पुणेकरांचं चिपको आंदोलन

उपक्रमाला शुभेच्छा, यश मिळुदे

आजच्या लोकसत्ता मुंबई आवृत्तीत या आंदोलनाची बातमी छायाचित्रासह आली आहे.

आऔदोलन कसे झाले? कोणी गेले असेल तर कृपया माहिती द्यावी.

कालच्या सकाळ ला पण आंदोलनाबाबत छोटीशी बातमी होती.

आंदोलनाची ट्विटरवरची वसंत मोरेंची व्हिडिओ क्लिप..

https://twitter.com/vasantmore88/status/1652562958998966272?t=1JSlgDZJou...

छान उपक्रम, शुभेच्छा.

झाडे तोडून आणि काँक्रिट टाकून सुधार प्रकल्प राबविण्याची दिवाळखोरीची कल्पना कुणाची?

ही फेसबुक लिंक आंदोलनाची
https://m.facebook.com/vasantmore88/videos/251823267221844/?wtsid=rdr_0t...

छान माहीती नानबा.

सविस्तर माहितीसाठी धन्यवाद!!

आंदोलनाला इतका चांगला प्रतिसाद मिळाला हे वाचून बरे वाटले. इथे माहिती दिल्याबद्दल धन्यवाद, नानबा.

आधीच पुणे लाह्रांच्या भट्टीसारखे तापत चालले आहे. >> १०१% सहमत

झाडे वाचवा, याला १००% पाठिंबा. काही वर्षांपूर्वी, बऱ्याच वर्षांनी पुण्याला जाण्याचा योग आला, तेव्हा फर्ग्युसन कॉलेज रोड, पोलीस ग्राउंड येथील झाडांची झालेली कत्तल बघून जीव खूप हळहळला होता.

मात्र मुळा मुठा या गटारांना नदी म्हणणे हा नद्यांचा अपमान आहे. ज्यांना कुणाला या वाक्याचा राग येणार असेल, त्यांनी लकडी पुलावर किंवा संगम ब्रिजवर जाऊन स्वतःच्या डोळ्यांनी परिस्थिती बघावी.

मात्र मुळा मुठा या गटारांना नदी म्हणणे हा नद्यांचा अपमान आहे. ज्यांना कुणाला या वाक्याचा राग येणार असेल, त्यांनी लकडी पुलावर किंवा संगम ब्रिजवर जाऊन स्वतःच्या डोळ्यांनी परिस्थिती बघावी.>> मी लकडीपुलाला लागुनच राहिले आहे. लहान पणी मुठा नदीला भरपूर पाणी होते. शेजारी झाडे असत व नदीत पण जलपर्णी व इतर झाडे झुडुपे असत. एक दोन बेटे आत आमच्या नजरेतच होती. नदीत मासे खेकडे साप पाण कोंबडी असे वाइल्ड लाइफ होते. कोळी मासे पकडत. जाळ्याने नव्हे तर काठीला आमिष लावुन. व थोड्या मागे बेटांजवळ खेकडे पकडत. मी तासंतास नदीला बघत घालवले आहेत.

पाव्साळ्यात तर भर्पूर पाणी यायचे नदीला. अगदी पूर म्हणत असत इतके. पांचाळेश्वराच्या वरच्या पायरी परेन्त यायचे. एकदा तर देवळात एक कमान बांधली होती ती पण बुडली होती व भागवत बिल्डिन्गच्या पायथ्यापरेन्त आले होते पाणी. इतका पाउसही असे.
टायटानिक यायच्या आधी मी पांचाळेश्वराच्या समोरील मैदान व कठडा नवीन झाले - लाल कोबा टाकला तेव्हा - तो टायटानइक मोमेंट अनुभवला आहे लहान पणी १० ११ वर्शाच्या वयात.

पूल व्हायच्या आधी कॉजवे होते तिथे गणेश विसर्जन केले आहे.

नदीच गटा र व्हायला अकार्यक्षम कारभार कारणी भूत आहे. जनता तर आंदोलन करतेच आहे.

ताई, मी पण पुण्यात होतो. त्या म्हणण्याला आज काहीच अर्थ नाही.

त्या म्हणण्याला आज काहीच अर्थ नाही.>> माझ्या दृष्टीने आहे. वेताळ टेकडी, नद्या ओढे हवेत मला स्वच्छ व सुंदर. कारण मी रिटायरमेंट् साठी तिथेच जाणार आहे. कितीकांची लहान मुले तिथे वाढत आहेत.

जनतेनेच प्रयत्न केले पाहिजेत कारण कारभार तर दिवसेंदिवस भयानक होत चालला आहे. पुण्याचे सुरेख पर्यावरण अनुभवले आहे. त्यामुळे नद्यांचे गटार झाले ह्याचे वाइट वाट्ते राग येत नाही.

पुण्याचे सुरेख पर्यावरण कधीच नष्ट झाले आहे आणि आता इतिहासात जमा झाले आहे.

<< मी रिटायरमेंट् साठी तिथेच जाणार आहे. >>
आजचे फोटो काढून ठेवा. २० वर्षांनी म्हणाल की २०२३ सालचे पुणे कित्ती कित्ती सुंदर होते.

<< मी रिटायरमेंट् साठी तिथेच जाणार आहे. >>
नका येऊ. तुमची हाडे मजबूत असतील तरी येऊ नका. उगाच कशाला विषाची परिक्ष! जब गीधडकी ... इत्यादी

नानबा _/\_

पुण्याच्या नद्यांचे भवितव्य नक्की कशात आहे?
केवळ नदीकाठ सुशोभित करण्यात की नदी पुनरुज्जीवित करून तिचे मूळचे सुंदर रूप परत मिळवण्यात...
जाणून घेऊयात...
रविवार दि ७ मे रोजी संध्याकाळी ६ वाजता
मोठ्या संख्येने सहभागी व्हा
सभेत सहभागी होण्यासाठी झुम लिंक
https://us02web.zoom.us/j/86352624617...
नदीकाठची झाडे वाचवण्यासाठी चिपको आंदोलनात हजारोंच्या संख्येने पुणेकर रस्त्यावर उतरले. ह्या अभूतपूर्व घटनेनंतर जाणून घेऊयात नदीविषयक काही महत्त्वाच्या बाबी. नदीकाठ सुशोभीकरणासाठी पर्यावरणपूरक उपाय काय ? कुठलाही नाश, विध्वंस न करता नदीला पुनरुज्जीवित कसे करता येईल ? जाणून घेऊयात नदीची परिसंस्था अबाधित राखून विकास साधणे चराचरांच्याच नाही तर मानवी हिताचे पण कसे आहे ते.
सादरीकरण आणि मार्गदर्शन करतील तज्ञ वक्ते:
१) डॉ प्रियदर्शिनी कर्वे, संचालक, समुचित एनवायरोटेक
२) शैलजा देशपांडे, संस्थापक संचालक,
जीवितनदी
३) केतकी घाटे, सहसंस्थापक, संचालक, ऑयकॉस
४) मानसी करंदीकर,
सहसंस्थापक, संचालक, ऑयकॉस
झुम सभा क्र: 863 5262 4617
स्वीकृती क्र: 809727

नानबा, हा धागा पर्यावरण किंवा चालू घडामोडी मधे हलवणार का? मला सापडेनासा झाला आज.

गेल्या रविवारी लोकायत संस्थेतर्फे श्री. सारंग यादवाड्कर यांच्या सोबत रिव्हरवॉक बंड गार्डन येथे आयोजित करण्यात आला होता. मी गेलो होतो. साधारणपणे पन्नास-साठ जण जमले होते.

बंडगार्डन जवळ पथदर्शी प्रकल्प म्हणून जो भाग विकसित केला आहे तिथेच हा वॉक आयोजित केला होता. पुलावरून येता जाताना नजर टाकून जे दिसते त्याची व्याप्ती खोली आणि गांभिर्य प्रत्यक्ष जाग्यावर गेल्यावर नीटच कळते. त्या भागातली नैसर्गिक अधिवासातली सगळी झाडे झुडुपे तोडून नेस्तनाबूत करून नदीपात्रातच भराव घालण्यात आला आहे. ह्याचा सर्वात मोठा धोका हा आहे की पुराचे पाणी वाहून नेण्याची नदीची क्षमता एकदमच कमी होणार आहे.

पाऊस चिखल आणि राडा रोडा ह्यामुळे वॉक फार नाही झाला. पण टॉक नक्की छान प्रकारे झाला. माहीती सांगणे, चर्चा, प्रश्नोत्तरे, शंका-समाधान हे सर्व सकाळी साडेसात वाजल्या पासून ते साडे नऊपर्यंत चालले. अत्यंत उद्बोधक असे हे सत्र होते.

समारोप 'हम होंगे कामयाब' ह्या गाण्याने झाला. समूहगान करताना एकदम शाळकरी झाल्यासारखे वाटले.