तुला जपणार आहे

धमाल चालू आहे

आज लिंबू टींबू भुताने माया आणि नर्मदाच्या नवऱ्याने कुस्करलेले मोदक, एका क्षणात चांगले केले. त्यामुळे मीराचा उदो उदो होईल. >>

ती स्वामींकडे असेपर्यंत तिच्या घरच्यांना स्वामी बक्कळ पैसा देतात. हे ऐकून मीराच्या काकूच्या तोंडाला पाणी सुटतं. >> काँटेक्स्ट: हे काकूला सांगणार्‍या माणसाने मसनजोगी उर्फ मीराच्या वडलांना कर्ज दिले होते जे काका-काकू फेडत आहेत. ते वसूल होण्याच्या दृष्टीने तो काकूला पिन मारतो. #एव्हरीथिंगइजप्लॅन्ड व्हिलनमंडळीचे इतके प्लॅन्स आहेत की writer has weaved a rich tapestry of plans म्हणावे लागेल.

आत्तापर्यंत फक्त व्हिलन बायाच मान वाकडी करून दुष्ट असल्याचा पुरावा देत असल्याचं पाहिलंय. या मालिकेत मात्र पुरूषांनी पण ही कला अवगत करून घेतली आहे. >> आता एपिसोडवाईज विकी बनवत आहोतच तर युट्युबवर एपिसोड ३, टाईम स्टँप १०:४५. वाकडी मान दर्शनाचा लाभ घ्यावा

डायनो अंबिका >>

पास्ताचे पेन्ने ओवल्यासारखे दिसते. >>

ते कासवही नंतर वापरण्यासाठी सोडलेला सेटअप असणार. मार्जारीचा फ्लॅशबॅक १७० वर्षांपूर्वीचा आहे म्हणजे कासव फ्लॅशबॅकच्या २० वर्षांनंतरचं आहे. मार्जारीनेच कदाचित कोणाचंतरी कासव करुन तळ्यात सोडलं असेल.

आता त्या कासवाला बघण्यासाठी मला पहिला एपिसोड बघावा लागणार.

चालेल, बरं झालं परफेक्ट सांगितलंस ते.

इकडे अंबिकाच्या फोटोला खोट्या सोनचाफ्याचा हार आहे. >>>>>>>>>> हा हार सर्वत्र आहे . त्यांच्या देवी आईला पण तो घातला आहे. काल ती मंजिरी देवीच्या फोटोची आरती करताना त्या फोटोतल्या देवीलाही तो वाहिला होता व मंजिरी ज्या फोटोची आरती करत होती त्याला पण तो लावला होता . त्यामुळे ते हारावर हार दिसत होते.

भुतांबिका >>>>>>>>नाव आवडले

मला यातला तो पुजार्‍याचा रोल करणारा आता सगळीकडे दिसू लागला आहे >>>>>>> आबा नाईक आहे तो कायमचा पिचलेला चेहरा त्यामुले त्याला असेच रोल मिळतात स्पेशली भुताच्या सिरीयल मध्ये नवा गाडी नवे राज्य , रात्रीस खेळ चाले , आणि आता हि .

वन स्टॉप शॉप फॉर ऑल द स्टुपिडीटी आहे.
>>>
फ्रेडरिक फोरसाइथच्या वरताण प्लॉट आहे इथे. लेखकाला तरी सुधरतंय का की नेक्स्ट एपिसोडमध्ये काय दाखवायचं आहे?

हो ना. असा व्यासंग हवा!
मला तर वाचतानाच गरगरलं. कोण कोणाचं नातेवाईक ते कळलं नाही. भूतं किती आणि कुठल्या कॅटेगरीची (चांगली/ वाईट) काही म्हणता काही कळलं नाही.
तुम्ही सगळे लिहीताय गमतीदार. तेवढं वाचून गब्बसते.

सध्यातरी एकच भूत आहे अनया, अंबिकाचं. तेच लिंबू टिम्बु पॉवरहीन. बाकी तिच्या आईचं वगैरे भूत झालेलं नाहीये. मंजिरीचं ऐकून माया वेदा, मीरा आणि अथर्वला यमसदनाला पाठवायचा प्रयत्न करते पण यश मिळत नाही म्हणून भूत संख्या वाढत नाही. मार्जारी भूत नाहीये बहुतेक.

झाले बाई एकदाचे 151 मोदक, भूतकृपेने. मीरा आली नैवेद्य दाखवायला, वेदासाठी हे करतेय असं महागौरीमातेला सांगितलं आणि मंगळसूत्र वाट्या सुलट करण्याचा विधी पार पडला.

नंतर मंजिरीने मायाला भरपूर मोदक खायला लावले, नवीन शिक्षा.

आजच्या एपिसोडमध्ये
१) कुस्करलेले मोदक हॅव बीन अनकुस्कर्ड हे समजल्यावर मंजिरीने मायापुढे मारक्या म्हशीप्रमाणे बघत आरतीचे ताट धरणे आणि मायाने 'घाबरले' दाखविण्याकरता खांद्यावरुन पदर घेऊन कुडकुडत घेतलेली आरती,
२) शिक्षा म्हणून, सॉरी मीराचे यश साजरे करायचे म्हणून मंजिरीने मायाला १५१ मोदक खाण्याचा दिलेला आदेश
या दोन मस्ट वॉच मोमेंट्स आहेत

ते 151 नव्हते मोदक, मी मोजणार होते पण जाऊदे म्हटलं

देवासमोरचे त्यापेक्षा जास्त होते पण तेही 151 असतील का नक्की असं वाटलं.

मला अंबिका आवडली लेटेस्ट एपिसोडमध्ये, भूत म्हणून नाही पण आई म्हणून त्या आगाऊ मीराला मस्त निरुत्तर केलं. तू निघून जा, निघून जा सांगत होती मीरा पण तिने नाही ऐकलं, माया जात नाही इथून तोपर्यंत मी राहणार इथे म्हणाली.

आगाऊ मीरा अथर्वला attitude का दाखवते काय माहिती.

मंजिरीने परत दादासाहेबांना संमोहित केले की काय असं वाटलं

माया जेव्हा अथर्वला जिन्यावरून पाडते तेव्हा त्याची भूत बायको कुठे गायब असते, जर तिला माहितेय माया दुष्ट आहे तर सतत मायावर नजर ठेवायला नको का तिने. परत एकदा काहीच उपयोग नसलेली भूत.

खतरनाक लिहिलं आहे! बरेच दिवस हा वाचायचा राहिला होता.

माया जेव्हा अथर्वला जिन्यावरून पाडते तेव्हा त्याची भूत बायको कुठे गायब असते, >>>>>>>>नेमक्यावेळी ती गायब असते . कुठे कडमडते त्यावेळेत काय माहित. ती मंजिरी जेव्हा त्या मायाला चोप देत असते तेव्हा जर ती तिथे उपस्थित राहील तर अर्धी मालिकाच उलगडेल.

स्फोट व्हायच्या आधीच धूर सोडत ट्रक पडत राहतो आणि मग एकदाचा स्फोट होतो >>> Take that SRK and Subhash Ghai! "परदेस" मधे विचारत होते "कहीं आग लगने से पहले, उठता है ऐसा धुआँ"! पाहा वरती. सिरीज मधे काहीही होऊ शकते.

'तू आधी आई होशील आणि मग पत्नी होशील'. अथर्व असा निघेल असं वाटत नाही. शिवाय मालिकेचा बेस राजश्रीचा आहे. त्यांचा इशारा वेदाकडे होता हे आपल्या पुढ्च्या सीनमधे समजतं. >>> पण स्त्री ही क्षणकालची पत्नी व अनंतकालची माता वगैरे असली तर या रेटने ही पत्नी कधी होणार!

अथर्व बरा होऊन परत येतो तेव्हा मंजिरी मीराला औक्षण करू देत नाही, तिने पाडले त्याला असं खोटं नाव घेऊन, मायाला करायला सांगते, माया कोण, बहिणीला का नाही सांगत.

अजून एक प्रश्न पडलाय, माया सारखी सारखी अथर्वला हात लावते, जवळ जाते म्हणून अंबिकाने अथर्वच्या शरीरात इलेक्ट्रिक सर्किट टाकलंय, फक्त मायासाठी. मायाने हात लावला की शॉक बसणार तिला, मग औक्षण करताना कुंकुंमतिलक करते (लावते) तेव्हा का नाही बसत शॉक.

समस्त भूतलोक डोक्याला हात लावून बसला असेल तिचं कर्तृत्व बघून.

पण स्त्री ही क्षणकालची पत्नी व अनंतकालची माता वगैरे असली तर या रेटने ही पत्नी कधी होणार!
>>>>

अंबिकाने अथर्वच्या शरीरात इलेक्ट्रिक सर्किट >>

धमाल. मी दहाव्या 'ऐसिफोड'ला आले आहे. लवकर बघा, तुम्हाला राहवतंच कसं. त्या बारक्या पोरीला हेडफोन लावून कुठेही सोडून देतात, एक जण थांबू नये का तिच्या सोबत. दर्भाचे ब्रेसलेट काढता क्षणी विधी खंडित झाला. मला वाटलं काय शिक्षा होते मंजिरीला पण काही नाही तारीख पे तारीख. मार्जारीत दम नाही.

समोरून ट्रक येत असताना एकटक बघत उभे राहतात. स्कूलबसचे ब्रेक फेल होतात वेदाच्या, त्याकडे एक पोरगं हातात बॉल घेऊन रेनडिअर सारखं बघत बसतं. पळणं सोडा, हालचाल न करता संमोहित होऊन टकामका बघतात. मग भुतांबिका शक्तिमान होऊन धरून ठेवते, सगळे वाचतात. झगे घातलेल्या इंग्लिश बोलणाऱ्या मिशनरी म्याडम हिंदीतून आभार मानतात पण ड्रायव्हरचे. वरून काही पडताना, समोरून काही येताना यांचा रेनडिअर होतो, रिफ्लेक्सेस काम करत नाहीत. लोक भुतांबिकेतून आरपार जाताना ती उगीच धक्का लागल्यासारखे करते, ते पंचवीस वेळा होते आहे. थांबवा आता. घरात पंचवीस लोक आहेत प्रत्येकाच्या रस्त्यात मध्यभागी उभी असते टोलनाका असल्यासारखे. हो, भूतरूल खरेच सेलेक्टिव्ह आहे रमड, मलाही खटकले होते. राग आला की फिजिक्स काम करते, प्रेम वाटले की नाही. फेकून देताना पकडता येते, मिठी मारताना हवा जाते.

या एपिसोडमधला सगळ्यात भारी सीन आहे मंजिरी आणि मायाचा. रात्री मंजिरी मायाला भेटायला जाते आणि मला बोलायचंय सांगून तिला खाडकन मुस्काटात मारते. >> हे असे सीन खूप वेळा येणार आहेत आणि सगळे आधीच्या सीनला सवाई असे चढत्या क्रमाने भारी. मायाने अथर्वच्या जिवाचे काही बरेवाईट करावे (जेणेकरुन मीरा अपशकुनी सिद्ध होईल) म्हणून तिला मंजिरी धमकावते आणि तिच्या झिंज्या उपटते तो सीनही भयंकर आहे.

पण स्त्री ही क्षणकालची पत्नी व अनंतकालची माता वगैरे असली तर या रेटने ही पत्नी कधी होणार! >> खास फा स्टाईल पंच!

अंबिकाने अथर्वच्या शरीरात इलेक्ट्रिक सर्किट >> समस्त भूतलोक डोक्याला हात लावून बसला असेल तिचं कर्तृत्व बघून. >> अन्जू

मूळात ती मंजिरी एवढी मोहिनी विद्या एक्सपर्ट असताना तिचा आणि मार्जारीचा प्लॅन सक्सेस व्हायला एवढा वेळ लागायलाच नको आहे. ते पण भारी होतं की मीराच्या बाबांनी दादासाहेबांच्या गळ्यातील माळ मंत्रविली आहे हे कळल्यानंतरही मंजिरी खुशाल ती माळ हाताने ओढून काढू बघते आणि हात भाजल्यानंतर मार्जारी मार्जारी करवादते. मार्जारी या वेडेपणाबद्दल तिला झापडते तर चिडून ही जाऊन मायाचा छळ करत बसते.

अंबिका ट्रक हातात धरून गदागदा हलवते. क्लीनर बाहेर पडून डोकं फोडून घेतो. अंबिका ट्रक पुलावरून खाली टाकून देते.
>>>
आधी ऑं झालं मग लक्षात आलं की ती भूत आहे.

बरं श्राद्धाला लहान मुलांना कोण घेऊन जातं? सत्यनारायण आहे का सकुसप जायला?

आधी आई, मग पत्नी >> पुन्हा ऑं. पण शुद्ध देसी घी मे बना हुआ राजश्री का प्रॉडक्ट असल्याने टुकार एक्स्प्लनेशन पटतं. एकंदरीत राजश्रीवाल्यांना लेकी दुसरेपणावर द्यायची वाईट खोड असल्याचं मी येथे नम्रपणे नमुद करू इच्छिते.

अनंतकालची माता लूप

श्राद्धाला आंबिकाची मुलगी म्हणून नेलं असेल, नमस्कार करायला घरातील सर्व हजर असतात ना जनरली.

तुम्ही सर्वजण आधीचे लिहिताय बरंच आहे, मी बघितलं नाहीये, मला समजेल, इथे लिहायचं म्हणून मी रोज बघायला लागले ही सिरीयल नाहीतर, प्रोमोज आणि सिरीयल शॉर्टसवर दिवस ढकलत होते. सगळे पटापट उड्या मारत या बघू लेटेस्ट एपिसोडसवर. अजनबी, पायस आणि मी latest बघतोय, बाकी सगळे late बघताय.

Btw मंजिरी मायाला जेव्हा जेव्हा बदड बदड बदडते, ते सिन्स मी एन्जॉय करते, मीराही मायचा हात पिरगळते, कोयता दाखवते तेव्हा मजा येते, तरी ती माया या घराला चिकटून आहे.

मंजिरी आणि मार्जारी ओळखत नाहीत का समोरून कुठली शक्ती आहे, ते ही आश्चर्य वाटतं मला.

अथर्व मठ्ठ आहे, माया पायात पाय घालून त्याला जिन्यावरून ढकलून देते, त्याला कळतच नाही. त्याला अजूनही संशय नाहीये.

ओहह, युट्युबवर नाही का दिसत मग झी 5 वर बघ, ते नाही दिसतं का तिथे.

ओहह, इथे आहे फ्री.

मी लेटेस्ट बघा म्हणतेय कारण तुम्ही सगळे छान खुसखुशीत लिहिता, मला नाही तसं लिहिता येत.

तो तिरक्या मानेने चालणारा आणि तिरपाकडाच असणारा अजित, कन्यादान सिरीयलमध्ये सरळ मानेचा आणि सरळमार्गी होता.

'तू आधी आई होशील आणि मग पत्नी होशील'. अथर्व असा निघेल असं वाटत नाही. शिवाय मालिकेचा बेस राजश्रीचा आहे. त्यांचा इशारा वेदाकडे होता <<<<<<
Take that SRK and Subhash Ghai! "परदेस" मधे विचारत होते "कहीं आग लगने से पहले, उठता है ऐसा धुआँ"! पाहा वरती.<<<<<<<
घरात पंचवीस लोक आहेत प्रत्येकाच्या रस्त्यात मध्यभागी उभी असते टोलनाका असल्यासारखे.
<<<<<<<
बरं श्राद्धाला लहान मुलांना कोण घेऊन जातं? सत्यनारायण आहे का सकुसप जायला?
<<<<<<<<<
खतरनाक कमेंट्स...