Submitted by निखिल मोडक on 19 July, 2023 - 14:17
आता आकाश जांभळे, दिस होतील सावळे
पानोपानी जीवनाचे, पुन्हा येतील उमाळे
आता साचतील तळी, पाणी झरेल ओहळी
शुभ्र कागदाची नाव त्यात सोडतील बाळे
चुडा सजेल हिरवा, ऋतू बहरेल नवा
नव्या काकणाचा नाद, साऱ्या देही सळसळे
काही झुरतील जीव, काही मिलना आतुर
आता उभरत्या वया, नव नवल डोहळे
©निखिल मोडक
Groups audience:
Group content visibility:
Public - accessible to all site users
शेअर करा
