कणकेची पुरण पोळी

मी पण ममो रेसिपीने पुपो केल्या गेल्या रविवारी. कणीक अगदी नीट चाळून तार वगैरे येईल इतपत भिजवली. लाटताना शक्य तितक्या नाजूक लाटलं वगैरे सगळं केलं. पुपो चवीला चांगल्याच झाल्या पण खूप नाजूक व्हायला अजूनही हात बसायची गरज आहे. परत अगदी दोन चारच करुन बघायचा विचार आहे.

आम्ही चुकून कोकणाची पुरणपोळी समजून ह्यो काय प्रकार म्हणुन धागा उघडला बगा.
काय दिसतीया पुरणपोळी.
गुण हाय तुमच्या हातास्नी ताई!

इकतची आम्ही नाई खाऊ शकत, नाई खाऊ शकत.

ममो ताई..आज या रेसिपी ने पुरण पोळ्या केल्या.सर्व तंतोतंत follow केले.अजिबात फाटली नाही पोळी.चव मस्त आलीय.पातळ झाल्यात पण मऊ सूत न होता थोड्या बिस्किटा सारख्या खमंग झाल्यात. माकाचू:(
तवा कोणता वापरायचा?

जनहितार्थ धागा वर काढत आहे.

या प्रमाणाने किती पुरणपोळ्या होतात?

होली कब है? कब है होली?
वीकेंड उद्या आहे, त्यामुळे पुपो केली तर उद्याच.

एक वाटी ( नॉर्मल साईज ) डाळीच्या साधारण सात आठ (मध्यम साईजच्या) पुरणपोळ्या होतात >> ओके! धन्यवाद ममो. केल्या तर इथे लिहीनच.

आज केल्या आणि खाल्ल्याही! मस्त झाल्या होत्या. फोटो काढण्याइतक्या देखण्या झाल्या नाहीत तरी आंतरिक सौंदर्य भरपूर होतं!
मी कणीक वस्त्रगाळ करून घ्यायला विसरले होते. तरीही चांगल्या झाल्या. 'कणकेच्या दुप्पट पुरण' हे मी पुरणपोळीच्या प्रत्येक कृतीत वाचलं आहे आणि प्रत्येक वेळी ते वाक्य (आपल्या कुवतीबाहेर आहे हे ओळखून) ऑप्शनला टाकलं होतं. यावेळी मात्र खरोखरच दुप्पट गोळा भरून छान, न फुटता पोळी लाटली गेली. पोळपाटाला फडकं बांधण्याचाही चांगला उपयोग झाला.

^^ फोटो काढण्याइतक्या देखण्या झाल्या नाहीत तरी आंतरिक सौंदर्य भरपूर होतं!^^

Vave, कॉपी राईट घे ग या वाक्याचा.
फार उपयोगी वाक्य आहे

चांगली झाली आहे.

वा.

ममो, काल तुमच्या टिप्स वापरून पुरणपोळ्या केल्या! कणीक वस्त्रगाळ करून घेतली नाही पण पाण्यात भिजवून घेतली. बटरपेपरची युक्ती अतिशय उपयोगी पडली. शिवाय सरिताज किचनच्या व्हिडिओ मध्ये सांगितल्याप्रमाणे पुरण भरलेला उंडा आधी हाताने थोडा थापून मग पोळी लाटली त्यामुळे पुरण शेवटपर्यंत पसरले. छान वाटलं स्वतः च्या हातची पुरणपोळी खाताना! घरच्यांना पण आवडली! धन्यवाद

वा वा, मूड फ्रेश करणारा फोटू

पुरणपोळी हवीच होळीला. आम्हांला शुक्रवारच्या आधी नाही लाभणार

छान बदामी सोनेरी रंगाच्या सुरेख पुरणपोळ्या दिसतायत ममो. मलाही यावेळी होळीला जमणार नाहीत नंतरच होतील बहुदा.

छान बदामी सोनेरी रंगाच्या सुरेख पुरणपोळ्या दिसतायत... ...+१.

वा, सुंदर. आज उद्याकडे कराव्यात असा विचार आहे.

काल करु म्हणुन पुरण केलं पण पोळ्या करायचा कंटाळा आला. आता आज किंवा उद्या रात्री करू.
पुरण स्टँड-मिक्सर मध्ये वाटलं यंदा. चांगलं वाटलं गेलंय. नंतरची स्वच्छता काम सोपं झालं, आणि पाच मिनिटांत काम तमाम झालं.

ममो, पोळ्या मस्त दिसत आहेत.
मला कणिक का वापरायची, त्यातही वस्त्रगाळ कणिक म्हणजे मैदाच ना असे प्रश्न पडले. वर्षाकाठी एक किंवा दोन वेळा ३-४ पुपो खातो त्यात मैदा न घालता कणिक घालून काय आणि किती फरक पडणार आहे असं वाटलं. मी पूर्वी कणकेच्या काहीही सोपस्कार न करता पुपो केल्या आहेत. जरा जाड्या भरड्या होतात पण आंतरिक सौंदर्याने (वावेचे २ पैसे काढून ठेवलेत ) खायला मस्तच लागतात. पण त्या केल्यावर वाटलं की इतके असंख्य अल्ट्राप्रोसेस्ड आणि लो फायबर पदार्थ मी खातो त्यात पुपो दोन टक्के हेल्दी कशाला हवी आहे?
अर्थात ही कणिक पाण्यात घालून करायची युक्ती आवडली आहेच. ते कसं जमतं बघायला अशा करुन बघाव्या असं वाटतं आहे. कणिक चाळण्याच्या आळसावर मात देता आली तर बघू.

आमच्याकडे नेहमीच कणकेच्याच करतात. मैदा वापरतच नाहीत. अर्धी साखर, अर्धा गूळ. चांगल्याच होतात. वस्त्रगाळ करत नाहीत पण खूप तेलात आणि लुसलुशीत मळून घेतात. सैल कणीक व तेल असल्याने आपोआपच पसरते.

ममो खूप सुरेख झाल्यात पुपो.

ममो , सुरेख दिसतायत पुपो, मेन म्हणजे सातत्य.. वरती क्रुती टाकताना जो वर्शभरापुर्वीचा फोटो टाकलाय अगदी सेम तशाच पोळ्या यावर्शीच्याही दिसतायत...खर्‍या सुगरण आहात.

ओके! चवीसाठी असेल तर मग बरोबर आहे. मला मैदा वाईट इ. वाटलं.
आई निम्मी कणिक निम्मा मैदा करते बहुतेक.
आता आधी 'वस्त्र' म्हणून काय वापरावं ते बघितलं पाहिजे. प्रश्न काही कमी नाहीत!

वस्त्र तुला येथे हवं असेल तर cheese cloth म्हणून मिळते ते चालावे. मी श्रीखंडाच्या चक्क्यासाठी वापरलेय.