भयंकर, अस्वस्थ करणारे

कामाचे तास कमी ठेवून जास्त लोकांना नोकरीवर ठेवण्यापेक्षा हे कमी लोकांकडून जास्त काम करून घेण्याच्या मागे आहेत. प्रवासाचा वेळ पाहता कामगाराची कार्यक्षमता कामाच्या सुरवातीला आणि कामाचा कालावधी संपत असताना सारखी सलग किती दिवस राहू शकेल. काही गडबड, अपघात झाल्यास कोण जबाबदारी घेणार? त्यावेळी असे म्हणणार नाही की कामाचे तास वाढले म्हणून अपघात झाला तर कामगाराची कार्यक्षमता कमी झाली म्हणून अपघात घडला.

कोण हे असे बिनडोक बदल करतात - कामगार मंत्री ॲड. आकाश फुंडकर , मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार .

ही सुधारणा सर्वपक्षीय बहुमताने सहमत झाली आहे का ?- आपल्या लाडक्या पक्षाने न आवडणारी गोष्ट केली की विरोधी पक्ष काय करतो असे विचारायची साथ पसरत चालली आहे.

बहुमत तसेही सरकारचेच आहे ना

जरी मी भाजप ला मतदान करत असले तरी हा निर्णय जोड्याने बडवायच्या लायकी चा आहे. लोकांची सहनशक्ती , शारिरीक क्षमता याचा काही विचार केलाच नसणार आहे.

या प्रश्नाची दुसरी बाजू:
या देशात संघटित किंवा असंघटित कामगार वर्गापेक्षा शेतकरी व व्यापारी फेरीवाले यांची संख्या जास्त आहे.
ते किती तास काम करतात याची जाणीव आहे?
किमान 12 ते 14 तास काम त्यांना करावेच लागते. त्यातही उत्पन्नाची हमी नसते .
कामगारांना उत्पन्नाची हमी असते व या कायद्यामध्ये
नऊ ते बारा तास काम हे जास्तीत जास्त आहे. मध्ये दर चार तासांनी त्यांना अर्धा ताससुट्टी देण्याची व्यवस्था बदललेली नाही.
कामगार न्यायालयामध्ये जाऊन पहा.
गुंड लोकांच्या कामगार संघटना मध्यम आकाराच्या कारखानदारांना, दुकानदारांना कशा लेबरकोर्टात मध्ये खोट्या केसेस घालत जेरीला आणतात.
अगोदर गयावया व अजीजी करून कामाला लागणारा माणूस त्याच्या वाचून मालकाचे काम आडते असे समजल्यावर बरोबर सीजनच्या वेळेस कशा दांड्या मारतो, महत्त्वाच्या वेळेस कॉलिटी खराब होईल असे काम कसे करतो, याचा अनुभव कुठल्याही व्यापाऱ्याला वा छोट्या कारखाना दाराला विचारा.
एकदा काम सोडून गेल्यावर परत न येणे ,इतर कामगारांना पूर्ण आउटपुट देण्यास मज्जाव करणे. नवीन रिक्रुट साठी लोकं कामावर
येत असता त्यांना दादागिरी करून बाहेरच्या बाहेरहाकलून लावणे इत्यादी सर्व प्रकार होतात.
कामगार हा अशक्त आणि मालक सशक्त ही समजूत आता हळूहळू कालबाह्य होत चालली आहे.
एवढेच येथे नमूद करून इच्छितो आपल्याला वाटते तितके बहुतेक कामगार शोषित पीडित, सरळ, गरीब , बिचारे नसतात एवढेच.

<< या प्रश्नाची दुसरी बाजू:>>
------- दोन्ही बाजू बरोबर कशा आहेत याबद्दलची अनेक उदाहरणे मिळतील. कुठेतरी बॅलन्स हवा, कंपनी टिकली तर नोकरी आहे पण कामगारांची पिळवणूक करणरेही डोक्यांत जातांत.

कामगारांनी बारा तास काम करावं याचं समर्थन करण्यासाठी देण्यात येणारी उदाहरणं म्हणजे वडाची साल पिंपळाला लावणे !

कामगारांनी बारा तास काम करावं याचं समर्थन करण्यासाठी देण्यात येणारी उदाहरणं म्हणजे वडाची साल पिंपळाला लावणे>>> +१०००००

सध्या अस्तित्वात असलेल्या कामगार कायद्यातील तरतुदींचे असंघटीत क्षेत्रातील 'दुसऱ्या बाजुचे' मालक लोक नोकरी देताना, कामाचे तास निश्चित करताना, वेतन देताना, वेतन कापताना, हक्काच्या सुट्ट्या निश्चित करताना ज्या काटेकोरपणे पालन व पाठपुरावा करतात व कामगार लोक ज्या माजोर्डेपणाने वर्तन करत मालकांना नाडतात हे पाहीले असता सध्या मालक लोक अशक्त पडत चालले आहेत या दाव्याला दुजोरा देण्यावाचून काहीही पर्याय शिल्लक रहात नाही आहे हे उघड उघड सर्वत्र दिसत आहे.