नाम नामेति नामेति

फेफ

फेफ

कुरापती

“ अशी सगळी पाण्याच्या संदर्भातील होती” - आई वडिलांचे सगळे कष्ट पाण्यात गेले म्हणायचे >>

आई वडिलांचे सगळे कष्ट पाण्यात गेले म्हणायचे

“अशी सगळी पाण्याच्या संदर्भातील होती” - आई वडिलांचे सगळे कष्ट पाण्यात गेले म्हणायचे >> फेफ

माझ्या ऑफिस मधल्या एका कलिग ने त्याच्या मुलीचे नाव वृथा ठेवलेय. मला आधी पृथा जे कुंतीचे नाव आहे ते वाटले होते म्हणून परत विचारून confirm केले. वृथा हेच नाव आहे हे त्याने सांगितले. ऐकून डोक्यावर हात मारून घेतला होता मी.
पार्थिव , निर्वाण, अनिती ही नावे देखील माझ्या मुलाच्या वर्गातील मुला-मुलींची ऐकली आहेत

MVLU कॉलेज कॉलेज मधल्या एका प्रोफेसर च्या मुलांची नावे अल्फा ,बीटा आणि gamma अशी होती.

आमच्या पाटकर कॉलेज च्या प्रोफेसरांच्या मुलांची नावं Mercury आणि अपोलो आहेत.

माझ्या वर्गात एक Shakespere होता. भावाचे नाव Newton

आमच्या कॉलेजात एक ओरीसाची मुलगी होती. तिचं नाव मोनालिसा आणि आडनाव बाई.

माझ्या वर्गात शुद्ध मराठी आडनावाची मोनालिसा होती तसंच एका मराठी आडनावाच्या सहकार्याने त्याच्या नवजात कन्येचे नाव ऑलिविया ठेवल्याचे माहित आहे. नावं छानच आहेत. फक्त आडनावासकट जरा… आऊट ऑफ द बॉक्स वाटतात. त्या मानाने सारा तेंडूलकर खटकत नाही.

आमच्या शाळेत एक हिमगौरी होती.

मोनालिसा बागल एक मराठी सिरियल मध्ये काम करणाऱ्या हिरॉईनचे नाव आहे की

एक "विष्फला" माहिती होती. या धाग्यामुळे तिची आठवण झाली.

विश्पला चा उल्लेख वैदिक काळातील एक स्त्री म्हणून आहे, धनवन्ती. तिची गोष्टही आहे. वीरवनिता विश्पला म्हणून तिचा संस्कृत मध्ये धडाही आहे. /होता. मीही लहानपणी हे नाव ठेवलेलं पाहिलंय.

तिचं नाव मोनालिसा आणि आडनाव बाई. >> मला मोनालिसा विचित्र किंवा मजेशीर वाटलं नाही. बाई मजेशीर वाटलं. कारण एकदा तिचे वडील आले होते कॉलेजला. तेव्हा सगळे - हे मिस्टर बाई - म्हणत होते.

हिमगौरी , मोनालिसा नावं आवडली पण हिमगौरी नावाप्रमाणेच असायला हवी

आमच्या टीममधे एका अमेरिकन बाईचे नाव Raquel आहे. अमेरिकन उच्चाराने ते सर्व तिला रखेल अशी हाक मारतात. पण मला कितीही दुर्लक्ष करायचं ठरवलं तरी जीभ रेटतच नाही म्हणुन मी तिला रकेल म्हणते. (तसंही माझं इंग्लीश गरीबच आहे त्यात अजुन ही एक भर, त्यामुळे अमेरिकनांना फरक पडत नाही). मला ही मारतातच की हाक त्यांना जमेल तशी.

मी शाळेत असताना आमच्या घरातलं मोनालिसा चं पोस्टर बघून एका कातकरणीने आईला विचारलं होतं, ही तुमची सासू का? तेव्हापासून आम्ही मोनालीसाला आईची सासू म्हणतो

मोनालीसाला आईची सासू म्हणतो Lol>>

मोनालीसाला आईची सासू म्हणतो

हाहाहा.

लष्करात असताना नवरा बायको दोघेही कर्नल आणि डॉक्टर आणि विभागप्रमुख होते.

बायको नवऱ्याला "पी एन" असेच हाक मारायची.

त्यांना एकदा आमच्या ओ टी मेट्रन ने विचारले कि तुम्ही सरांना "पी एन" असे का हाक मारता.

त्यावर त्या शांतपणे म्हणाल्या त्यांचं नाव प्राणनाथ आहे मी जर सार्वजनिक ठिकाणी "प्राणनाथ" म्हणून हाक मारली तर कसे दिसेल?

बाकी आमच्या वडिलांचे वरिष्ठ होते श्री भौमिक त्यांना गोंडस तिळ्या मुली होत्या.

इन्की ( इंद्राणी), बिंकी (बंदिनी) आणि चिंकी (चंद्राणी)

ह्यावरून आठवलं
माझी आई तिच्या मोठ्या जावयाला म्हणजे दीपकचा उल्लेख करताना jb असा करायची म्हणजे जावईबापू

मोनालिसा आईची सासू
कर्नाटकात मंजुनाथ, बसवराज अशी काही काही नावं इतकी म्हणजे इतकी कॉमन आहेत की कंटाळा येतो! शिवाय कार्तिकस्वामीची (गणपतीचा मोठा भाऊ) जी विविध नावं आहेत तीही इतक्या जणांची असतात! महाराष्ट्रात त्या मानाने खूप व्हरायटी असते नावांची (त्यातूनच मग थेंब आणि ठिपका वगैरे निघतात आणि मग 'आवरा' असं वाटायला लागतं)

माझ्या ओळखीच्या एकाच्या भावाचं नाव अश्वत्थप्पा आणि बहिणीचं नाव अश्वत्थम्मा! 'अश्वत्थ' वृक्षाशी संबंधित काही देवस्थान आहे त्यांच्या गावाकडे त्यामुळे तिकडे सर्रास प्रत्येक कुटुंबात ही नावं ठेवतात म्हणे.

आमच्या भागात काही समाजांमध्ये जुन्या काळी ज्या वारी जन्म झाला असेल त्या वारांच्या नावावरून मुला-मुलींची नावं ठेवली जात होती.
जसं की,
सोमवार - सोमाऱ्या, सोम्मारी बाई
मंगळवार - मंगळ्या, मंगळी बाई
बुधवार - बुध्या, बुधीबाई
शुक्रवार - सुकऱ्या, सुकरीबाई
शनिवार - शिणवाऱ्या, शिणवारी बाई

जुन्या काळी आधीची मुलं जन्माला येऊन जिवंत राहत नसतील आणि नंतर येणारं मुलं जगलं की त्या मुलाचं/ मुलीचं नावं ठकाजी आणि ठकुबाई ठेवत. मृत्यूला त्यांनी ठकवलं म्हणून
जुने लोकं अशी नावं ठेवत.

९० च्या आसपास तर बहुतेक मुला-मुलींची नावं हिरो- हिरोईनची नावावरून ठेवली जात. सोनम, मिथुन, दिव्या हि फेमस नावं ठेवत.

१९९४ साली ऐश्वर्या राय विश्वसुंदरी झाली त्यानंतर बहुतेक मुलींची नावं ऐश्वर्या ठेवली गेली असतील.

जुन्या ऑफीस मध्ये ' डिंकेश'' नावाचा मुलगा होता.. नाव ऐकून पहिल्यांदा मला आश्चर्य वाटलं आणि हसू आलं.. आता काही नाही वाटतं. शेवटी नावात काय आहे..? ' मॅनेजर' असं एक नाव आताच ऐकण्यात आलंय.

“ ९० च्या आसपास तर बहुतेक मुला-मुलींची नावं हिरो- हिरोईनची नावावरून ठेवली जात.” - हे त्याआधीपासून चालू आहे. दिलीप, अमित ही नावं कितीतरी आहेत.