उपवासाची बटाट्याची भाजी

भयंकर आवडती भाजी आहे. वरीचे तांदूळ (भगर), दाण्याची आमटी, है भाजी आणि खोबर्‍याची चटणी मस्ट आहे उपासाला.

आमच्याकडेही थोड्याफार फरकाने अशीच भाजी केली जाते.तुपाच्या फोडणीवर हि.मी,उकडलेल्या बटाट्याच्या फोडी,साखर,मीठ आणि ओले खोबरे.

तेल? नोनोनोनो, ही भाजी तुपाच्या फोडणीतलीच हवी!
बाकी परफेक्ट!

स्वाती +1 साखित आणि ह्यात तेल नको वाटते.
मी अगदी अशीच करते. छान लिहिले आहे.

माझी पण फार फेवरिट भाजी. पण मी साजुक तुपाची फोडणी करते. जिरे एकदम मस्त तळले गेले पाहिजेत. भाजी झाल्यावर काढून घेउन त्याच कढईत दाण्याची आमटी करते. आधी वर्‍याचे तांदूळ शिजवून घेते. दहा मिनिटात शिजतात. ही डिश वर सायोने लिहिले आहे तशी वर्ल्ड बेस्ट काँबिनेशन मध्ये सर्व्ह होते. फुल मेन्यु फाइव स्टार टाइप सर्व्ह करता येतो. वर्‍याच्या तांदुळाची मूद प्लेटीच्या मध्ये ठेवते वरुन ही खरपूस भाजी. व मग सॉस सारखी दाण्याची आमटी. वरुन फ्रेश कोथिंबीर. साइडला दही काकडी कोशिंबीर. आनंदी आनंद गडे.

अशीच काचर्‍यांची पण करते.

यम्मी.
हल्ली फार होत नाही.पण ही भाजी आवडते.

येस,जिरे लिहायला विसरले.

एक इस्लाह !
मी साजूक तुपात करतो, फक्त जिर्‍याची फोडणी. ही भाजी मस्त जमली तर मन आषाधी एकादशीकडे जाते व आपसूकच कानावर अभंग पडल्याचा भास होतो.

छान, फक्त जिरे फोडणी साठी तूप मस्ट बाकी अशीच करते. वर देवकी ताई ne सांगितल्याप्रमाणे ओले खोबरे घालून बघेन.

मस्त रेसिपी. मी पण तेलावरच करते. कधी तरी किंचित आलं ही घालते किसून.

आमच्याकडे ही फार आवडते , वरी भात, ही भाजी आणि दाण्याची आमटी हे तर आवडतच पण मी कधी कधी साखि मध्ये बटाटे न घालता सा खि बरोबर खायला ही करते अशी भाजी . सा खिचडी, ही भाजी , खंमग काकडी, दह्याची वाटी, रताळ्याचे गोड काप हा मेन्यू ही आवडतो बिन उपासाच्या दिवशी.

मी कधी केली नाही अशी रेसिपी.. वेगळी आहे करुन बघेन. आम्ही उपासाच्या बटाटा काचर्‍या करतो कायम

मस्तच लागते. उपवासाचे सर्वच प्रकार चविष्ट असतात.

मी ही तेलाची फोडणी करते. फोडणीत लाल सुकी मिरची आणि कढिपत्ता देखिल घालते. हिरव्या मिरच्या आणि दाणे मिक्सरमधून एकत्र भरड वाटून टाकते.

आता अशी करून पाहिन.

आम्ही तिखट घालत नाही व तूपाच्या फोडणीत कुटाऐवजी भिजलेले शेंगदाणे मिठ घालून उकडून भाजीत घालतो.

सायो, हेमाताई आणि अमांच्या पोस्टला मम.
अशी साजुक तुपात परतलेली भाजी, काकडीची दही-मीठ-साखर-जरासं कूट घालून कोशिंबीर, ओलं खोबरं-कोथिंबीर चटणी, वरीतांदूळ-आमटी हे एकदम भारी काम असतं.

(घरीच केलेल्या उपासाच्या भाजणीची थालिपिठं विथ लोणी आणि ताकसुद्धा असेल तर नंतर १-२ तास तरी झोप मस्ट असते हेपण नोंदवून ठेवते )

छान. तेलात केली असेल तर डब्यात नेता येते. घरी असाल तर तुपातली चांगली लागते.

माझी प्रचंड आवडती भाजी. लेकीला पण आवडते. कधीकधी बटाटे चवीला उग्र असतात. मग फसते. गोडसर आणि चांगले शिजणारे बटाटे हवे.

हिरवट दिसणारे किंवा मोड आलेले बटाटे उग्र निघतात, ते टाळायचे.

मलाही खूपच आवडते ही भाजी ! अगदी साधी सोपी आहे. माझ्या लेकालाही आवडते, त्यामुळे फक्त उपासाच्या वेळीच नाही तर एरवी पण अधून मधून करते.