तुला जपणार आहे

माया खूप मार खाते , काल बोलली पण काय चाललय काय जो तो येतो मला मारतो .

"कहीं आग लगने से पहले, उठता है ऐसा धुआँ"! >>> यावर हसायचं राहिलं होतं. ते हसून घेते.

आईच्या श्राद्धाला तिच्या लहान मुलांना नमस्कार करायला नेतात, त्यामुळे मला गैर वाटलं नाही ते आणि वेदा इतकं काही कुक्कुलं बाळ नाहीये.

सगळे पटापट उड्या मारत या बघू लेटेस्ट एपिसोडसवर. >> +१ देतो आहे खरा पण भारताबाहेर बघायला बराच जुगाड आहे हे खरं आहे. पण मंजिरी/मार्जारी/माया/मीराला आपण नाही बघणार तर आणखी कोण बघणार?
इथली चर्चा पाहून एक रिपीट बिंज रन करायचा मोह होतो आहे पण इतर वॉचलिस्टीतून वेळ काढणं अवघड आहे.

बाय द वे या लोकांनी मंजिरी/मार्जारी/माया/मीरा या चार मकारांच्या जोडीला आणखी दोघी आणल्या की सहा मकार होऊन या सीरियलमध्ये षड्रिपु असून ही परिपूर्ण बंडल आहे असे म्हणू शकू.

आख्खा एपिसोड आंबिका अथर्वची अनिव्हर्सरी साजरी करायची का नाही याबर घालवला, ती आयडिया मंजिरी आणि मीराच्या मनात एकत्र येते, वेगवेगळ्या कारणासाठी, पण मीरा बाजी मारते म्हणून मंजिरी एकदम विरुद्ध बोलते. वेदाही मीराच्या विरोधात बोलते.

हल्ली दादासाहेब नुसते बसून रहातात, मत मांडत नाहीत त्यापेक्षा मीराच्या बाबांना म्हणजे त्या साधूला जाऊन भेटा की.

मंजिरी मायावर डाफरते परत एकदा, कान पिळते.

ही सिरीयल बघायचा मला आता कंटाळा आलाय. तोचतोचपणा वाटतोय. ती आगाऊ मीरा, दातओठ खाऊन खाऊ की गिळू करणारी मंजिरी, मानतिरपी करुन वाकडातिकडा उभा रहाणारा अजित, वेडसर झाक आणि सतत माती खाऊन ह्याला मार त्याला मार मंजिरीच्या सांगण्यावरुन करणारी आणि सतत मार खाऊन तेच तेच तसंच वागणारी माया.

या सगळ्यात वेदापेक्षा मला आता तिच्या बाबांचीच काळजी वाटायला लागलीय.

भुतांबिकाला फॉर अ चेंज पांढरी नसून काळी साडी दिली आहे. त्यावरून सतत आगीचे फलकारे जात असल्याचा इफेक्ट आहे.
<<<<<<
तिला काहीतरी आगीत जाळून खतम केले होते ना? त्यामुळे असेल.

तितक्यात कुठून अथर्वचे बाबा दारामधून येतात
झुंबराखालचा काही भाग टकलाखाली घेतात
नर्मदाआत्या घाबरी होऊन सैरावैरा पळत जाते
झुंबरपाड्या नोकराचं लक्ष अलगद वेधून घेते
खाली येणार्‍या झुंबराचा सुरू होतो उलटा खेळ
पुन्हा एकदा वेदाची पुढे जाते मरणवेळ

>>>>>>>>>
चक्क डोळ्यांसमोर भुतांबिका (गोष्टींमधून) आरपार जाते...
एरवी गोष्टी हलवायला तिला कुठून शक्ती येते?

तितक्यात कुठून अथर्वचे बाबा दारामधून येतात
झुंबराखालचा काही भाग टकलाखाली घेतात
नर्मदाआत्या घाबरी होऊन सैरावैरा पळत जाते
झुंबरपाड्या नोकराचं लक्ष अलगद वेधून घेते
खाली येणार्‍या झुंबराचा सुरू होतो उलटा खेळ
पुन्हा एकदा वेदाची पुढे जाते मरणवेळ
>> _/\_
भूतांबिका कमकुवत भूत आहे म्हणून हवेत गोठवणार्‍या थंडी ऐवजी गारवा!

तितक्यात कुठून अथर्वचे बाबा दारामधून येतात
झुंबराखालचा काही भाग टकलाखाली घेतात
नर्मदाआत्या घाबरी होऊन सैरावैरा पळत जाते
झुंबरपाड्या नोकराचं लक्ष अलगद वेधून घेते
खाली येणार्‍या झुंबराचा सुरू होतो उलटा खेळ
पुन्हा एकदा वेदाची पुढे जाते मरणवेळ
>> धमाल. मी हे कळावं म्हणूनच तर बिंजून काढली मालिका.

मी २ पान वाचली आणी काय व्यासग आहे तुम्हा लोकाचा अस म्हणून तुम्हाला शाबासकी द्यायला आली आहे..
ध मा ल लिहताय...मला वाचुनच इतकी मज्जा आली.

आज ५,७ आणि ८भाग बघून झाले. मी असेच Random बघतो आहे. कथानक असे समजत नाही, पण बघायला मजा येते. कुणी मला सांगा डोळे पांढरे का व केव्हा होतात? तसेच त्या भूताम्बिकेचे कोणी ऐकत नसते तरीही ती बक बक का करत रहाते? भुते एव्हढी डंब असतात ?

रामपुरे यांच्या घरात खरंतर घराण्यात प्रथाच प्रथा. ही प्रथा, ती प्रथा, उठसुठ प्रथा.

एक ग्लास पाणी उकळवणे एक वेळ समजू शकेल पण आख्खा स्विमिंग पूल ? हे नवव्या एपी मध्ये आहे. भूताम्बिका अत्यंत विनोदी आहे. आमच्या कोकणात अशी छोटी मोठी खोड्या करणारी व्रात्य भुते असतात. त्यांना एक नाव आहे. आठवले तर लिहीन

देवीच्या रुपातली म्हातारी आजी घरी आली रामपुरेंच्या. तिने मीरा, अंबिकाला एकत्र रहा सांगितलं. आता तिला हेही सांगता येत होतं की नाही की तुमच्या लाडक्या सासुबाई चेटकीण आहेत किंवा तिला मदत करणारी आहे, ते सांगितलं नाही. ती आजी घरात आली आणि माया आणि महामाया (मंजिरी) दोघींना त्रास व्हायला लागला.

मी आधीचं स्कीपच केलं ना. त्यातही छोटे प्रोमोज आणि आठवड्यातून एकदा बघत होते. इथे धागा निघाल्यामुळे आता रोज बघतेय, हाहाहा.

ती आजी घरात आली आणि माया आणि महामाया (मंजिरी) दोघींना त्रास व्हायला लागला. >> महामायाने पवित्र वस्तुंना स्पर्श करुन हात जाळून घेणे हाही एक ट्रोप व्हायला लागला आहे. ही आजी म्हणजे एपिसोड ५/६ मधली rmd ने नमूद केलेली आंधळी बाई आहे.

या सीरियलचा वन लायनर प्लॉट असाही सांगता येईल की लोकांच्या आयुष्यात राम राहत नाही तर रामपुरेंच्या घरात इतका राम झाला की ते म्हटले आता राम पुरे आणि संकटे यायला लागली
सध्या अ‍ॅनिव्हर्सरी सेलिब्रेशन आर्क चालली आहे. अ‍ॅनिव्हर्सरी सेलिब्रेशन निमित्त देवळात जाऊन होम हवन करत आहेत. अथर्व-मीरा-वेदाने सेलिब्रेट करु नये म्हणून अडथळे आणण्याचे सर्व प्रयत्न फसले. मग मायाने महामायाला "तुम्ही लूजर आहात" हिणवलं आणि विषात भिजवलेले बर्बन बिस्कीट खाऊन कायमचं रिलॅक्स होण्याचा सल्ला दिला. महामायाने तो सल्ला मानला नाही कारण चॅनेलने अजून शटर बंद करायला सांगितलेलं नाही. आता माया सेलिब्रेशनच्या ठिकाणी वेदाला चिथावून काही होतंय का बघते आहे.

आणखी एक इंटरेस्टिंग बाब अशी की सुरुवातीच्या एपिसोड्समध्ये वेदा अंबिका/मायाप्रमाणे केस मोकळे सोडून वावरते. आता ती मीराच्या हेअरस्टाईल मध्ये फिरते (मीराला तिने आई मानले दाखवायला).

बरं ती महामाया एरवी देवघरात जात असते, दिवा लावत असते, तुळशी पुजा करत असते तेव्हा देवी काहीच करत नाही तिला, हे देवीला असं तसं बोलल्याने, हार तोडायला सांगितल्याने आणि मायाने तोडल्याने दिलेली शिक्षा असावी. ही तात्पुरतीच दोन चार एपिसोडपुरती असणार, कारण देवी म्हणाली आहे पुढे अनेक संकटांना तोंड द्यायला लागणार, तेव्हा एकत्र रहा.

बरं ती महामाया एरवी देवघरात जात असते, दिवा लावत असते, तुळशी पुजा करत असते तेव्हा देवी काहीच करत नाही तिला >> हो ना
महामाया शाचिनी/पिशाचिनी स्कूलमधली चेटकीण असावी. ती शाचिनीही वेळ आली की अशीच हात/पाय/चेहरा भाजून घेते पण एरवी देवघरात मिरवताना दिसली आहे आणि दिव्यादृष्टीच्या गणपती स्पेशल एपिसोडमध्ये तिने स्वत:च्या हाताने नैवेद्यही बनवलेला

एवढा विचार करतायत? ऐ ते न >> ते करत आहेत का माहित नाही पण सध्या शिरेलीत विशेष काही घडत नसल्याने असे बॅकग्राऊंड एलिमेंट्स बघितले जात आहेत

सतराशे साठ वेळा तोंडावर पडून मायाचा कॉन्फिडन्स मात्र हाय लेव्हलला असतो, मॅडम तुम्ही काळजी करू नका, मी सर्व व्यवस्था केलीय, वेदा आणि अथर्व जवळ येणार नाहीत, अनिव्हर्सरी पूजा होणार नाही आणि महामाया विश्वास ठेवते, मार्जारी मात्र सावध करते तिला.

ती देवी घरात येते, आशीर्वाद देते, मंजिरीला देवळात पाऊल ठेऊ देत नाही तरी बाकीचे व्हिलन देवळात सरस ठरतात आणि मीरा बिचारी तोंडघशी पडते. वेदा मायाचे ऐकून तिच्या बाबांवर आरोप करते, पूजा अर्धवट रहाते, भूत ताई काहीच करू शकत नाही. घरीही मिराला घा पा बोलतात सगळे.

देवी आणि भूत दोघांपेक्षा व्हिलनची सरशी होते.

माया तोंडघशी पडेल वाटलेलं म्हणून आधीची पोस्ट लिहिली पण ती जिंकते.

रामपुरे घराण्याची अजून एक रीत समजली. जिरं, मोहरी सांडलं तर केरसुणीने उचलायची नाही, त्यावर पाय पडता कामा नये, एकेक दाणा उचलायचा. जिरं मोहरी रीत सॉलीड आहे, त्यातील शह काटशह आवडला. मायाने मीराला किचनमधे धक्का दिला, जिरं सांडलं. नर्मदाआत्या आणि मायाने तेव्हा ही रीत सांगितली आणि ते जिरं इमाने इतबारे गोळा करुन, सर्वांसमोर मोहरी मायाहस्ते सांडायला लाऊन तो डाव मीराने मस्त उलटवला. जिरं तसं थोडं होतं, मोहरी जास्त आणि मोहरी तशी एकेक दाणा गोळा करायलाही कठीण.

बाय द वे आधीच्या भागात, देवळात वेदा असं म्हणू शकली असती की मायाने मला सांगितलं बाबा तू आईला मारलंस आणि मीरा आईलाही मारणार आहेस, देवी इतकंही तिच्याकडून वदवून घेऊ शकली नाही.

सॉरी टू से, माया आता मला जास्तीतजास्त कृत्रिम आणि वेडसर वाटू लागली आहे.

सर्वांसमोर मोहरी मायाहस्ते सांडायला लाऊन तो डाव मीराने मस्त उलटवला >> हो हा पार्ट भारी होता.

अंबिकाने इतके दिवस मीराला तिचा खूनी कोण (माया) हे सांगितेललंच नसल्याने सगळा सावळा गोंधळ. झी वाल्यांनी मारे पोल घेतलेला की "अंबिका मीराला कोणतं महासत्य सांगणार?" पण महासत्याच्या महारविवार शेवटी जिरं/मोहरी गोळा करण्यात गेला.

सेलिब्रेशन आर्क संपल्यानंतर सांडवासांडवी आर्क दिसते आहे. मीराला preview मध्ये अगदी कोरडा फडफडीत केळाचा शिरा करताना दाखवलं आहे जो नर्मदाआत्या सांडते. आता रामपुरे शिरासुद्धा कणाकणाने उचलायला लावतात का ते बघायचं