक खते गरम पडताहेत आणि सेंद्रिय खते जीव वाचवु शकत नाहियेत. त्यामुळे कृषी शास्त्रज्ञ दोन्हीची सांगड घालुन आहे त्या परिस्थितीत शक्य तितके उत्तम पिक घेण्यात शेतकर्‍याला मदत करताहेत.

२०१६ पासुन फार्मर कप स्पर्धा भरवली जातेय. गट व स्वतंत्र शेतकरी यात भाग घेताय. सगळ्या क्षेत्रात उत्तम कामगिरी करणार्‍या शेतकरी गटाला कप मिळतो. .
पिकाच्या पेरणीपासुन कृषी अधिकारी मार्गदर्शन व लक्ष ठेऊन गट कामगिरीचे मुल्यांकन करतात. प्रत्येक पिकासाठी sop बनवलेली आहे. त्याप्रमाणे शेतकर्याने लागवड केलीय का याची वेळोवेळी तपासणी कृषी सहाय्तक व पानी फाऊंडेशन करतात.

रोज डिजिटल शेतीशाळा असते. झुम मीटिंग व यु ट्युब लाईव. संध्याकाळी ७.३० ला सुरु झालेली मिटिंग रात्री ९.३०
ला संपणे अपेक्षित असते. परंतु कित्येकदा ती रात्री १० - १०.३० - काही प्रसंगी ११ पर्यंत सुरु राहिलेली मी पाहिलीय. कृषी विद्यापिठांचे वरिष्ठ शास्त्रज्ञ इतक्या उशिरापर्यंत बसुन शेतकर्‍यांच्या प्रश्नांना न कंटाळता उत्तरे देतात. कित्येकदा तीच ती माहिती त्यांना परत परत द्यावी लागते. पण एस ओ पी चेक करा, मागचे एपिसोड बघा वगैरे न सांगता परत दहा वेळा तीच माहिती सांगतात.

सगळ्यात कौतुक तर अशिक्षित खेडुत बायांचे. गटशेती करणार्‍या या बाया मोबाईलवर पिकावरची किड, रोग वगैरेंचे उत्तम फोटो काढुन झुम चॅटवर अपलोड करुन सल्ले विचारतात. पुढच्या खेपेस अपडेट देतात. कित्येकदा सगळा गट एकत्र बसुन मीटिंग अटेण्ड करताना दिसतो. जिथे नेटचा प्रॉब्लेम आहे तिथे क्रुषी सहाय्यकाच्या मदतीने प्रश्नांची उत्तरे मिळवतात. इकडे तिकडे ट्रेनिंग घ्यायला जातात, विद्यापिठांना भेटी देतात. मिटिंगवर येतात तेव्हा शास्त्रज्ञ व इतर मंडळी यांच्या मदतीबद्दल त्या इतक्या प्रेमाने आपुलकीने बोलतात ते ऐकुनच शास्त्रज्ञाना घेतलेल्या कष्टांचे चिज झाल्यासारखे वाटत असणार

आजवर फारसे मार्गदर्शन न मिळालेल्या शेतकर्‍यांना पानी फाउंडेशनने अतिशय उत्तम प्लॅटफॉर्म निर्माण करुन दिला याबद्दल आमिरचे कौतुक करावे तितके कमीच आहे.

https://www.paanifoundation.in/training-films/

https://youtube.com/@paanifoundation?feature=shared

या निबंधासाठी संदर्भ म्हणून ग्रोकची मदत घेतली आहे.
>>>>>

थोडे वाचल्यावर अंदाज आला म्हणून खाली चेक केले तर बरोबर निघाला

त्यामुळेच कदाचित लेख विकिपीडिया सारखा झाला आहे. लेखात तुमचे असे वाचायला आवडेल. तसे प्रतिसाद इथे येतीलच..

आमिर आमच्या पिढीचा हिरो आहे. मी चाहता शाहरुखचा असलो तरी मला या माणसाबद्दल फार कौतुक आहे.
अभिनयात मेहनत तर तो घेतोच. पण सामाजिक कार्यात देखील पुढे असतो.

त्या अनुषंगाने आलेली साधना यांची पोस्ट आवडली.

परवाच युट्युब सर्फ करताना करताना त्याचे सत्यमेव जयते चे गाणे खूप दिवसांनी ऐकले. छान वाटले.

पाणी फाऊंडेशनचं काम खूपच विस्तृत लिहीलं आहे.>>>>

विस्तृत लिहिण्याचे कारण हेच की शेती व शेतकरी हा माबोकरांचा विषय नाही, हाताच्या बोटावर मोजावे इतके शेतकरी असतील इथे. पण इथल्या अनेकांच्या घरी आजही कोणी शेती करत असतील. तर ही माहिती त्यांच्यापर्यंत जावी हा उद्देश.

आणि अजुन एक उद्देश हा की आपण परिचित नसलेल्या क्षेत्राशी संबंधित जी कामे होताहेत त्यांची माहिती सगळ्यांना मिळावी.

आणि हे सगळे एका नटाने सामाजिक जाणिव म्हणुन केले ही त्याची एक बाजुही कळावी. कित्येकांना सत्यमेव जयते ही मालिका माहित आहे पण त्याचे पुढे काय झाले हे माहित नसते. आपल्या माहितीबाहेरही खुप जण खुप काही करताहेत हे कळावे.

रानभूली
ग्रोकची मदत घेण्यात काय वाईट आहे? >>> काहीच नाही. अंदाज बांधला तो बरोबर आला इतकेच.

सतराशे साठ गुगल सर्च मधून आलेल्या लिंक्स पेक्षा एका क्लिकवर माहिती मिळते >>>>> ती एवढ्या प्रसिद्ध हिरोबद्दल विकीवर सुद्धा मिळते असे वाटले.

हा लेख थोडा आठवणी वगैरे असा रंगवला असता तर पर्सनलाइज्ड्ड वाटला असता >>>> एकजेक्टली. काही स्वतःच्या आठवणी, तर काही आमिरचे किस्से, तर काही त्याने साकारलेल्या भूमिकांबद्दल.. मला तसेच वाचायला आवडला असता म्हणून म्हटले
पण ते आता तुमच्या आणि इतरांच्या प्रतिसादात शोधेन.

जसे एक पैलू मला साधना यांच्या विस्तृत प्रतिसादात सापडला आणि त्यांनी ती पोस्ट लिहायचा जो उद्देश सांगितला नेमके तेच.

यावर फार चर्चा न करता आता हा धागा आमिरवर जाऊ देऊया आणि आमिरवर राहू देऊया

आमिर आवडता कलाकार ! साधना पाणी फौंडेशनची विस्तृत माहिती दिल्याबद्दल धन्यवाद!

छान आढावा घेतला आहे.

<<आमिर आवडता कलाकार ! साधना पाणी फौंडेशनची विस्तृत माहिती दिल्याबद्दल धन्यवाद!>> +१

रच्याकने: QSQT कोलेजध्ये असताना प्रकाशीत झाला. आम्ही दर चार पाच दिवसांनी जाऊन बघायचो, बऱ्याच वेळा बघितला तेव्हा बहुतेक कॉलेज तरुण-तरुणींनी.
सगळे डायलॉग पाठ झाले होते तेव्हा.

हो, त्याची क्रेझ होती. मी ती अनुभवण्याच्या वयात नव्हतो.
पण दिल मधील सुरुवातीचा अतरंगीपणा आठवतो. आय मीन त्याच्या फर्स्ट हाफची सुद्धा एक हवा असल्याचे आठवते.

सगळे डायलॉग पाठ झाले होते तेव्हा.
>>>
पण अंदाज अपना अपना डायलॉग प्रेमींना टक्कर नाही देऊ शकणार कोणी

या निमित्ताने प्रतिसाद दिलेत म्हणून दुसर्‍यांदा आभारी आहे.
>>>>>
या निमित्ताने कश्याला आमिर हेच मोठे निमित्त आहे इथे प्रतिसाद द्यायला
शाहरुख, आमिर, सलमान या तिघांवर माझी पिढी आपला हक्क समजते. या तिघांच्या समान धागा असलेल्या तीन आयकॉनिक चित्रपटांवरचा एक धागा माझा पेंडिंग आहे

उदाहरणार्थ गझनी. हा यशस्वी सिनेमा असला तरीही तो काही त्या वेळच्या आमीर स्विकारत असलेल्या चित्रपटांशी सुसंगत नक्कीच नाही. तो चालला कारण आमीरचा सिनेमा म्हणजे चांगला या डोळे झाकून विश्वास टाकण्याच्या प्रेक्षकाच्या सवयीने. >>> हे काही पटलं नाही.
मी शाखा चा पंखा असलो तरी माझ्या मते "रंगीला " हा DDLJ पेक्षा उजवा सिनेमा होता. त्याला film fair अवार्ड मिळाले नाही हे चूकच होते.

आमिरबद्दलची सर्वात पहिली आठवण अर्थातच 'कयामत से..' चीच. पण ती माझ्या बाबांच्या संदर्भातली.
या सिनेम्यात आमिर प्रेमबिम करतो ते ठीक आहे, पण बंडखोरी करतो हे फार झालं असं ते म्हणालेले. आमिर इतका नाजूक दिसत होता, की तो धाडस करून दोघाचौघांना लोळवेल (आणि पुढे जाऊन संसार थाटून जुहीला खाऊ पिऊ घालेल) हे अशक्य असल्यागत बाबा टीव्हीकडे बघायचे. 'काय ती बॉडी, आणि काय ती भाषा' म्हणत ते डोळे विस्फारून भयानक आश्चर्याने ते आमिरकडे बघायचे. त्यांचा तो चेहेरा अजून आठवतो.

माझा हिरो शाहरुख असला तरी आमिरच्या प्रत्येक सिनेम्याचा माझ्यावर लाँग लास्टिंग इंपॅक्ट आहे- हे मान्य केलं पाहिजे. कॉलेजच्या काळात तो वो छा गया था. सरफरोशचा गुलछबू दिसणारा माणूस एक डॅशिंग इंस्पेक्टर असू शकतो- हे कंव्हिंस करायची ताकद त्याच्यात आहे. इतर दोघा खानांना (आणि इतर अनेकांना) ते फार जमेल असं वाटत नाही. पार्ट्या, ग्लॅमर, अ‍ॅवार्ड्स, लाईमलाईट नाकारणारा नायक म्हणून मला तो आवडतो.

आवडायची इंटेंसिटी अर्थातच वयानुसार कमी झाली. ती होतेच. आता पुर्वीइतकं फॅनडम राहिलेलं नाही, मात्र त्याने एक काळ व्यापला होता, याची माझं आयुष्य आठवण ठेवेल, हे नक्की.

आमिरबद्दल अजून लिहायला पाहिजे. खूप आठवणे आहेत. डायरीच होईल..

आमिरने आपल्या कुत्र्याचं नाव शाहरुख ठेवल्याची बातमी मागे एकदा आली होती ते बरोबर आहे का रे ऋन्मेष? लोक काय काहीही पसरवतात म्हणा..

आमिरने आपल्या कुत्र्याचं नाव शाहरुख ठेवल्याची बातमी मागे एकदा आली होती ते बरोबर आहे का रे ऋन्मेष? लोक काय काहीही पसरवतात म्हणा..
>>>>>>>>

सचिनला 194 वर असताना डिक्लेअर केले ती जशी एक अक्षम्य घोडचूक घडली तशीच एक आगळीक आमिरकडून घडलेली. अक्कल थोड्या वेळासाठी गवत खायला गेली की अशा घटना घडतात.

नंतर रजत शर्माच्या जनता की अदालत मध्ये त्याने या प्रकरणाबद्दल माझा मस्करी करायचा हेतू होता पण कुस्करी झाली म्हणत माफी मागितली होती पण अश्या प्रकरणात गेलेली लाज परत येत नाही. त्या प्रकरणात कोणीही आमिरची बाजू घेतली नव्हती.

तेव्हाचा त्याचा हेतू नक्की काय होता कल्पना नाही. कदाचित असेलही खरेच हलक्या फुलक्या मस्करीचा हेतू. त्याबाबतीत त्याच्यात शाहरुखइतकी प्रतिभा नाही की कसे लाइटर मोडमध्ये मस्करी उडवावी.

पण आता तो किस्सा लोकांच्या विस्मरणात गेला असेल. तुम्ही इथे लिहिला म्हणून कित्येक वर्षांनी आठवला..

सरफरोशचा गुलछबू दिसणारा माणूस एक डॅशिंग इंस्पेक्टर असू शकतो- हे कंव्हिंस करायची ताकद त्याच्यात आहे.
>>>>>>>

चोकस आठवण
आमच्यात यावरून फार वाद व्हायचे. तो या भूमिकेला साजेसा होता की नाही यावरून
तेव्हा सगळा ग्रुप आमिर आणि शाहरुख मध्ये विभागला गेला होता. दोघात कोण सरस ठरवायला चढाओढ लागायची.

माझा हिरो शाहरुख असला तरी आमिरच्या प्रत्येक सिनेम्याचा माझ्यावर लाँग लास्टिंग इंपॅक्ट आहे- हे मान्य केलं पाहिजे.
>>>

याला सुद्धा संपूर्ण अनुमोदन.. आय मीन सेम पिंच
माझे सुद्धा असेच होते.
फक्त त्या काळी मान्य करायची सोय नव्हती.
पण आमिरचे सरफरोश आणि गुलाम या दोन चित्रपटामुळे तेव्हा मानायचो त्याला

या जॉनरचे चित्रपट त्याच्यामुळेच पुन्हा पुन्हा बघू शकायचो.

गुलामची दस दस की दौड फेमस होती आमच्यात.. आम्ही तो स्टंट करायचो. एकाने त्यात तांगडे मोडून घेतले होते..

आणि सरफरोश मधील एक डायलॉग सगळा ग्रुप मारायचा..
क्या ठाकूर तेरे को कितनी बार बुलाया तू कभी आता नही..!

आमीरचा अजून एक सिनेमा मला भावलेला. तो म्हणजे तलाश आमीर करीना आणि राणी मुखर्जी. झोया अख्तरची पटकथा असलेल्या ‘तलाश‘ चित्रपटातील गूढता ही झोया अख्तर हिच्या वास्तविक जीवनातील घटनेवर आधारित आहे, हे खूप थोड्या लोकांना माहित असेल.

तलाश मी का माहित नाही पण फार उशिरा ओटीटीवर पाहिला.
चांगला चित्रपट होता तेव्हा का नाही पाहिला असे वाटले.
पण त्यात खरोखरचे भूत होते ना.. मग तो कसा काय कोणाचा खरा अनुभव होईल. प्लीज आता भूत खरोखर असते म्हणू नका. नाहीतर धाग्याला वेगळेच वळण लागायचे

मी शाखा चा पंखा असलो तरी माझ्या मते "रंगीला " हा DDLJ पेक्षा उजवा सिनेमा होता.
>>>>>

बिलकुल नाही
म्हणजे मला रंगीला चित्रपटाबद्दल आणि त्यातील अमीरच्या रोल बद्दल कमालीचा आदर आहे आणि तो ठेवूनच मी हे म्हणत आहे.
डीडीएलजे हा चित्रपट एक मैलाचा दगड होता. तिथून जी सुरुवात झाली ती पुढची सगळी पिढी त्या जॉनरच्या चित्रपटांच्या प्रभावाखली आली. एका युगाची सुरुवात म्हणू शकता. अजून हजार वर्षांनी सुद्धा तो चित्रपट अजरामर असेल. पण ते रंगीलाबाबत नाही म्हणू शकत.
पण याचा अर्थ रंगीला भारी नव्हता असे होते का? तर बिलकुल नाही. किंबहुना असे काही चित्रपट आमिरने आणि इतरांनी दिले आहेत. पण जर तेव्हा स्पर्धा शाहरुखच्या डीडीएलजे सोबत असेल तर आमिर खानने बेटर लक नेक्स्ट टाईम हे स्वीकारायला हवे होते.

मला डीटेल्स माहित नाहीत. भूत वगैरे काही नाही. guilty conscious आणि त्याचे निराकरण वगैरे इशू असू शकतात.

केशवकुल ओके, तसे असू शकेल. बरेच पदर आहेत कथेला. किंबहुना म्हणूनच चित्रपट मस्त आहे. बहुदा मी त्यात खरोखर भूत दाखवले आहे म्हणून पाहिला नव्हता. भुताची भीती वाटते म्हणून असे नाही तर सस्पेन्स थ्रिलर चित्रपटात भूत वगैरे दाखवले तर लॉजिक गंडते आणि चित्रपट बघायची मजा जाते असे मला वाटते.. किंवा वाटायचे. पण तरीही तलाश आवडला.

डीडीएलजे गाण्यांच्या जोरावर चालला.
>>>>>>>>>
गाण्यांच्या जीवावर कुठलाही चित्रपट इतका चालत नाही. गाणी कुठेही ऐकता बघता येतात. डी डी एल जे मध्ये शाहरुखच्या कॅरेक्टरचा जो ग्राफ होता तो कमालीचा होता आणि त्याने अफलातून साकार केला होता. जर तो पिक्चर आमिरने नाकारला असेल तर त्याने बॉलीवूडवर फार मोठे उपकार केले. बॉलीवूडला त्याचा राज राहुल आर्यन मिळाला. चित्रपट तो आमिरसोबत सुद्धा सुपरहिट गेला असता, पण आयकॉनिक झाला नसता.

नाहीतर धाग्याला वेगळेच वळण लागायचे
>>> look who is talking.

DDLJ is milestone. शंकाच नाही. सगळे मूर्ख बनायला तेव्हापासून तर सुरुवात झाली. प्रभाव मान्य केलाच पाहिजे. अजूनही आहे माझ्यावर.

DDLJ मुळे तर आमिर थोडा माझ्या दाराबाहेर गेला होता. पण नंतर सरफरोश रंगीला लगान रंग दे दिल चाहता है ने आमिर परत आला माझ्याकडे.

रृ च्या वरच्या पोस्टला अनुमोदन

पण आमिरचा धागा आहे बाळा. शारूक बास

अरे दिल चाहता है तर मी गेल्या महिन्यात कितव्यांदा तरी बघितला. लेकीला सुद्धा दाखवला.
जेव्हा आलेला तेव्हा अक्षय खन्ना ची लव्हस्टोरी झेपली नव्हती. कारण ते समजायचे वय नव्हते.
सैफ अली खान ची स्टोरी मस्त होती पण सोनाली कुलकर्णी बोर प्रकरण होते.
पण आमिरची स्टोरी एव्हरग्रीन.
म्हणजे मला त्या तिघांच्या मैत्रीच्या ट्रॅक पेक्षाही आमिरची लव स्टोरी जास्त आवडते त्या चित्रपटात.
एकेक दर्जेदार चित्रपट दिले आहेत आमिरने वेगवेगळ्या जॉनर मध्ये..

शाहरुख तर अध्येमध्ये राहणार.. रोहित शर्मा विराट कोहली यांची चर्चा एकत्रच चालते थोडेफार तसेच आहे हे.

आता वरची पोस्ट लिहिली आहेच पूर्णपणे दिल चाहता है वर.. धागा आमिरचाच आहे. शाहरुख आला तर त्या अनुषंगानेच येणार. आमिरने नाकारलेला चित्रपट असे कोणी म्हटल्यानेच डीडीएलचे पोस्ट आली

बाकी डर सुद्धा आमिरने नाकारला असे वर म्हटले आहे. त्याबद्दल तर बोलायलाच नको. सनी देओलला सुद्धा त्याबद्दल बोललेले आवडणार नाही