खाद्यपदार्थाची हटकी जोडी

माझा एक सिंदी कलीग भाजी भात कालवतो आणि पोळीला लाऊन खातो.

वळावटाची खीर आणि भात ...कालवून. मला हिम्मत नाही झाली, पण खाताना पाहिलंय इतरांना.

दूध-खिचडी. आमच्याकडे सगळ्यांना आवडतं. ही तुपाच्या फोडणीची फारशी मसालेदार नसलेली खिचडी असते. नवर्‍याकडे हे कॉम्बी आवडत नाही. पण माझं कम्फर्ट फूड आहे.

घट्ट वरण आणि भात. ते फार कोरडं होतं म्हणून त्यात दूध घालायचं . मस्त लागतं.

तुरीच्या डाळीच्या वरणात तूप आणि मीठ-मिरपूड घालून गरम गरम सूप सारखं प्यायचं. माझे एक काका असं करायचे. त्यांचं बघून मी पण ट्राय केलं आणि आवडलं मला.

फोडणीची पोळी आणि फोडणीचा भात एकत्र करून...माझी आवडती डिश

हे मला ही फार म्हणजे फार आवडतं. मला फक्त वरण कुकर मधून काढलेलं गरम लागत , गार झालेलं गरम करून नाही आवडत. लिंबू पिळते मी त्यात थोडं. हे वरण आणि पोळी पण खूप आवडतं मला.

दूध आणि त्यात थोडी रस्सा भाजी आणि चपाती

ताकामध्ये कोकम सरबत

खरबूज बारीक चिरून, पिठीसाखर घालून पोळीबरोबर गुजराती लोक खातात.

माझी मैत्रीण फ्रुट सॅलॅड चपाती बरोबर खाते. तर थालीपीठ चिपोटले साॅस बरोबर.

दही भात , त्यावर शेंगदाण्याचे कोरडे तिखट आणि ते भाकरीला लावून खाणे

काही काही पदार्थ इन्ट्युइटिव्हली यमी वाटतायत. काही अगदी कसेतरीच.

चिपोटले पोळी, चिपोटले थालीपीठ, चिपोटले डोसा, धिरडं सगळं छान लागतं.

सेम विथ बफेलो सॉस.

चिकन ट्रिपल शेजवान राईसची शिल्लक ग्रेवी आणि मॅगी नूडल्स

चिकन ट्रिपल शेजवान राईसची शिल्लक ग्रेवी आणि मॅगी नूडल्स

खिचडी (मसाले भातासारखी) आणि फुलके

इडली आणि त्यावर फक्त तूप...अप्रतिम चव लागते.
प्लस घास घेतला की आतल्या भागावर पण तूप टाकायचं थोड किंवा छोट्या वाटीत घेऊन तूप लाऊन खायचं.

You can't stop at 1

ईडली तूपात किंवा बटरमध्ये तळून.. शॅलो फ्राय..
कितीही ईडल्या तळा.. कमीच वाटतात.. चस्काच लागतो..

चहा + bournvita powder.

ट्राय नाही केलं कधी पण राजकोट मध्ये मिळतं अस combo.

ईच्छा आहे एकदा ट्राय करायची.

https://m.youtube.com/watch?v=jl8G8nEAK2w

Time:5.07

आमच्या ऑफिसमधली एक tea boy चहा करताना त्यात थोडा ग्लुकोज बिस्कीटचा चुरा घालत असे , तिचा चहा अप्रतिम असायचा.

शिरा अन लिंबाचे लोणचे

येस शिरा व लिंलो खाल्ले आहे. मस्त आहे ते कॉम्बो.

शिरा भजी
आमरस पुरणपोळी

कोका कोला मधे वॅनिला आईसक्रीम टाकून देतात..मला अगदीच दोन्ही चांगले पदार्थ वेस्ट झाल्याचे फील आले. मुलाला आवडले.

कोक फ्लोट
मलाही फार आवडायचे ते. मुलांना आवडणे स्वाभाविक आहे.
पण तरी मुलांना देणे टाळतो. कारण त्यात कोकाकोला हा मुळातच एक वेस्ट पदार्थ असतो. मी सुद्धा त्यामुळे सोडून दिलेय.

वेळेला एकदा हाती काही नव्हतं आणि भूक खूप लागली होती तेव्हा श्रीखंड पाव खाल्ला होता, होपलेस कॉम्बिनेशन.

फ्राय अंडे. त्यातच भात परतून. थोडी डाळ. आणि तिखट शेवफरसाण.. हे माझ्या आवडीचे काँबो. रेग्युलर करतो.
हे मुख्य घटक झाले. याऊपर फ्रिजमध्ये जे जे सापडते ते ते चवीनुसार कमी अधिक प्रमाणात टाकतो.
यासोबत लिंबाचे लोणचे असले की चव वाढते.

.

पोहे,उपमा एकेक चमचा घेवून चहा/कॅाफीत डीप करून खायचे मला खूप आवडत. अळू आणि पोळे, लोणच्याचा खार आणि ब्रेड. आमरस आणि भात मुलगा खातो आवडीनं.
शेव/ फरसाण आणि पोळी.

माझी एक साऊथ इंडियन मैत्रीण बरं नसताना दूध- साखर - इडली खायची. तिचं कम्फर्ट फूड होतं ते. मी ट्राय करून पाहिलेलं, तितकंसं वाईट लागलं नाही.

खिचडी -थालीपीठ,
आमटी भात त्यावर तळलेला पापड, कुरडया.

आमटी भात त्यावर तळलेला पापड, कुरडया >>>>this is not weird.