वाळवी - या वर्षीचा सर्वोत्कृष्ट चित्रपट

हरिश्चंद्राची फॅक्टरी आणि एलिझाबेथ एकादशी असे नॅशनल ॲवार्ड विनिंग फिल्म >> हो त्यामुळेच वाळवी पहायचा आहे.
आधीचे दोन्ही आवडलेले.
पण इथे वाचून ओटीटीवरच पहावा की काय असे वाटतेय आता.

आणि ह्या वर्षीचा सर्वोत्कृष्ट चित्रपट ??
>>>>>

आतापर्यंतचा >>> 13 तारखेला हा धरून 4 मराठी चित्रपट प्रदर्शित झाले आहेत. या शुक्रवारी पाचवा. पाचमधे या वर्षीचा सर्वोत्कृष्ट चित्रपट हे नवीनच सुरू झाले आहे का? कि या वर्षी यानंतर मराठी चित्रपट येणार नाहीत?

का असे वाटले? >>> वाटलं असेल त्यांना. आता काय तडीपारीची शिक्षा सुनावताय का? घ्या सांभाळून.

.. अमराठी सुद्धा धरा >> कोणते अमराठी सिनेमे? पाहिलेले आहेत का?
तुम्हाला पठाण म्हणायचे आहे का?

वाळवी चित्रपट मला तरी खूप खास वाटला नाही. Fargo season 1
या सिरीज ची फार आठवण आली . Martin अन billy bob ला खूप मिस केले.
स्वप्निल जोशी काही विशेष करत असल्याचा आव करून एक्टिंग करत होता.

2023 हे वर्ष कांतारा, ब्रह्मास्त्र च्या रिलीजच्या वेळी चालू झाले का? आम्हाला कुणी कळवले नाही.

बघितला. ठीक आहे, पण इतका हायपरबोली काही वाटला नाही. पात्रांशी कनेक्टच होत न्हवतो फार.

मी त्यातला निम्मा क्राऊड वाळवीला वळवला >>> क्राऊडची डेफिनिशन काय आहे ओ तुमची ?
ऑफीसमधे काय हजारोंची सभा भरली होती का पठाणला जाणार्‍यांची ? थापा मारताना पकडलो जाऊ याची मुद्दाम व्यवस्था करता का ?
चार दोन लोक बोलतात. यापेक्षा जास्त फार तर पाच दहा. त्यातले निम्मे म्हणजे दोन चार, खरंतर एखादाच. त्याला क्राऊड म्हणायचं का ?
तुमची एकूणच आवड बघता तुमचं ऐकून जाणारे लोक थोरच असले पाहीजेत. भगवी कफनी घालून जाता कि काय ऑफीसला ?

मायबोलीला लागलेली वाळवी ऑफिसात पण लागली तर !

पठाण चा क्राऊड तिकडे वळवला, म्हणजे केहना क्या चाहते हो??? झपाटलेला बाहुला शाहरुख से बेहतर है??? ओ माय गॉड , यह मै क्या देख रही हु??????

झाला झाला ओव्हर acting मोड ऑफ......

रच्याकने मला ही वाळवी बघायचाय..... पाहू केव्हा योग येतोय....

सुबोध भावे बहुतेक..

हा वाळवी चित्रपट मलाही आवडला. पठाण की वाळवी असा चॉईस होता त्यामुळे वाळवी निवडला. पठाणच्या शा.खा. भक्तांनी चालवलेल्या अतिकौतूकामुळे तो न बघावा याच निर्णयाला आलो होतो.

आधीच मुंबई, त्यात विकांत, त्यात पश्चिमेकडचे मराठी कमी वस्ती असणारे उपनगर आणि तरीही पठाण पेक्षा वाळवीला जास्त गर्दी होती. दोन्हीचे शो एकाच वेळी होते. यामुळे माझी निवड योग्य ठरली असे वाटले. पठाण पेक्षा वाळवीला कमी स्क्रिन्स आहेत हे ही कारण असू शकेल पण शेवटी कॉलिटीही महत्वाची.

वाळवीविषयी जास्त लिहीत नाही. इतरांनी लिहीलेच आहे. स्वप्निल जोशी यावेळी चक्क आवडला. तसा तो कधीच नावडत नव्हता पण त्याची अ‍ॅक्टींग कधी कौतूकावी असे वाटले नाही. शिवानी सुर्वे विषयी बिग बॉसमधील तिच्या वागण्यामुळे वाईट मत होते पण तिचा अभिनय व स्क्रिन प्रेसेंन्स आवडला. सुबोध नेहमीसारखाच पण त्याचा कॉमेडी रोल पहिल्यांदाच पाहीला जो आवडला. त्याने आधी कधी कॉमेडी रोल केला असेल तर माहित नाही. अनिता दातेला बराच काळ प्रेतव्रत ठेऊन प्रेक्षकांवर उपकार केले आहेत असे ही वाटले. धाग्यात लिहील्याप्रमाणे अनपेक्षित शेवट व तो ही अनपेक्षित क्षणी येतो. याने मी पण काही सेकंद सुन्न झालो होतो.

शिवानी सुर्वे अभिनय चांगला करते, त्यामुळे ती आवडत होती अभिनेत्री म्हणून पण बिग बॉस मध्ये नव्हती आवडली तिच्या वागणूकीमुळे, अर्थात अभिनय आणि दिसणे दोन्ही छान असल्याने तिला उत्तम भूमिका मिळत राहतील.

बघायला हवा वाळवी.

वाळवी मस्त हलका फुलका वाटला. परत बघायला हरकत नाही.
मजा वाटली. बरेच आचरट प्रकार असले तरी सिनेमा लिबर्टी समजू शकतो. नैराश्यात गेलेली बाईचा रोल चांगला केलाय. शिवानी सुर्वे चांगला अभिनय करते, त्या वीण पेक्षा नक्कीच बरा.

डबल पोस्त

अनिता दातेला बराच काळ प्रेतव्रत ठेऊन प्रेक्षकांवर उपकार केले आहेत. >> +१

चित्रपट एकदा बघायला ठीक.

आवडला. मधे मधे झाला थोडा बोर. तरीही आवडलाच.
ट्विस्टस, डार्क ह्युमर फार भारी जमलंय.
शिवानीचे आणी सुभाचे काही मस्त टायमिंगवाले पंचेस आहेत. परेश मोकाशी आणि मधुगंधा फारच ब्रिलियंट डायरेक्टर्/लेखिका आहेत.

आताच पाहीला. मजा आली.
ट्विस्टस, डार्क ह्युमर फार भारी जमलंय.
शिवानीचे आणी सुभाचे काही मस्त टायमिंगवाले पंचेस आहेत. + १

क्लायमॅक्सला जेव्हा तिघे (+ ३) घरी येतात तेव्हा पिक्चरची शेवटची ३ मिनिटे राहिली होती. मी विचार केला आता इथे काय शेवट करणार? कदाचित पुढल्या भागाची सोय करुन ठेवली असावी पण छान ट्विस्ट देऊन पिक्चर संपवला. एव्हढे मुडदे पडूनही चित्रपट बघताना मज्जा आली.

ओटिटिवर आला कि नाही अजून?

सहपरिवार? लहान मुलांसमोर पण??

झी ५ वर आला.

कालच पाहिला झी-५ वर. मस्त पिक्चर आहे. एकदम जमला आहे. मुख्य चौघांचाही अभिनय मस्त. शिवानी सुर्वे सरप्राइज पॅकेज आहे एकदम. काही वर्षांपूर्वी कोणत्यातरी सिरीज मधे होती इतकेच लक्षात आहे. तिला इतके दिवस पिक्चर्स मधे कसे रोल मिळाले नाहीत आश्चर्य आहे.

स्वप्नील जोशी चांगले रोल्स करू शकतो हे त्या "चेकमेट" मधे पाहिले होते. इथेही त्याने मस्त काम केले आहे. सुबोध भावे मात्र धमाल. त्याचा जवळजवळ प्रत्येक संवाद जबरी जमला आहे. अनिता दाते ला त्या नवर्‍याची बायको मधेच जास्त पाहिले आहे. त्यामुळे इथला रोल वेगळा वाटला. पण सर्वात भारी काम शिवानी सुर्वेच!

शेवटचा सीन म्हणजे टोटल पंचलाइन आहे!