प्लम केक

कॅरामल साठी :
एका जाड बुडाच्या भांड्यात साखर भिजेल इतपत पाणी घालून गॅसवर ठेवावे. साधारणतः पाव कप साखरेला चमचाभर पाणी खूप होते. साखर विरघळून मिश्रणाचा रंग डार्क ब्राउन होईपर्यंत मंद आचेवर राहू द्यावे. गॅस बंद करून दोन मिनिटे या मिश्रणाला थंड होवू द्यावे. यात कोमट केलेलं १/८ कप पाणी घालावे, मिक्स करून २-४ मिनिटे हे घट्ट होवू द्यावे.
सगळ्या पाककृतींमध्ये हे मिश्रण थंड झाल्यावर वापरा असं सांगितलं आहे. पण मी हे कोमट असतानाच वापरते. थंड झाले असेल तर किंचित पाणी घालून वापरताना मी परत थंड करून घेते.
केक बॅटर ची कृती :
भिजवलेल्याड्रायफ्रूट मधून रम / ज्युस गाळणीतून गाळून घ्यावा. ड्रायफ्रूट्स ना २-३ चमचे मैद्यात घोळवून बाजूला ठेवावे. उरलेला ज्युस /रम काढून ठेवावी.
अंड्याचा पांढरा आणि पिवळा भाग वेगळा करावा. एग व्हाईट्स ना सॉफ्ट पिक येईपर्यंत फेटून घ्यावे आणि बाजूला ठेवावं.
दुसर्‍या भांड्यात अंड्यांचा पिवळा भाग फेटावा. ते व्यवस्थित फेटले गेले कि त्यात बटर आणि ब्राउन साखर घालून फेटावे. आता यात आपण केलेलं कॅरमल घालून फेटावं. कॅरामल जरा कोमट किंवा गरम असलेलंच बरं. नाहीतर या थंड मिश्रणात (आमच्याकडच्या थंडीत तर नक्कीच) ते लगेच गोठून जाते.
त्यात जॅम, व्हॅनिला इसेंस घालून फेटावे. यात जायफळ आणि दालचिनीची पावडर घालावी.मैदा, मीठ, बेकिंग पावडर आणि बेकिंग सोडा एकत्र चाळून घ्यावा. मैदा आणि इतर घटक अर्धे अर्धे दोन वेळा अंडी-बटर-साखर मिश्रणात घालावे. प्रत्येक वेळी मैदा घातला का फेटून घ्यावे. गरज पडल्यास त्यात बाजूला काढून ठेवलेला ज्युस /रम घालावी.
यामध्ये फेटून ठेवलेला अंड्याचा पांढरा भाग हलक्या हाताने व्यवस्थित मिक्स करावा.
आत्ता या मिश्रणात मैद्यात घोळवलेले ड्राय फ्रूट्स आणि काजू -बदाम-अक्रोड घालून चमच्याने हलक्या हाताने मिक्स करावे. केक च्या या बॅटर ला बटर पेपर लावलेल्या टीन मध्ये काढावे.
ओवन १०-१५ मिनिटे १८० डिग्री सेल्सियस वर प्रि हीट करून ठेवावा. केक सुरवातीला ४० मिनिटे १८० वर आणि नंतर २० मिनिटे किंवा सुई व्यव्स्थित न चिकटता निघेपर्यंत १६० वर बेक करावा. ३०-३५ मिनिटांनंतर केक वरून जास्त ब्राऊन होतोय किंवा करपेल असं वाटलं तर फॉइल नी झाकावा.
बरेच जण केकच्या टीनला बाहेरून जाड पेपर ने कव्हर करतात. मी एकदाच केलं होते.
हल्ली मी अंड्याचा पांढरा भाग आणि पिवळा भाग वेगवेगळे फेटून करते हा केक. मी फेटायला बजाज चे हँड मिक्सर वापरते. पूर्वी साधे ब्लेंडर वापरून फेटायचे. त्यावेळी अंड्याचा पिवळा आणि पांढरा भाग एकत्रच फेटायचे.
रम वाला केक केला असेल तर केक थंड झाल्यावर त्यावर परत थोडी रम ब्रश ने लावावी आणि क्लिंग फिल्म मध्ये किंवा घट्ट झाकणाच्या डब्यात केक ठेवावा. किमान आठवडा ते महिना दिड महिना रोज ब्रश ने थोडी रम केकला फीड करावी.
मी स्वतः रम फीड करत नाही केकला. रम फीड न करता सुद्धा गेल्या वर्षी आठवड्यभराने केकला जास्त स्ट्राँग फ्लेवर आला होता.

हा गेल्या वर्षीचा रम केक

हा या वर्षीचा संत्र्याचा रस वापरलेला नॉन अल्कोहोलिक केक