श्रीमती कविता गाडगीळ यांनी भारतीयांना उद्देशून लिहिलेलं पत्र

पण सोशल मीडियावर एका बाजूला आवेशाने 'घरात घुसून मारा' वगैरे म्हणणारे (आणि मग हे पोस्ट करून झाल्यावर सहजतेने दैनंदिन व्यवहारांना लागणारे)>>> मग सामान्य लोकानी काय करण अपेक्षित आहे?
खरतर भारताने तशी आगळीक कधिच केली नाही नेहमी सगळे हल्ले पलिकडुनच झाले..एकही सामजस्य करार न मानणारा शत्रु असताना आणी भारताकडुन युद्धाची तशी काही घोषणाही नाही उगाच काहितरी नसलेले फियर मॉन्गरिन्ग करण्यात काय पॉइन्ट आहे?
मुबैत आतापर्यत किती हल्ले झाले लोक दुसर्या दिवशी कामाला लागतातच, गाडगिळाना जर पत्र लिहौन व्यक्त व्हावस वाटल तर सामान्य लोक सोमीवर व्यक्त होतायत...घरात घुसुन मारा हे तिव्र भावनेचे प्रतिक नाही का? पण रोजची पोटाची खळगी भरणारे लोक आपल्या कामाला लागणार नाहित तर काय करणार? त्यानी निषेध म्हणुन सोमिवरच व्यक्त होण चान्गल नाही का? रस्त्यावर उतरले तर अजुन प्रॉब्लेम आहेत.
गाडगिळाच्या बलिदानाचा आदर आहेच पण या परिस्थितीत जेव्हा विरोधी पक्ष सुद्धा कधि नव्हे ते सरकारच्या बरोबर उभा आहे त्यावेळेस...भारत कसा कमजोर आहे आनी युद्ध लढु शकत नाही टाइप पोस्ट्/पत्र पुर्णतः चुकिच आणी अस्थानी वाटतय...हे विरमातेकडून याव हे दुर्दैवी.

प्राजक्ता - संयत, संतुलित, योग्य प्रतिसाद

पत्र 'एक एज्युकेटेड ओपिनियन' म्हणून अ‍ॅक्सेप्ट करता येतं की. मतभेद असू शकतात, असावेत, पण एकदम संतपद किंवा कुशंका ही टोकं कशाला? >>> सिरीयसली.

त्या सरकारकडे फक्त नेतृत्वाची अपेक्षा करत आहेत. त्यात काय चुकीचे आहे. बाकी संदेश देशातील नागरिकांना आहे.

>>> बाकी संदेश देशातील नागरिकांना आहे

त्या कोण देशातील नागरिकांना संदेश देणाऱ्या?

नागरिकांना स्वतःला काही समजत नाही का?

युद्ध दोन्ही बाजूंना बेचिराख करते हे कोणालाही कळते. काही वेगळा विचारही सुरू असू शकतो ना?

राजकीय घडामोडींबद्दल मत मांडणे, व्यक्त होणे ह्याबद्दल वेळोवेळी तुच्छता आणि तिरस्कार व्यक्त केला जातो. पण आजच्या युगात सोशल नेटवर्क हे वर्तमानपत्र, टीव्ही इतकेच प्रभावी माध्यम आहे. सामान्य माणसाला व्यक्त व्हायला एक मार्ग आहे. त्यातून समाजाची नाडी तपासता येते. जे कोणी नेते, सरकार, सैनिकी अधिकारी प्रत्यक्ष निर्णय घेतात त्यांना लोकांची भावना काय आहे हे कळायला हा एक मार्ग आहे. एकमेव नाही पण नक्कीच एक माध्यम आहे. पूर्वीसारखे निव्वळ काही मूठभर सेलेब्रिटी संपादक, पत्रकार, विचारक ह्यांनीच योग्य अयोग्य सांगावे आणि बाकीच्यांनी ऐकावे असे राहिलेले नाही.
प्रत्येक सोशल नेटवर्क पोस्टचा जोरदार परिणाम होईलच असे नाही पण लोकशाहीत खारीचा वाटा उचलला पाहिजे. करदाता म्हणून, मतदाता म्हणून, आपल्या नातेवाईकांची काळजी वाटते म्हणून अशा वेगवेगळ्या कारणाने लोक व्यक्त होत असतात.
सैन्यात भरती होऊन युद्ध करणार्यांनीच युद्धाबद्दल मत द्यावे हे मत चूक आहे. लोकशाहीत मत देताना झाडूवाला आहे की कंप्युटर प्रोग्रामर आहे की न्हावी आहे की डॉक्टर आहे हे बघितले जात नाही. ते सर्व नागरिक सरकार निवडतात ज्यात युध्द, दळणवळण, कर, आरोग्य, शिक्षण अशा विविध खात्याचा कारभार बघितला जातो.
आपले मत देऊन दैनंदिन व्यवहाराला लागले हे जणू काहीतरी लान्छन आहे असे मांडले गेले आहे. पण लोकशाहीत हे लांछन नाही. लोकांनी लोकांसाठी लोकांचे सरकार म्हणजे लोकशाही असेल तर प्रत्येकाला मत बाळगण्याचा आणि मांडण्याचा अधिकार आहे. त्याबद्दल तुच्छता वाटत असेल, निरर्थक वाटत असेल तर पहिल्यांदा अशा लोकांनी मत मांडणे बंद करावे. कारण त्यांचेही मत त्याच जातकुळीत आहे.

मायबोलीवरच्या सदस्याचे नातेवाईक गेले असे वाचले

तरीही असंवेदनशीलता

>>> त्या कोण देशातील नागरिकांना संदेश देणाऱ्या?
कोण म्हणजे? त्या नागरिक नाहीत का? इन्टरनेट हातात आहे म्हणून युद्धाची भाषा करणं हे लोकशाहीतलं कर्तव्य, आणि त्यांनी जवळून पाहिलेली परिस्थिती सांगणं हा काय देशद्रोह आहे?
तुम्हीआम्ही 'वेगळा' विचार म्हणजे काय करतो, बेफी? (मला तर आत्ताचे तुमचे प्रतिसाद विचारापेक्षा भावनेवर आधारित आहेत असंही वाटतंय, आणि ते स्वाभाविकच आहे, पण) तो विचार नक्की कुठल्या माहितीवर आधारित असतो?! तुम्हाला आत्ताच खात्रीनेच हे हल्लेखोर कोण होते, त्यांचा कर्ताकरविता कोण होता, त्याचा नक्की युद्धाने निकाल लागेल का, हे सगळं माहीत आहे का? गाडगिळांवर चिडून काय होणार?

'तावातावाने लिहिणारे दैनंदिन कामांना लागतात' यात तुम्हाला तुच्छता दिसते, आणि 'गाडगीळ कोण आम्हाला शिकवणार' या प्रश्नात नाही दिसत?

शेंडेनक्षत्र,

बहुतेक मतांशी सहमत

तुच्छता हा शब्द मी वापरलेला नाही आणि अभिप्रेतही नाही.

मी दिलेला प्रतिसाद तुम्ही व असामी दोघांना उद्देशून आहे

दैनंदिन कामे - माझे वाक्य लागले बहुधा, पण ते वापरले तुम्ही आधी आहेत

युद्ध दोन्ही बाजूंना लाभदायक नसते हे तिसऱ्यांदा लिहितोय

माझी माहिती:

टीव्ही
फेसबुक
व्हाट्स अँप
पेपर

यावर आधारित असते

हे sources चुकीचे असले तर माहीत नाही

माणसे मेली आहेत, तीही तुमच्या आमच्या सारखी! गाडगीळांचे म्हणणे ऐकत बसलात आणि अनुमोदन देत बसलात तर तुम्हाला काहि होणार नाही

तुमचे इथे लिहिलेले शब्द येणाऱ्या धाग्यागणिक मागे पडत जातील

अभिनंदन व शुभेच्छा

गाडगीळ यांचा मुद्दा गैर आहे. गरीब सैनिक मरतात म्हणून युद्ध करु नका. हा मुद्दा चूक आहे. सैन्यावर पैसा खर्च का केला जातो तर पाकिस्तानसारख्या देशाने आक्रमण केले तर त्याला चोख प्रत्युत्तर देता यावे म्हणून. सैनिक भरती ही अशा संरक्षण विभागासाठी आणि युद्ध सज्ज व्हावे यासाठी असते. कुणालाही धमकावून, बंदुकीची नळी डोक्याला लावून सैन्यात भरती केले जात नाही. सैन्यात भरती होणे ह्यात जीवाचा धोका असतो हे कोणी लपवत नाही. तरी जर सैनिक म्हणून तुम्ही भरती होत असाल तर कधीतरी जीवाची जोखीम पत्करून युद्ध करावे लागणार हे स्वीकारले पाहिजे नाहीतर सैन्य हे तुमचे क्षेत्र नाही हे ओळखून ते टाळावे.
कितीही ग्लोरिफाय केले तरी मिलिटरी म्हणजे देशाचा रखवालदार आहे. मालक जे सांगतो ते त्याला करणे
भाग आहे. रखवालदार घाबरट आहे म्हणून मालकाने चोराला पकडायचा आदेश देऊ नये हे उफराटे लॉजिक आहे.
गरीब बिचारे सैनिक मरतील म्हणून युद्ध टाळा असा विचार सेनापती, संरक्षण मंत्री आणि पंतप्रधान करू लागले तर मग संरक्षण कोण करणार? पुढचा हल्ला कसा टळणार? पाकिस्तानसारख्या उन्मत्त शत्रूला वेसण कशी बसणार?
कविता गाडगीळ यांचा मुलगा सैन्यात ड्युटीवर मारला गेला म्हणून त्या युद्धनीतीत जास्त कुशल आहेत हा विचार साफ चूक आहे. त्या सामान्य नागरिकाच्याच तोलामोलाच्या आहेत.
सामान्य नागरिकाचे मत जितके मूल्यवान आहे तितकेच त्यांचे.

हा हल्ला होउन जेमतेम चार दिवस झालेले आहेत, यात पाकिस्तान चा हात असेलही, पण तसे अजून सिद्ध झालेले नाही. एखाद्या हल्ल्यात पाकिस्तान चा हात असे असे जाहीर करणे व नंतर वस्तुस्थिती वेगळी आहे असे दिसणे यापूर्वी झालेले आहे. मग लढाईची इतकी गडबड का ? या प्रकराच्या मुळाशी कोण आहेत हे शोधणे जास्त महत्वाचे वाटत नाही का ?

>>> मग लढाईची इतकी गडबड का ?

झाली का सुरू?

>>> रखवालदार घाबरट आहे म्हणून
तुम्हाला कॉन्शन्स नावाचा अवयव अगदीच नाही हे पुन्हा नव्याने सिद्ध केल्याबद्दल अभिनंदन.

तुम्हाला आत्ताच खात्रीनेच हे हल्लेखोर कोण होते, त्यांचा कर्ताकरविता कोण होता, त्याचा नक्की युद्धाने निकाल लागेल का, हे सगळं माहीत आहे का? >>> सॉरी !! तुला नक्की काय म्हणायचय??हल्लेखोर पाकिस्तान पुरस्क्रुत दहशतवादी होते, कर्ताकरविता पाकिस्तान , युद्ध कुणीही अनाउन्स केलेले नाही... याचे कर्ताकरविता पाकिस्तान नसुन इतर कुणी आहे हे म्हणायच आहे का?

गाडगिळांना मूर्खात काढण्याइतकी युद्ध, गृहमंत्रालयाचा कारभार, परराष्ट्र धोरण या विषयांची माहिती मला नाही असं मला म्हणायचं आहे.
पहलगाममध्ये हल्ला पाकिस्तानने केला असला तरी आपल्याकडून सुरक्षेत हयगय कशी झाली हे मला अजून समजलेलं नाही असं मला म्हणायचं आहे.
तुम्ही आम्ही 'घरात घुसून मारा' म्हणालो म्हणून युद्ध होणार नाही आणि गाडगीळ नको म्हणाल्या म्हणून टळणार नाही, याचं कारणच आपल्यापर्यंत न आलेली कितीतरी माहिती, धोरणं आणि परिणामांचे आडाखे असतात असं मला म्हणायचं आहे.

योग्य मतप्रदर्शन

धन्यवाद!
पहलगाममध्ये हल्ला पाकिस्तानने केला असला तरी आपल्याकडून सुरक्षेत हयगय कशी झाली हे मला अजून समजलेलं नाही असं मला म्हणायचं आहे.>> हो या बद्दल केन्द्र सरकारने निट आणी योग्य उत्तर देण अपेक्षित आहे...ही सुरक्षेची लॅप्स अक्षम्य आहे...याबद्दल काश्मिर राज्य सरकारनेही जरा आत्मपरिक्षण कराव.

हा हल्ला होउन जेमतेम चार दिवस झालेले आहेत, यात पाकिस्तान चा हात असेलही, पण तसे अजून सिद्ध झालेले नाही.>>> स्टॉप इट विकु!! इतके हल्ले शत्रू राष्ट्राकडून आपल्या सार्वभौमत्वावर झाले तरी त्या देशाची भलामण कराविशी वाटतेय हे दुदैवी आहे...प्लिज, एखाद नावडत सरकार देशात आहे म्हणून काहिही स्टेटमेन्ट कराल तेही जेव्हा देश खुद्द मायबोलिकर दु:खात असताना..त्याच्या घरात हा प्रकार घडलेला असताना??
.सॉरी!! धिस इज ट्रुली अहफॉरच्युनेट
मी राजकिय धाग्यावर लिहण टाऴतेच कारण काहिना प्रत्येक घटनेत राजकारणच करायच असत..
यापुढे इथे काहिही न लिहण ईस्ट .

जम्मू काश्मीर केंद्रशासित प्रदेश आहे. कायदा आणि सुव्यवस्था यंत्रणा - नायब राज्यपाल = केंद्रीय गृहमंत्रालयाच्या अधीन आहेत.

पत्रातील काही मुद्दे ठीकच आहेत, काही कैच्याकैच आहेत. पण त्याहूनही महत्त्वाचं म्हणजे इतकी मोठी आणि दु:खदायक घटना घडली त्यापार्श्वभूमीवर लगोलग "युद्ध नको, तरूण मुलं मरतात, तरुण मुली विधवा होतात, आयांना आयुष्यभराचं दु:ख मिळतं, गरीबांचीच मुलं मरतात, सुरू करणं सोपं पण संपवणं कठीण, शत्रूकडे अण्वस्त्रं आहेत .... " असले मुद्दे लिहिलेले पत्र अजिबात झेपलेलं नाही. "१९४७चा दाखला देऊन तेव्हा कसं काश्मिरींनी आपणहून सरकारला माहिती दिली होती" सारख्या वाक्यावरून काश्मिरमधल्या सद्यपरिस्थितीची कितपत कल्पना आहे याचीही शंका येते.

बरं भारतानं याआधी युद्ध केलीच नाहीयेत का? तर तसं नाही.
बरं कॅ. गाडगीळ यांना अलिकडेच वीरगती मिळाली का? तर नाही.
बरं भारतानं सैन्यच बाळगू नये का? तर नाही.
बरं आपल्या सैन्याकडे सामग्री नाहीये का? तर तसं नाही.
बरं भारताकडे अण्वस्त्रं नाहीयेत का? तर तसं नाही.
बरं भारत सरकारनं लगेच युद्धाची घोषणा केलीये का? तर नाही.
बरं काश्मिरमधल्या सगळ्यांना ठार मारा असं कोणी म्हणतयं का? तर नाही.

मग या पत्रात अशा इकडच्या तिकडच्या एकमेकांशी संबंध नसलेल्या अनेक मुद्द्यांची सरमिसळ करण्याची गरज काय? गरीबांची मुलं मारली जातात हे सांगून लोकांचा बुध्दीभेद करायचा आहे का? सैन्याचं मनोधैर्य खच्ची करायचं आहे का? बटबटीत भावनिक आवाहन करून काय साधायचं आहे?

सैनिकांचे बूट, जॅकेट्स, रेडिओ, रायफल्स, टेंट्स, औषधं… आणि माफ करा, मला हा शब्द लिहिणंही जड जातंय, पण अगदी शवपेट्यांसाठीही आपण इतरांवर अवलंबून आहोत हे आपल्यापैकी किती लोकांना माहिती आहे? आणि आपण युद्धाचे मनोरथ रचत असताना तिकडे चीन मात्र अरुणाचल प्रदेश, लडाख, सिक्कीम आणि आपल्या हातून निसटू शकेल असं सगळं सगळं गिळंकृत करायला बसलाय, हे दिसतंय का कुणाला? अमेरिका आपल्याला सहानुभूती देईल, भाषणं देईल, महागडा शस्त्रसाठा देईल, पण त्यांची मुलंबाळं आपल्याला देणार नाही, हे लक्षात असुदे ‘युद्ध हवं’ म्हणणाऱ्या सगळ्यांच्याच. >>> हा पूर्ण परिच्छेद अचाट आहे. आपण सामग्री समजा आयात करतोय तर काय बिघडलं? पैसा आहे की देशाकडे. चीन गिळंकृत करायला बसलाय म्हणतायत तर उद्या तो युद्धाला आला तर मग लढायचं कसं बुवा? कारण लढाई केली तर गरीबांची मुलं मारली जाणार. मग काय करायचं?

एका विशिष्ट इकोसिस्टिमला सूट होतील असे मुद्दे मांडल्यामुळे पत्राचा rpm वाढलाय अशी शंका येत आहे. याच ताईंनी नेमके उलट मुद्दे मांडले असते तर त्यांना जातीवरून टोचून बोललं गेलं असतं की काय असाही एक प्रश्न मनात येऊन गेला.

तुम्ही आम्ही 'घरात घुसून मारा' म्हणालो म्हणून युद्ध होणार नाही आणि गाडगीळ नको म्हणाल्या म्हणून टळणार नाही, याचं कारणच आपल्यापर्यंत न आलेली कितीतरी माहिती, धोरणं आणि परिणामांचे आडाखे असतात असं मला म्हणायचं आहे. >>>>> परफेक्ट.

तुम्ही आम्ही 'घरात घुसून मारा' म्हणालो म्हणून युद्ध होणार नाही आणि गाडगीळ नको म्हणाल्या म्हणून टळणार नाही, याचं कारणच आपल्यापर्यंत न आलेली कितीतरी माहिती, धोरणं आणि परिणामांचे आडाखे असतात असं मला म्हणायचं आहे. >>> खरं आहे!

समझौता स्फोट....
सुरुवातीचा संशय, प्रत्यक्षात कोणी केला/घडाविला?

आम्हाला जवानांना नेण्यासाठी विमानाची गरज आहे. फक्त पाच. वारंवार विनंती नाकारली. स्फोटात ३५ सैनिकांचा मृत्यू.

पुलवामा आणि पहेलगाम एकाच मानसिकतेने घडवले गेले.

स्वाती आंबोळे यांनी योग्य ते मत शेवटच्या प्रतिसादात दिले आहे

आधीच्या नव्हे

नाहीतर, येथील परंपरेनुसार एखाद्याचे सगळेच प्रतिसाद योग्य होण्यावर शिक्कामोर्तब होऊ शकते

>>> पुलवामा आणि पहेलगाम एकाच मानसिकतेने घडवले गेले.

पुरावे नक्की द्या.

विधाने मागे घेऊन माफी मागण्याची अपेक्षा नाहीच.

पुरावे नक्की द्या.

पुरावे देता येत नसतील तर तसे लिहा. येत असतील तर द्या.

काय करणार आहात ते ठरवा,. आरोप तुम्ही करत आहात, उलटे पुरावे विरोधकांकडून मागत बसून हास्यास्पद ठरू नका.

हल्ला झाल्या झाल्या RDX चा आकडा लगेच कसा कळला? तेही जाऊ द्या , इतके RDX देशात आल्याची लाजही वाटत नाही वर शहिदांच्या नावावर निवडणुकीत मतं मागितली. अद्याप सूत्रधार पकडले गेले नाहीत .संशय तर येणारच.

मामींच्या लेटेस्ट पोस्टला अनुमोदन, प्राजक्ताचाही पोस्टना अनुमोदन. गरिबांची मुले मरतात वगैरे मुद्दे काहीच्या काही वाटले. उत्तर भारतातल्या विशेषतः दिल्ली, पंजाब, हरीयाणातले अनेक उच्च मध्यमवर्गीय ते श्रीमंत वर्गातले लोकं सैन्यात जातात असा डेटा हल्ली पाहिला होता. मरू कोणीच नये. पण उगाच भलताच प्रपोगंडा आणि मुद्दा!

मी वाहत्या बाफावर लिहिलं होतं तेच पुन्हा इथे लिहितो...सेक्युलरी ज्ञान वाटणार्‍या (इथे आणि बाकी सोमीवर पण) मंडळींनी झालेल्या घटनेचा कुठल्याही पण परंतु शिवाय अगदी स्पष्ट निषेध नोंदवला का ते बघा आणि मग ज्ञान वाटा.

हा हल्ला होउन जेमतेम चार दिवस झालेले आहेत, यात पाकिस्तान चा हात असेलही, पण तसे अजून सिद्ध झालेले नाही. एखाद्या हल्ल्यात पाकिस्तान चा हात असे असे जाहीर करणे व नंतर वस्तुस्थिती वेगळी आहे असे दिसणे यापूर्वी झालेले आहे. >>>> वा वा ! टाळ्या !

वर्ष २०००, क्लिंटन भेट, छत्तीसिंहपुरा, ३५ निरपराधांची हत्या

वर्ष २०२५, जेडी व्हान्स भेट, पहलगाम, २६ निरपराधांची हत्या

युद्धखोरांना (warmongers) माहित आहे की त्यांना युद्धाची कोणतीही किंमत मोजावी लागणार नाही.

कृपया तत्कालीन राज्यपाल मलिक यांची मुलाखत पहा.

पुलवामा कोणी घडवला? पुलवामामध्ये काय त्रुटी होत्या? काही चौकशी अहवाल आहे का? जवानांना घेऊन जाण्यासाठी विमानाची विनंती का नाकारण्यात आली? ( दक्षिण आफ्रिका, नामिबियाहून चित्ता आणण्यासाठी तुमच्याकडे खास विमाने आहेत. - पण सीआरपीएफ जवानांसाठी नाही. )

अरे त्या काही जागतिक त्रिकालाबाधित सत्ये समजलेल्या व्यक्ती नव्हेत. काश्मीर व युद्ध दोन्ही प्रदीर्घ काळ जवळून पाहिलेल्या व त्याचे परिणाम थेट भोगलेल्या व्यक्तीचे ते वैयक्तिक मत आहे असे समजा. प्रत्येक वाक्य खोडून काढायची गरज नाही. त्यांची मते उजवीकडे झुकणारी असतील, विरूद्ध बाजूला झुकणारी असतील किंवा आणखी तिसरीच असतील. तुम्हाला मते पटली नाहीत तर सोडून द्या. मुद्दा समजून घ्या.

एका विशिष्ट इकोसिस्टिमला सूट होतील असे मुद्दे मांडल्यामुळे पत्राचा rpm वाढलाय अशी शंका येत आहे. याच ताईंनी नेमके उलट मुद्दे मांडले असते तर त्यांना जातीवरून टोचून बोललं गेलं असतं की काय असाही एक प्रश्न मनात येऊन गेला. >>> मामी १००% असू शकेल. पण त्या इकोसिस्टीमवरचा राग यांच्यावर कशाला? लोकांची मते थोडीफार इकडेतिकडे असणारच.

बाय द वे, पाकिस्तानचा हात असल्याचे सिद्ध झालेले नाही हे खरे आहे. कारण आंतरराष्ट्रीय मामल्यांमधे ते कागदोपत्री सिद्ध करावे लागते. ते अजून सरकारने केलेले नाही. पुढे करतीलही. पण अजून केलेले नाही ही वस्तुस्थिती आहे. यात खालचे काहीही असू शकते.
- पाक हा एक शांतताप्रिय व समजूतदार देश आहे. हा दावा पाकडे पण करणार नाहीत.
- पाकला हे करायची खूप इच्छा आहे पण आता त्यांना पैसा व सपोर्ट नाही. हे सहज शक्य आहे. आता अमेरिका पाठीशी नाही.
- हा सगळा उद्योग स्थानिक लोकांनीच घडवून आणलेला आहे. पाककडून मदत घेतलेलीच नाही. हे खरे नसावे. पण पाक हे नक्की क्लेम करेल. ते खोडून काढता यायला हवे.
- यात पाक मधे पॉकेट्स मधे असलेले अतिरेकी आहेत पण पाक सैन्य किंवा सरकारची यात फूस नाही. हे ही शक्य आहे. पाकने पूर्वी पोसलेला भस्मासूर अजून कोठेतरी डोके वर काढत असू शकतो.
- पाक सरकारने किंवा सैन्याने फंडिंग करून हे घडवले आहे. हे ही शक्य आहे.