Submitted by जोतिराम on 10 July, 2025 - 10:28
हो, मी आता रडणं सोडून दिलंय
रोज रोज मरणं सोडून दिलंय
बोलताना समोरून उत्तर अन
ऐकताना झुरणं सोडून दिलंय
मानाची इच्छा, प्रेमाची अपेक्षा,
रोजच होणारी त्या शब्दांची समीक्षा
प्रतीक्षा, शुभेच्छा, सदिच्छा साथ
स्वेच्छेने पुरवणं सोडून दिलंय
हो, मी आता रडणं सोडून दिलंय
वाद - अनुवाद, साद - संवाद,
उगाच द्यायचा म्हणून प्रतिसाद
सगळे नाद, दाद, विवाद, संवाद,
आता वापरणं सोडून दिलंय
हो, मी आता रडणं सोडून दिलंय
मूर्ख - व्यवहार, व्यर्थ - उपचार
पुन्हा पुन्हा तो- तोच विचार,
सत्कार, उपकार, नात्यांचा आचार
यात वावरणं सोडून दिलंय
हो, मी आता रडणं सोडून दिलंय
रोज रोज मरणं सोडून दिलंय
Groups audience:
Group content visibility:
Public - accessible to all site users
शेअर करा
छान.
छान.