शशक पूर्ण करा-देह-अस्मिता

(मी गणोत्सवानिमित्त एक छोटासा प्रयोग/गंमत केली आहे. एकाच शीर्षकाच्या साधारण समान संकल्पनेला किंवा धारणेला छेद देणाऱ्या दोन कथा एकत्र देऊन पण संयोजकांनी दिलेली वेगवेगळी सुरुवात वापरून ते विच्छेदन अधिक प्रभावी करण्याचा प्रयत्न केला आहे. पहिल्या कथेत देह हीच ओळख मानणारा योगी आणि दुसऱ्यात प्रथमदर्शनी देहाचेच आकर्षण वाटणारी नायिका.....)

देह

काहीच सुचत नाहीय. सगळीकडे फक्त अंधारच अंधार. कानावर फक्त पाण्याचा आवाज पडतोय. मनाला एक अनामिक हुरहूर लागून राहिलीय.

आज ध्यानात मन लागत नाही त्यात तो फकीर. अशी कशी कुणालाही दीक्षा देऊ.  बाबाजी ब्राह्ममुहूर्ताला ???...

  "अरे मधू, तुला त्याला मार्गदर्शन करायचे होते.  तुझ्या नकारामुळे त्याने जलसमाधी घेतलीये".

पण बाबाजी, त्या मुस्लिम फकीरास मी साधनेत सहायता करू शकणार नव्हतो, अपवित्र, अस्वच्छ ,गैरहिंदू अशा पापी व्यक्तीस मदत करून मीही मार्गाहून पदच्युत झालो असतो.

"मधू, तुझे या जन्मातले तप या अपराधाने नष्ट झाले आहे. आता तुला या फकीराच्या धर्मात जन्म घेऊन त्याच्याप्रमाणे अनंत अडचणींचा सामना करावा लागेल."

जशी आपली आज्ञा बाबाजी , माझा अपराध मला उमगला. हा देह मी अलकनंदेला अर्पण करून पुन्हा येईन तेव्हाही तुम्हीच माझे गुरू व्हावे ही प्रार्थना !!
तथास्तु.
डुबूक्क.........

#श्रीएमयांच्यापूर्वजन्मावर

***************

देहच

"गाडीत एकटी, दूरचा प्रवास आणि हवी ती गाणी लावायचं स्वातंत्र्य. अजून काय हवं असं वाटत असतानाच समोर लक्ष गेलं आणि ..."

(देऊ का याला लिफ्ट , हॉट टूरिस्ट दिसतोय.)

हाय , माझे नाव अनिका !

मी निखिल , मला एअरपोर्टवर सोडशील का?!

हो ये ना, ती backpack जरा मागे टाक आणि तिथे बस.

मी इथे हॉस्पिटलमध्ये माझ्या मामाला भेटायला आले होते. आज मी खूप खूश आहे कारण तो बरा होत आहे. We can have drinks if you like...

नाही,... सध्या औषधं चालू आहेत.

नो प्रॉब्लेम ड्यूड.

मी महिन्याभरापूर्वी प्रागला आलो होतो. फिरायलाच. हे फ्लायर एअरपोर्टवर बघितलं, आणि परत थांबलो.
कसलं फ्लायर...

तू नंतर बघ, मी bags घेऊन उतरतो. थँक्यू फॉर द राईड, अनिका !!

स्पायनल सेल डोनेशन!!!

याच्यामुळे आज माझा मामा..... आणि मी आभार सुद्धा ....... निखीSSSSल......

-------
©अस्मिता
मायबोली गणेशोत्सव २०२१