शुभविवाह - उर्फ डेडली आत्या

अमा पहिले वाक्य समजले नाही. तिचे औषध हे लोक लपवतात का?

सध्या आकाश आत्याला 'आई' अशी हाक का मारतोय? >> तिने त्याला त्या शार्पशूटर पासून वाचवले ना? त्यामुळे त्याला जीवनदान दिले, म्हणून तेव्हापासून तो तिला आई म्हणून हाक मारतोय.

आत्या सीईओ झाली नाही म्हणजे तिची सिच्युएशन एकदम "तुम्हाला पॉवर नाय म्हणजे तुम्ही पोलिस नाय?" सारखी कशी झाली? ती एक दिवस कामाला गेली नाही. बहुधा केवळ त्यामुळे आकाश सीईओ झाला. तो लगेच दुसर्‍या दिवशी मुंबईला. कारण याचे क्लायंट आज फोन करून आजच्या आज मिटिंगला या म्हणतात कंपनीच्या सीईओला. दुसरे कोणी चालणार नाही. त्यात अभिजित म्हणतो या कंपन्यांना तुमच्या घरी काय चालू आहे याच्याशी मतलब नसतो. कोणत्या कंपन्या या? तुम्ही जे काही करत आहात ते सगळे सोडून आजच्या आज मिटिंगला या असे एखाद्या इमर्जन्सी मधे सांगतीलही पण यांच्या बोलण्यावरून तशी काही इमर्जन्सी दिसली नाही.

आणि हा सीईओ झाला तर आत्याला लगेच कंपनीत यायलाच बंदी झाली. गेस्ट पास घ्या म्हणे. तिला नोकरीतून काढले आहे वगैरे काहीही चर्चा नाही. इतका मोठा बदल केला त्याचा सीईओला पत्ता नाही. ते ही सर्वांना त्यांचे नाते माहीत असून.

आणि सगळ्यात धमाल म्हणजे ती आत जाउन बसल्यावर इतर कर्मचारी किचन गॉसिप सारखे तेथे तिच्याबद्दल बोलतात "बघा नाती घरी ठेवायची असतात वगैरे यांना कळत नाही. या कशा आल्या इथे"? अरे लेको मुळात तिने नोकरी सोडली कधी? सीईओ झाली नाही, तरी कंपनी वरिष्ठ अधिकारी आहे तशी राहीलच ना?

काय वाट्टेल ते खपवत आहेत.

आता ते एक गुरूजी आले व म्हणाले की आकाश कसलातरी टिळा जिला लावेल त्या व्यक्तीच्या ताब्यात सगळी प्रॉपर्टी राहील.

मध्यंतरी बरेचसे कौटुंबिक सीन्स व आत्या वि भूमी यांचे घरगुती डावपेच सुरू होते म्हणून बोअर होत होती बघायला. मधेच भूमी प्रेग्नंट झाली. पुढच्या एपिसोड्स मधे भरपूर प्रेमालाप सुरू झाले. प्रेग्नंसीनंतर रोमान्स म्हणजे खरेच तसे दाखवायचे आहे की एडिटिंग चुकले माहीत नाही.

आकाश व भूमी यांना एकमेकांच्या भुकेच्याच नव्हे, तर पाणी पिण्याच्या वेळाही माहीत असतात. तहान तर सोडा, पण कोण तरूण लोकांच्या अशा "भुकेच्या वेळा" असतात?

पण या सगळ्या काळात आत्याचे निरूद्देश कट सुरूच होते. अनेक प्रंसंगांचे, तिच्या कटाचे चालू कथानकाशी काहीही लॉजिक लागत नाही. आता भूमीचे व तिचे भांडण ओपन मधे सुरू आहे. मग एकदा ती एक लाल बॅग घेउन घर सोडून जाते म्हणून निघाली. नंतर आकाश व भूमीमधे वाद झाला, तर भूमी एक लाल बॅग घेउन घर सोडून निघाली. तीच सेम लाल बॅग दिसते. यांच्याकडे एकतर एकच लाल बॅग आहे, किंवा हे कधीतरी केसरी ट्रॅव्हल्सने सहकुटुंब युरोप सहलीला गेले असावेत.

आता भूमी घर सोडून निघाली आहे तर बॅगेत किमान काहीतरी असायला हवे. ती बॅग टोटल रिकामी आहे हे भूमी ज्या पद्धतीने ती सहज हलवते त्यावरून लगेच कळते. तिची "काळजी" घेणारे घरातील लोक तिला प्रेग्नंसीमधे ती सपोजेडली भरलेली बॅग घेउन जिन्यावरून चढू-उतरू देतात. घर सोडत आहे, तर ती माहेरी जाताना कोणीतरी तिला सोडेल, किमान ड्रायव्हरला सांगतील असला प्रकार नाही. ती तीच सपोजेडली भरलेली पण प्रत्यक्षात कोपर्‍यावर जायला एक कॅरी बॅग घेउन चालल्यासारखी सहज खेळवणारी बॅग घेउन तेथून चालत बाहेर पडते व माहेरी येते.

फुलांवर फूल आपटले तेव्हा फा अरुंधतीचे अश्रू पुसण्यासाठी रूमाल शोधत होता. त्यामुळे घात झाला आणि तिकडे हनिमून दिसला नाही आणि डायरेक्ट डोहाळजेवणाला जायची वेळ आली. >>>

पण ही सिरीज मधेमधे बघत होतो. भूमी म्हणजे आशा काळेचा वारसा वाटेल असे सीन्स येत होते. आत्याचे कटही द्राविडी प्राणायाम पद्धतीचे होते. म्हणजे आकाशच्या डोक्यात भूमीबद्दल भरवायचे आहे (का ते माहीत नाही). म्हणून फ्रीजचा मेण्टेनन्स की रिपेअर करणार्‍याला बोलवायचा. तो ते करताना तेथे भूमी असेल पण तिला फोन येऊन ती त्यावेळेस बरोब्बर दुसरीकडे कोठेतरी बघत बसेल हा योगायोग घडवून आणायचा. व त्या फ्रीजवाल्याला आत्याच्या पाण्याच्या बाटलीत व्हिनेगर भरायला लावायचे. नंतर ते भूमीने आत्याला त्रास द्यायला भरले असे आकाशपुढे चित्र उभे करायचे.

स्वयंपाकघरात कायम भूमी किंवा मानसीच असते, तर फ्रीज मेन्टेनन्स वाला रॅण्डमली कसा येतो? मुळात असा मेण्टेनन्स कोण करतात फ्रीजचा, काही झालेले नसताना? ते काय गाडीचे सर्विसिंग आहे? तो येतो त्यावेळेस स्वयंपाकघरात भूमीच फक्त असणे, तो व्हिनेगार भरत असताना भूमीला फोन आला - तो यांनीच केला हे धरले तरी तो फोन चालू असताना भूमी त्या माणसाकडे जराही बघणार नाही हे सगळे योगायोग घडवून आणायचे या भरवश्यावर हा कट होता. अर्थात सिरीज मधले सगळे बिनडोक असल्याने तो साध्यही झाला.

पण भूमी कधीतरी बाहेर असताना आत्या स्वतःच हे व्हिनेगर भरू शकली असती. भूमी काय २४ तास तेथेच असते?

पण या सगळ्याचा आत्याला ते सगळे हडप करायचे आहे त्याच्याशी काय संबंध आहे त्याचा पत्ता नाही. त्या दोघांना मारायचे तिचे जे विनोदी प्रयत्न चालू आहेत त्यामधे त्यांच्यात बेबनाव झाला काय किंवा नाही झाला काय, काहीच फरक पडत नाही.

तिचा जन्म मुडदे पाडण्यासाठी झाला आहे, 'मुद्दा भाजी' करण्यासाठी नाही हे जाणवते. तेव्हा स्त्री-१ सिनेमातील 'पढीलिखी है, ये नये भारत की चुडैल है' संवाद आठवला. >>>

पोलिस अ‍ॅकेडमी नावाची एक जुनी पिक्चर सिरीज आहे. बर्‍यापैकी धमाल आहे. त्यात एक सीन आहे ज्यात दोन पोलिस चोरांचा पाठलाग करताना एक सिटी बस वापरतात. त्यातला एक पोलिस पाठलाग करताना मधे बस स्टॉप येतो तेव्हा ती बस थांबवतो, कारण "या बसच्या रूटवर हा स्टॉप आहे. मला इथे थांबायलाच पाहिजे". मला या सिरीज मधले मागचे काही भाग पाहताना आत्या व तिचा कंपू हेच करतोय असे वाटले.

आत्याचा उद्देश या दोघांना मारून ती प्रॉपर्टी व बिझिनेस थेट बळकावण्याचा आहे. त्याकरता ते त्या घरात फॅमिलीचा एक भाग म्हणून राहायचे नाटक करतात. पण प्रत्यक्षात हे करताना "महाजन घराण्याचे..." म्हणून जे काही रीतीरिवाज, कुळाचार असतात त्यातही आपल्याला मान मिळावा याकरताही ते नाटके करतात, तो मिळाला नाही तर चिडतात. म्हणजे या आत्याच्या हिंसक कारवाया न दाखवता नुसती एक फॅमिली ड्रामा सिरीज दाखवली असती तर त्यात जसे विविध लोकांचे रुसवे फुगवे असते, तसेच हे एरव्ही खूनबिन करणारे लोक दाखवतात.

दोरीवर पताका लावतात तसे फोटो बेडरूममधे लावायची नवीन प्रथा आली आहे का? परवा मानसीच्या रूम मधे दिसले. एकतर अशी प्रथा असेल किंवा तिचा एक सिक्रेट फिल्म डेव्हलपमेण्ट स्टुडिओ असावा.

भूमीचा आणि पौर्णिमेचा बाप सेमच आहे ना? मग तो हॉस्पिटलमधे अ‍ॅडमिट असताना भूमी व मानसी काळजी करताना दाखवल्या आहेत. पण तो आपलाही बाप आहे हे त्या पौर्णिमाला लक्षात नसल्यासारखे तिचे सीन्स आहेत.

या सर्व सिरीज वाल्यांना एकूणच "प्रॉपर्टी" या प्रकाराचे, त्याच्या मालकीचे विअर्ड फॅसिनेशन आहे. रोज असे उठसूठ कोण प्रॉपर्टी, मालकी बद्दल बोलत असतात? मालमत्ता व बिझिनेस ज्याच्या नावावर आहे ती व्यक्ती मेली तर तेव्हा ठीक आहे. एरव्ही कोण असे सतत बोलत असते?

काड्याची पेटी स्विंग होते का हवेत?

यांच्या घरासमोर एक कारंजे व त्याच्या दोन्ही बाजूला ( ) अशा गोलाकार शेपमधे जिने आहेत. ते जिने जेथे खाली येतात तेथे समोर कोठेतरी एक रांगोळी काढलेली आहे. त्यावर एक दिवा आहे. भूमी माहेरी गेल्याने तो दिवा लावायचा मान व त्यामुळे दिवाळीचे सर्व विधी करण्याचा मान हा पौर्णिमेला मिळणार असतो. त्यावर ती, व का कोणास ठाऊक, आत्याही खुष असते. कोणताही जिना पटकन उतरायचा नाही या नियमाप्रमाणे पौर्णिमा हळुहळू खाली येउ लागते. तेवढ्या सगळे दिवे जातात. आणि पौर्णिमाच्या हातातली काडेपेटी खाली निसटते. आता ती कशी शोधणार हे लोक? मोबाईलमधून फ्लॅशलाइट लागतो हा शोध सिरीयल्समधे अजून लागलेला नाही. त्यात लाइट जातात म्हणजे अगदी "पिच डार्क" असते. आणि लाइट गेले की घरात नेमके कोठे काय शोधायचे याचे ज्ञान तमाम भारतीयांना असले, तरी मराठी सिरीज अजून त्यापासून लांब आहेत. त्यामुळे सगळे वरती तसेच उभे राहतात.

यांच्याकडे एरव्ही ड्रायव्हर्स, चौकीदार सगळे असतात. रात्र सोडून. किंवा कहानी की माँग असेल तरच येत असावेत.

तेवढ्यात एकदम त्या रांगोळीवरची एक पणती लागते. आणि दिसते की ती भूमीने लावलेली आहे. लगेच आजी ई खुष. पण भूमी तेथे कोठून आली? तर ती हॉस्पिटलमधून घरी चालली होती व तिला अंधारात महाजनांचे घर दिसले. तिला तेथे कोठेतरी पायाला काडेपेटी लागली - "पिच डार्क" असताना घराबाहेरच्या भागात पायाला काहीतरी लागले, तर ती काडेपेटी असू शकेल म्हणून उचलून बघण्याइतके अंतर्ज्ञान तिला असते. तसेच ती पहिली काडी जी पेटवते ती थेट त्या रांगोळीवरच्या पणतीवर लावते. तेथे पूर्ण अंधार आहे. त्यात एकही काडी आधी पेटवून इकडेतिकडे न बघता तेथे खाली पणतीही आहे हेही तिला त्याच अंतर्ज्ञानाने समजले. कारण सीनमधे आधी काडी न पेटता थेट वातच लागली.

पण मुळात वरती पौर्णिमेच्या हातात असलेली काडेपेटी पडल्यावर तेथे कशी आली? तेथेच एखाद्या पायरीवर पडून राहायचे सोडून जिन्यावरून माणसे उतरतात तशी गोलाकार टर्न मारून बरोब्बर रांगोळीवर येऊन ती पडली असावी. किंवा एका बाजूने काड्या जास्त घासल्याने व दुसरी बाजू नवी कोरी राहिल्याने ती पडताना क्रिकेटच्या बॉल सारखी स्विंग होउन रांगोळीवर जाउन पडली असावी.

मग पहिला दिवा भूमीच्या हातून लागला. आता दिवाळीचे सर्व विधी करण्याचा मान तिला मिळाला, त्यामुळे ती घरात राहणारी एक व्यक्ती इतरांचे खून पाडण्याच्या प्रयत्नात आहे असा आरोप करून माहेरी गेली असली, तरी दिवाळीपुरती चार दिवस परत येणार. तो आरोप बिरोप सध्या होल्डवर आहे.

मग आता बॅग आणायला जायला पाहिजे म्हणून निघते, तर आकाश विचारतो मी येऊ तुझ्याबरोबर? . एरव्ही "महाजन घराण्यात..." पासून सुरू होणारी भरदार वाक्ये अधूनमधून येत असतात. पण प्रेग्नंट असलेली सून माहेरी जाताना स्वतःची बॅग स्वतः उचलून चालत जाते. सरंजामी, परंपरा पाळणारी कर्मठ घराणी रिग्रेसिव्ह भरपूर असतील, पण घरातील सुनेला एकटी चालत कोठे जाउ देणार नाहीत. तोही त्यांच्या बडेजावाचाच भाग असतो. यांना सरंजामीपणा सुध्दा नीट करता येत नाही.