शशक पूर्ण करा - फुफाटा - हाडळीचा आशिक

फुफाटा

काहीच सुचत नाहीये. सगळीकडे फक्त अंधारच अंधार. कानावर फक्त पाण्याचा आवाज पडतोय. मनाला एक अनामिक हुरहूर लागून राहिलीय. तेवढ्यात दरवाजा उघडला गेला आणि बाळाप्पाची तंद्री भंगली.
कोणीतरी तिला केसांना धरून फरफटत आणत होतं. लक्ष्मी ? तो शहारला. आरडतओरडत त्या आडदांडाला ती प्रतिकार करीत होती. ते बाळाप्पासमोर पोहोचले. अशक्त झालेला तो उठू लागला.. भेलकांडला..

आडदांडानं तिला सामोरं केलं. पदर सुटलेल्या तिनं नवऱ्यासमोर लाजेनं मान खाली घातली.

"भेन्चो* ! पैशे आण न् ह्या रां*ला ने. पिंट्या जा, सोड याला.

पिंट्या पुढे झाला.

"मालक, मालक..." दीनवाणी हवेत विरली. पिंट्यानं त्याला बाहेर काढलं होतं.

रस्त्यावरील फुफाट्यानं डोळे डबडबले. पाणीच पाणी...नुसतं पाणी ! फुफाटा...पाणी ? फुफाटा......फुफाटा........................

_हाडळीचा आशिक