शुभविवाह - उर्फ डेडली आत्या

ओटीटीवरल्या समस्त सिरीजा गाभण काय, रे, झंप्या? >> समोर टीव्हीवर चालू असताना त्यात नवरा ऑफिसमधून बायकोला "मिटिंग चांगली झाली" सांगत होता हे ऐकल्यावर माझी मराठी-सिरीज-याद्दाश्त एकदम उफाळून आली

जाई हो ' कंपनी खरिद ली ' अगदी चॉकलेट घेतल्यागत सांगतात >>> हो मला आठवते. माझ्या नवर्‍याची बायको मधे एका कॉरिडॉर मधल्या चर्चेत एकजण कॅज्युअली दुसर्‍याला तो अमुक प्लांट बंद करून टाका म्हणून सांगतो.

लंपन - धन्यवाद. बोर्डाने ऑथोरिटी देणे इतके पुरेसे आहे असा माझा समज होता. इथे एकाच कुटुंबाची - किंबहुना एकाच व्यक्तीची- मालकी असल्याने त्याने लेखी ऑथोरिटी देणे पुरेसे होईल असे वाटले. पण इथे पीओए म्हणजेच ती ऑथोरिटी - त्यामुळे ठीक आहे.

पण जरा थोडे लॉजिक लावले आहे असे वाटेपर्यंत समजले की आधी ती पॉवर ऑफ अ‍ॅटर्नी मुंबईला एका एक्झिबिशन मधे कंपनीचे प्रतिनिधित्व करायलाही दिली होती रागिणी ऑलरेडी कंपनीत अधिकारी आहे ना?

पण ठीक आहे. निदान पॉवर ऑफ अ‍ॅटर्नी "देण्याच्या" बाबतीत हे लोक लॉजिकशी फार फटकून नाहीत. ती वापरण्याच्या किंवा न वापरण्याच्या बाबतीत असले तरी पूर्वीच्या कथांमधे एखाद्याला वर देताना तो वर जपून वापरावा सांगत तसे यांना तुम्हाला कथेत पॉवर ऑफ अ‍ॅटर्नी शब्द वापरू देतोय पण अंधाधुंद वापरू नका असे कोणीतरी सांगायला हवे

कसलं तरी घरगुती कम्पिटिशन... ती भूमी मग फोटो एनलार्ज करून पूर्ण रूम भरणार असते >>> हो तीच.

पैसे वाचवायला फोटो पेपर वर न प्रिंट करता कार्ड्पेपर कि कसल्या पेपर वर प्रिंट करते आणि तो फोटो घेउन येणारा माणूस त्या नायगरा फॉल्स ला टक्कर देणार्या कारंज्यात भिजतो. >>> हो

ते फोटो "एन्लार्ज" करणेही मनोरंजक आहे. प्राचीन काळी ४ बाय ६ च्या प्रिण्ट्स मोठ्या करायच्या असतील तर त्याला एन्लार्ज म्हणत. इथे मुळात फोटो डिजिटल आहेत. त्याची प्रिन्ट तुम्हाला पाहिजे त्या साइजची काढा. त्यात "एन्लार्ज" काय करायचे आहे. पण पन्नास वेळा तो शब्द त्या एपिसोड मधे ऐकू येतो.

आणि त्या फोटोचा पूर्ण हेतू घरातील रूम भरून टाकणे हा आहे. तर ते फोटो भिजले तरी काय फरक पडतो. आणि फोटोच कशाला हवेत. न्यूजपेपरही भिंतीवर लावले तरी चालतील की.

पायऱ्यांच्या मध्ये कारंजे हा काय प्रकार? >>> पूर्वी हिंदी पिक्चर्स मधे रायबहादूर वगैरे लोकांच्या घरात जसे ते दोन्ही बाजूनी वर जाणारे वक्राकार जिने असत (जेथे हमखास हिरॉइनची "मैफिल" असे व एक रडके गाणे सादर होई) तसे यांच्या घराला बाहेरून आहेत. त्याच्या मधे एक कारंजे आहे. मात्र ते जिन्यावरच्या लोकांना नखशिखांत का भिजवते माहीत नाही.

आणि सुना का भाग घेतात? तर तो १०-१२ किल्ल्यांचा जुडगा, घरची जबाबदारी, महाजन घराण्याचा वारसा स्वीकारण्याची हैसियत आहे हे सिद्ध करायला.

आकाश आणि भूमी म्हणजे 'जुदाईवाला प्यार' की काय ? >>> माहीत नाही. पुढे मुलगा होऊन त्याचे नाव क्षितिज ठेवतील

ज्या सीनमुळे सिरीज याद्दाश्त उफाळून आली तो सीन. वरती उल्लेख केला आहे ती डील मिटिंग. आकाश तेथे आल्यावर रागिणीला ती दुसरी पार्टी ओनरच्या चेअरवरून उठवते वगैरे ते झाले (खरे म्हणजे इथे रागिणीच्या डेडली व्यक्तिमत्त्वाला "तुम्हाला काय करायचे आहे कोण कोठे बसते ते. जेथे ते पिवळे हायलाइट्स केले आहेत तेथे सह्या करा आणि फुटा" असे काहीतरी सूट झाले असते) . मग आकाश तेथे बसतो व रागिणी काहीतरी प्रचंड अपमान झाल्यासारखी बाहेरून एक चेअर मागवून तेथे बसते. आकाश एकएक क्लॉज बघायला लागतो. तेव्हा रागिणीला ते नको असते त्यामुळे ती मधेच सांगते की लंचटाइम झाला आता ब्रेक घेऊ. मग ते बाकीचे लोक बाहेर जातात आणि इथे आकाशला भूमीचा फोन येतो. "कशी झाली मिटिंग"?
"चांगली झाली" - मराठी सिरीज मधे मिटिंगा "चांगल्या", "छान" अशाच होतात. त्यापेक्षा काही निघत नाही त्यातून.

पण हा लगेच पुढे म्हणतो सेकंड सेशन अजून बाकी आहे. मग काय चांगली झाली मिटिंग? हा नुसताच येऊन बसला आहे, एक कागद हातात घेउन पाहात होता आणि लंच ब्रेक झाला. काही निर्णय नाही, काही चर्चा नाही. ही "चांगली" झालेली मिटिंग.

मधे एका सीन मधे आकाश भूमीला बाहेर एका ठिकाणी भेटायला बोलावतो. तेथून त्यांना रागिणीच्या नवर्‍याला भेटायला पोलिस स्टेशनला जायचे असते. तेथे एक बळंच संवाद. ती विचारते मला इथे का बोलावलंस. तर तो म्हणतो माझी एक क्लायंट मिटिंग होती इथे जवळ "फाइव्ह स्टार हॉटेल" मधे. नेहमीच्या चर्चेत असे कोण बोलतात? त्या हॉटेलचे नाव वगैरे न घेता ते फाइव्ह स्टार आहे याचा काय संबंध? हा कोणतरी भारी आहे आणि क्लायंट मिटिंग्ज फाइव्ह स्टार हॉटेल्स मधे करतो याने बहुधा प्रेक्षक म्हणून आपण इम्प्रेस होणे अपेक्षित असावे. भूमीलाही ते ऐकून काही विशेष फरक पडला नाही त्या सीन मधे. हा बाजूच्या अमृततुल्य मधे क्लायंट बरोबर बसलो होतो म्हंटला असता तरी तिची प्रतिक्रिया काही वेगळी नसली असती.

मागच्या काही भागांत आत्याने "आता काहीतरी मोठं करायला पाहिजे" असा डॉयलॉग मारला. गेम आणखी एक लेव्हल वर नेत आहे. मुळात एक बोट तिच्यावर स्फोट करून बुडवणे, लोकांना चहामधे विष देऊन मारणे, पुरावे देऊ शकतील अशा लोकांचा काटा काढणे ई गोष्टी तिने ऑलरेडी केल्या आहेत. आता आणखी मोठे म्हणजे ही काय करणार याचे प्रचंड कुतूहल निर्माण झाले होते.

तर तो मोठा प्लॅन म्हणजे त्यांना हनिमूनला पाठवायचे आणि त्यांच्यावर मारेकरी घालायचा. पहिला प्रयत्न एकदम फ्लॉलेस असतो. त्यांच्या हनिमूनच्या मार्गावर एका कणीस विकणार्‍याशी संगनमत केलेले असते. हे तेथे थांबणार, कारण भूमीला कणीस आवडते. तेथे तो कणीसवाला यांचे खून करणार व तेथेच दरीत त्यांना टाकून देणार. त्या हनिमूनच्या आख्ख्या रूटवर कणीस विकण्याचे लायसन्स सरकारने त्या एकाच कणीसवाल्याला दिले असल्याने ते बरोब्बर तेथेच जातील या एका गृहीतकावर हा सगळा डोलारा असतो. अर्थात ही मराठी सिरीयल असल्याने हे लोकही तेथेच बरोबर थांबतात. पण आयत्या वेळी भूमी आकाशला जाऊ देत नाही कणीस घ्यायला. मुळात तेथे इतकी रहदारी दाखवली आहे की तो कणीसवाला गपचूप कसा मारणार होता हे त्याला व आत्यालाच ठाऊक. तो मारेकरी त्या खुनाचे लाइव्ह टेलिकास्ट आत्याकरता करत असतो त्यातही मधे मधे इतर लोक दिसतात.

मग ते हनिमूनकरता ज्या रिसॉर्ट मधे उतरतात तेथे त्यांना मारण्याचे प्रयत्न होतात. त्यात रिसॉर्टचे मॅनेजर लोकही सामील असतात. एकदा स्विमिंग पूल मधे लाइव्ह वायर टाकून यांना मारायचा प्लॅन असतो. पण आयत्या वेळेस लाइट जाते. विद्युत मंडळाला हे जीव वाचवण्याचे क्रेडिट मिळणार नाही कारण यांना पत्ता नसतो.

मग घरातून बर्‍यापैकी आलिशान रिसॉर्ट मधे आलेले हे लोक त्यांचे एक झोपडीचे पॅकेज घेतात. एक धक्का मारला तर पडेल अशा एका तट्ट्याच्या खोपट्यात यांचे पकाऊ रोमॅण्टिक सीन्स चालतात. बाहेरून आतले सहज दिसेल अशा गॅप्स असतात त्या तट्यांमधे. तेथे हनिमून म्हणे. आता तेथे हे आत असताना एका बाजूने आग लावली जाते. मग आत यांचे घाबरायचे सीन्स. ती आग एकाच बाजूला लावलेली असते. इतर कोणत्याही बाजूने जोरात ढकलले तर सहज बाहेर पडता येईल अशा त्या खोपट्यामधे मग हे लोक वाचवा वाचवा ओरडत बसतात.

पण मनमोहन देसाई स्टाईल योगायोगाने यांचा एक जुना नोकर त्याच रिसॉर्ट मधे झाडांना पाणी घालायला असतो. तो त्या मारेकर्‍याचे बोलणे ऐकून यांना वाचवतो.

ती आत्या व तो मारेकरी सर्व माहिती फोनवर एकमेकांना सांगत असतात. यांच्या नावासकट. मधे ती आत्या त्याला सगळे पुरावे नष्ट करायला सांगते. हे ही फोनवर.

आता त्या ऑफिसचा उपयोग संपलेला दिसतोय. आत्याही घरी आहे आणि आकाशही तिकडे जात नाही. एक मिटिंग चांगली झाली. बास.

मुळात त्या आत्याचा हे सगळे करण्याचा मोटिव्ह नक्की काय आहे याचा पत्ता नाही. कारण त्यांना मारून सपोजेडली तिला जे मिळणार आहे त्यातले बरेचसे तिला त्या घरात ऑलरेडी मिळत असते.