विरोधी पक्षांचे कडबोळे भाजप ला पर्याय ठरू शकते का ?

२३ जून ला पाटण्यात भाजप विरोधी पक्षांनी बैठक बोलावली होती , त्या बैठकी ला काँग्रेस ,स पा , जे डी एस , टी एम सी ,राष्ट्रवादी , उ बा ठा शिवसेना आणि आप सहित छोट्या मोठया पक्षांचे प्रमुख नेते हजर होते .
२०२४ च्या लोकसभा निवडणुकीतील विरोधी पक्षांचा भावी पंतप्रधानपदाचा चेहरा गुलदस्त्यात ठेवून भाजप ला सत्तेतून खाली कसे खेचायचे यावर चर्चा झाली , तर आप च्या केजरीवाल ने मात्र अध्यादेश विरोधात बैठकीतील पक्षांनी निषेधाचा ठराव पास करावा अपेक्षा ठेवली होती .
पण दिल्लीच्या सत्तेतून केजरीवाल ने बाहेर काढल्याचा राग प्रमुख विरोधी पक्ष काँग्रेस अजून विसरली नसल्यामुळे त्यांनी केजरीवाल ला इग्नोर केले त्यामुळे आप आणि काँग्रेस मधील कलगीतुरा अजून मिटलेला नसल्याचे दिसून आले .
त्या नंतर पश्चिम बंगाल मध्ये नेहमीप्रमाणे पंचायत समितीच्या निवडणूका हिंसग्रास्त वातावरणात पार पडल्या .
कोलकत्ता हायकोर्टाने बॅनर्जी सरकारला केंद्र सरकार कडून सी आर पी एफ च्या तुकड्या पुरेशा प्रमाणात बोलाऊन घेवून निवडणुका पार पाडायला सांगितल्या होत्या.
पण ममता ने हलगर्जीपणा दाखवल्या मुळे वेळेवर तुकड्या मतदान केंद्रात पोहोचल्या नाहीत .
परिणामी टी एम सी व्यतिरिक्त इतर पक्षांचे कार्यकर्ते मोठ्या प्रमाणात बळी पडले , त्यामुळे ममता चा निषेध करण्यासाठी बंगाल काँग्रेसच्या सर्वात मोठ्या नेत्याला म्हणजे अधीरांजन चौधरी ला आंदोलन करावे लागले .
विरोधी पक्षांच्या एकजुटीला तडा जाऊ नये म्हणून पश्चिम बंगाल मधील या हिंसाचार युक्त निवडणुका बद्दल राष्ट्रीय काँग्रेसच्या महामहीम गांधी कुटुंबाने मौन राखणे पसंद केले हे विशेष .
अशा प्रकारच्या तडजोडी करून एकट्या भाजप विरोधात तब्बल २४ विरोधी पक्ष आज १७ जुलै ला बँगलोर मध्ये पुन्हा एकत्र येत आहेत , त्यातील ७ पक्षांचे प्रत्येकी एकच खासदार आहेत , तर चार पक्षांचा यापूर्वी एकही खासदार निवडून आलेला नाही.
एकंदरीत विरोधी पक्षांनी पुन्हा एकदा भाजप विरोधात वज्रमूठ उगारली आहे , यशस्वी होतील की नाही हे काळच सांगेल ......