थेंबांत उन्हाच्या रेषा

Submitted by पुरंदरे शशांक on 25 August, 2023 - 00:29

थेंबांत उन्हाच्या रेषा

थेंबांत उन्हाच्या रेषा
पाचूत मिरवल्या वाटा
रंगाची उधळण होता
स्वप्नात बिलोरी लाटा

जरतारी हिरवी शिखरे
ठिबकता थेंब हळुवार
बिंबातून झळके सोने
मऊ वाटेवर अलवार

किणकिणती घंटा दूर
मंजूळ सुरावट रानी
वार्‍यावर हलके गीत
वेळूतून पाऊस गाणी

भवताल स्वप्नसे भासे
नंदनवन अवनी सारी
सुख मावेना ह्रदयात
आकाशी घेत भरारी

विषय: 
काव्यलेखन
मनोरंजन
शब्दखुणा: 
अवनी
वेळू
बिलोरी
पाचू
Groups audience: 
गुलमोहर - कविता
Group content visibility: 
Public - accessible to all site users
शेअर करा

काय सुन्दर नाद आहे शब्दांना! थेंबात उन्हाच्या रेषा. व्वा!चुंबुनी दव रवीकिरणे
इंद्रधनू वाकविती
ताणूनी रंगीत प्रत्यंचा
तम गगना विंधिती

थेंबातून तेजस्वी
ओघळती बिंदू गोल
शिंपीत सोनेरी सडा
फाकविती रत्नकिळ

पहाटेस नृत्य नाट्य
चाले रवी किरणांचा
दव बिंदू साथ देती
लेऊनी पट रंगांचा
…

Submitted by Revati1980 on 25 August, 2023 - 07:24