अंडर वॉटर क्रोकोडाईल पार्क @ राणीबाग - (विडिओसह)

ज्यांना लेख वाचायचा कंटाळा आहे ते थेट विडिओ बघू शकतात

विडिओ लिंक -
Under Water Crocodile Park - https://www.youtube.com/watch?v=Mrv2ZoEnPwY

------------------------------------------

Underwater crocodile viewing gallery in Ranibaag
या सोमवारपासून जनतेसाठी खुली झाली आहे.

रात्री दोनला ही न्यूज समजली.
सकाळी नऊला आम्ही राणीबागेच्या गेटवर होतो

गेटवर नऊची वेळ लिहीली असली तरी सर्वांना साडेनऊलाच आत सोडण्यात आले. का ते माहीत नाही. असो, पण आज काहीतरी वेगळे बघायला मिळणार आहे या आनंदात मुलांनी ताटकळण्याचा त्रास करून घेतला नाही.

गेटमधून आत शिरताच नेहमीच्या शिरस्त्याप्रमाणे वाघाचा रस्ता न पकडता यावेळी आम्ही मगरींकडे मोर्चा वळवला. तेथील एका सफाई कर्मचाऱ्याकडे मगरी कुठे गावतील अशी चौकशी केली. वाघ डाव्या हाताला डरकाळ्या फोडत होता, तर मगरी त्याच्या विरुद्ध दिशेला पाणपक्षी आणि कासवांसोबत नांदत होत्या. राणीबागेत आलेली सर्व जनता नेहमीप्रमाणे सरळ दिशेत वा डावीकडच्या रस्त्याने जात होती. पण आमचा प्रवास मात्र प्रवाहाच्या विरुद्ध चालू होता. आम्ही हे नेहमीच करतो. कारण पशूपक्ष्यांची खरी मजा कमी गर्दीतच अनुभवता येते.

आणि खरेच ताटकळण्याचे चीज व्हावे असा आनंद मिळाला. जे चित्र डोळ्यासमोर होते त्यापेक्षा चांगले काहीतरी बघायला मिळाले. आमच्याशिवाय तिथे कोणी चिटपाखरूही नसल्याने आणखी मजा आली. मुलांनाही हवे तसे बागडता आले. जागा नवीनच असल्याने स्वच्छही होती. तिचे भारतीयकरण झाले नव्हते. एकूणच स्ट्रक्चर, मांडणी, रंगसंगती सारे काही डोळ्याला सुखावणारे होते. तिथे जास्त काळ राहावेसे वाटावे असे होते.

खटकण्यासारखी एकच पण महत्वाची गोष्ट ही की ज्या मगरी बघायला लोकं येणार आहेत, त्या मगरींना बघायला ज्या काचा बसवल्या होत्या त्या मात्र क्लीन नव्हत्या. शेवाळ चढल्यासारखे हिरवट दिसत होत्या. त्यातून निपचित पडलेल्या मगरी दिसणे आणखी अवघड होते. पोहोतानाच छान वाटत होत्या. पण त्या तुलनेत वरच्या ओपन गॅलरीतून छान दृश्य दिसत होते. आलटून पालटून आम्ही वर खाली करत होतो. खालून मगर सुटली की तिला धावत जाऊन वर बघायला मुलांना मजा येत होती.

फोटो आणि सेल्फी काढायची आवड असणाऱ्यांचीही सोय होती. मगरींच्या तलावाचे आपले एक नैसर्गिक सौंदर्य होतेच. पण त्याला जोड म्हणून कृत्रिम, झरे, मिनी धबधबे, शांततेत ऐकू येणारा पाण्याचा खळखळाट, त्यात लोळत पडलेल्या नकली मगरी, एकूणातच एखाद्या छान नव्या जागेत आल्याचे समाधान घेऊनच परतलो.

ता.क. - उन्हाळा बेक्कार आहे सध्या मुंबईत. राणीबाग तेथील झाडांमुळे काही प्रमाणात अपवाद असेल कारण छान सावली देतो. पण हा मगर आणि पाणपक्ष्यांचा ईलाका तेथील जलाशयांमुळे चक्क गारवा देत होता

अधिक काही न बोलता काय जागा आहे याचा अंदाज यायला निवडक फोटो आणि विडिओ शेअर करत आहे.

१) तळघरातल्या मगरी

.

२) व्यू फ्रॉम बाल्कनी

.

३) एंट्रीचा दरवाजा

.

४) चोर दरवाजा

.

५) टेबलटॉप स्ट्रक्चर

.

६) मगरपट्टा वॉटरफॉल

.

७) एका निवांत क्षणी.. सुसरआई तुझी पाठ मऊ म्हणत मगरफॅमिली

.

८) टॉप फ्लोअर

.

९) स्टॉल अ‍ॅण्ड बाल्कनी

.

१०) अशी पाण्यात खेळायची मजा रोज रोज नशीबात नसते. त्यासाठी भल्या पहाटे वॉचमन उठायच्या आधी जावे लागते.

.

११) थोडी डेअरीग दाखवली तर मगरसफारीचा आनंदही लुटता येतो.

.

१२) मगरींकडे जाताना वाटेत कासवे लागली

.

१३) पण पोरं कासवांईतकीच घाईत असल्याने घाईतच फोटो काढून तिथून सटकावे लागले.

.

१४ - १५ - १६) शांत आणि स्वच्छ रस्त्यांतून छान झांडाच्या गार सावलीत चालायला म्हणून मला राणीबाग नेहमीच आवडत आलीय. म्हणून मुदाम हे फोटो

.

.

.

बाई दवे,
फोटो ट्रेलर आहेत, तर विडिओ फुल्ल पिच्चर. कारण जिवंत मगरींची मजा विडिओमध्ये शूट केली आहे. तो जरूर बघा आणि गर्दी वाढायच्या आधी लवकरात लवकर राणीबागेला भेट देऊन या

विडिओ लिंक -
Under Water Crocodile Park - https://www.youtube.com/watch?v=Mrv2ZoEnPwY

धन्यवाद ऋन्मेष