सिगरेट- एक व्यसन –एके काळची फॅशन स्टेटमेंट

असे विचारतात???
>>>
वि मु, तुम्ही मुंबईचेच आहात ना. किती नॉर्मल गोष्ट आहे ही. आणि त्यावेळी माचिस नसेल तर लोकं आपली तोंडातली जळती विडी, सिगारेट सुद्धा समोरच्याला त्याची पेटवण्यासाठी देतात.

ती मागच्या पानावर सुरूवातीला दिलेली लिंक आहे तो माचिस मागण्याचा सीनच आहे.

रेव्यू यांनी व्हिलनने हीरोच्या तोंडावर धूर मारण्याचा उल्लेख केला आहे. इथे हीरोने व्हिलनकडे बघून तुच्छतापूर्वक सोडलेला धूर आहे.

सलीम-जावेद नी दीवार, त्रिशूल व काला पत्थर मधे बिडी/सिगरेट अ‍ॅक्शन सीन्स मधे प्रचंड वापरली आहे. इव्हन डॉन मधे अमिताभपुढे लायटर धरलेली झीनत - ती फ्रेम फेमस आहे.

वरती प्राणने सिगारेट ओढण्याच्या विविध पद्धती दाखवल्या आहेत असे भ्रमर यांनी लिहीले आहे त्याच्याशी टोटली सहमत. त्यातले बरेच बघितले आहे. कोणत्यातरी पिक्चर मधे तो चिलीम ओढल्यासारखा विडी ओढतो. हीरो लोकांपैकी गँबलिंग व सिगारेट/बिडी जितकी देव आनंद, अमिताभ व शत्रुघ्न ने "पुल ऑफ" केली तशी इतर कोणाची वाटली नाही.

आज 36 व दिवस, खूप बरे वाटते आहे

बन्या तुम्हाला शुभेच्छा!

माध्यमांनी सिगरेट प्रकरण बरंच ग्लॅमरस केलं होतं. त्यामुळे लहान मुलांनाही धुक्यात हवा सोडणे किंवा उदबत्तीचा धूर काढणे असे प्रकार करून त्या ग्लॅमरचा भाग होण्याची इच्छा होत असे. काही नाही तरी लॉलीपॉपची काडी तोंडात सिगरेटसारखी धरून लहान मुले मिरवत असत. अजूनही स्टाईल आयकॉन म्हणून अनेकांना तोंडात सिगरेट हवी असे वाटते.

लहानपणी पानाच्या ठेल्याबाहेर कचऱ्यातून सिगरेट पाकिटे उचलून त्याच्या चकत्या कापून चाके बनवणे, गाडी तयार करणे वगैरे प्रकार केले होते आणि घरच्यांचा ओरडा खाल्ला होता.

सिगारेटच्या कांडीसारखी एक गोळी सुद्धा मिळायची जी तोंडांत धरून चोखायची. चव ठिकठाक असली तरी ती त्या स्टाईलसाठीच घेतली जायची. सिगारेट बद्दल खरेच आकर्षण वाटावे अशी परिस्थिती होती.

सिगारेटच्या कांडीसारखी एक गोळी सुद्धा मिळायची जी तोंडांत धरून चोखायची.>> फॅन्टम असे नाव होते .

भ्रमर ब्रँड तर आठवत नाही आता.. कारण त्याला म्हणायचो सिगारेटच

फँटम सर्च केले आणि हे सापडले.
most sweet cigarettes (like the "Phantom" brand) are not vegetarian. They contain animal-derived ingredients like gelatin, which is derived from animal tissues. While some sweet cigarette candies, like those made with glucose or sugar, might be vegetarian, it's important to check the ingredients on the packaging to be sure.

आरोग्य वर्ती नावाची ओव्याची सिगारेटही मिळायची

भरत यांनी सिगरेटच्या जाहिरातींचा उल्लेख केला आहे. जॅकी श्रॉफ मला वाटतं चारमिनार च्या जाहिरातींमधूनच चित्रपटांमधे आला. हे इतर काही.

.

.

.

माझा एक कॅनेडियन मित्र आहे त्याला भारताच्या बिडी प्रकाराबद्दल आकर्षण असायचे. नेहेमी म्हणायचा " भारतातून येतांना माझ्यासाठी आण "
बिडी स्वस्त असते पण सारखी विझत रहाते . बिडीचे (बाह्य आवरण) तेंदू पान हे सिगरेटच्या कागदाच्या तुलनेत कमी वेगांत जळते. सतत फुंकत बसावे लागते नाहीतर विझण्याची शक्यता जास्त - एका बिडीसाठी चार काड्या. कमी वेळांत पटापट झुरके घ्यावे लागतात.

आमच्या घरी विविध प्रकारचे, डिझाईनचे अ‍ॅशट्रे असायचे, पितळचे नक्षिदार, ग्लास किंवा सिरॅमिक... टेबलवर तसेच प्रत्येक खोलीत एक असायलाच हवा. रेल्वेच्या पहिल्यावर्गाच्या डब्यांतही अ‍ॅश ट्रे असायचे. ( लहान असतांना ) डब्यांत शिरल्यावर अ‍ॅश ट्रे गोल ३६० मधून फिरतो का हे बघण्याचा चाळा असायचा. कशासाठी ? आता ( १९९० नंतर ) हे अ‍ॅश ट्रे गायब झाले आहेत आणि तो वर्गही नामषेश झाला आहे.

गुडांग गरम - जास्त वेळ चालणारी (स्वीट आफ्टरटेस्ट ) , कॅव्हेंडर्स , डेनिम , अझीझ गोल्ड (गोल्ड फ्लेक ची स्वस्त आवृत्ती ) , निर्दोष - तंबाखू विरहित

सिगारेट लवकर संपू नये म्हणुन तिला आपल्या लाळेने बऱ्यापैकी ओली करून मग पेटवणे असेही प्रकार कॉलेज मधे पाहिले आहेत

फॅशन स्टेटमेंट - सिगरेट ओढण्याची सुरवात फॅशन किंवा इतर कोणत्याही कारणाने झाली, तरीही नंतर मात्र ती सर्व कारणं सिगारेटच्या प्रभावाने गायब होतात ! उरते ती फक्त सिगारेटची तलफ !! इति स्वानुभव ( पूर्वीचा) !!

सिगारेट लवकर संपू नये म्हणुन तिला आपल्या लाळेने बऱ्यापैकी ओली करून मग पेटवणे
>>>>>

जिभेवर फिरवताना पाहिले आहे..
ते लवकर संपू नये म्हणून असते का?
मला वाटले ती एक स्टाईल असेल किंवा त्यात सुद्धा किक बसत असेल..

*मला वाटले ती एक स्टाईल असेल किंवा त्यात सुद्धा किक बसत असेल..* - झुरका घेताना निकोटिन फिल्टर करण्याचा तो स्वतःला फसवण्याचा एक प्रयत्न असू शकतो.

समानशीले व्यसनेषु सख्यम!
सिगारेट पिणार्यांमध्ये लवकर मैत्री होते असे अनुभवले आहे.
एक शहरात एकदा पत्ता विचारत असताना एका दुकानदाराला विचारले तर त्याने माहीत नाही पुढे जा अशी भिकार्यासारखी वागणुक दिली होती. जळफळाट झाला होता. तेच एका पानटपरीवर (तेव्हा सिगारेट पित होतो) सिगारेट शिलगवाताना विचारपूस केली तर भरभरुन माहीती मिळाली.

दुकानात चौकशी करण्यापेक्षा पानटपरीवर केली तर चांगली, योग्य आणि भरभरून माहिती मिळते हा अनुभव आम्हा निर्व्यसनी लोकांना सुद्धा येतो.. किंबहुना लहानपणी सुद्धा मला कुठे एकटे पाठवताना तेच सांगायचे. पत्ता सापडला नाही किंवा पीसीओ, एटीएम वगैरे कुठलीही माहिती हवी असेल तर पानटपरीवर चौकशी करावी.

*भरभरून माहिती मिळते हा अनुभव आम्हा निर्व्यसनी लोकांना सुद्धा येतो.. * - व्यवहारात व्यसनी - निर्व्यसनी हा भेदभाव निर्व्यसनी लोक करतात; व्यसनाशी संबंधित लोक सहसा नाही करत !!

41 day today

>>>>>>त्याने माहीत नाही पुढे जा अशी भिकार्यासारखी वागणुक दिली होती. जळफळाट झाला होता.
काही लोकं खरच मॅनरलेस असतात.

“ व्यवहारात व्यसनी - निर्व्यसनी हा भेदभाव निर्व्यसनी लोक करतात; व्यसनाशी संबंधित लोक सहसा नाही करत” - वा भाऊ!! हे म्हणजे व्हेज-नॉनव्हेज असा भेद व्हेजिटेरियन्स करतात, नॉन-व्हेजिटेरियन्सना फरक पडत नाही - असं झालं.

काबे मे मुसलमांको भे कह देते है काफिर,
मैखाने मे काफिर को भि काफिर नहीं कहते

क्या बात है. एकदमच चपखल शेर अहे.

* नॉन-व्हेजिटेरियन्सना फरक पडत नाही - असं झालं * - पत्ता विचारणं / सांगणं ह्यासारख्या साध्या व्यावहारिक बाबतीत फरक पडत नाहीं, ह्या संदर्भातला हा मुद्दा आहे !

“ साध्या व्यावहारिक बाबतीत फरक पडत नाहीं, ह्या संदर्भातला हा मुद्दा आहे” - आणि तो मी भरकटवला आहे - गिल्टी अ‍ॅज चार्ज्ड.

*गिल्टी अ‍ॅज चार्ज्ड.* - मी चार्ज केलेलाच नाहीं. उलट, माझाच तर बचावाचा पवित्रा होता !

आज जागतिक तंबाखु निषेध दिवस आहे. आत्ता विविधभारतीवरती बातम्यांत ऐकले.

कृष्ण चालले वैकुंठाला
राधा विनवी पकडुनी बाही |
इथे तमाखु खाऊनी घे रे
तिथे कन्हैय्या तमाखु नाही ||

हे आठवलं !

*आज जागतिक तंबाखु निषेध दिवस आहे* - अरेच्चा, वर तर. ". 41 day today " म्हटलयं कुणी तरी !