मेथी केळं शेव भाजी - बाय संजीव कपूर

फोटो नाय ना.

आई ग, काय भयानक कॉम्बिनेशन आहे. हे मोठमोठे शेफस कधी कधी काहीही प्रयोग करतात. मला मेथीची भाजी अतिशय आवडते. सगळे प्रकार ( डाळ घालुन, पिठ लावुन, आलू मेथी, ताकातली पातळ भाजी, मेथी मटार मलई इ इ) मी अत्यन्त आवडीने खाते, पण केळं-मेथी अशक्य.

कधी तरी अनेक वर्षांपूर्वी TV वर एक रेसिपी पहिली होती. कलिंगडाच्या मोठं मोठया फोडी, त्यावर हा मसाला तो मसाला, मग उसाचा रस आणि शेवटी सगळं ग्रील केलं होतं, तेव्हाच ठरवलं आपण फक्त जगण्यापुरतं कुकिंग शिकायचं. शेफच नाव आठवत नाही, नाही तर रेसिपी परत पाहिली असती. नो नो, रेसिपीसाठी नाही, शेफ हँडसम होता.

एकदा बनलेली रेसिपी खाऊन पाहिली पाहिजे.मग कळेल कसं लागतं ते.
मी घरी हल्ली मुलीने बनवलेली वर किसलेले चीज,चॉकलेट आणि मारी बिस्कीट घातलेली काकडी कोशिंबीर पण खाते

किसलेले चीज,चॉकलेट आणि मारी बिस्कीट घातलेली काकडी कोशिंबीर>>>>

अनुची पोस्ट वाचून वाटतंय:
जेवणात काय काय खातो, थोडा वरण भात, भजी, भाजी, चिकन, आमरस, शेवटी थोडा दहीभात.
पुढे हे सगळं मिक्स करून खायचं फॅड येईल का?

सगळं मिक्स करून एक आगळ्या वेगळ्या चवीचा मुटकुळा बनेल
तो चालू फॅशन प्रमाणे आप्पे पात्रात तळून सॉस बरोबर लोकांना वाढायचा.

आणि सोबतीला थंडगार ताकात चमचाभर कॉफी टाकून त्यावर तुपात जिर्‍याची फोडणी घालून ढवळून प्यायचं फॅड पण येईल

लेखिका पुन्हा रेसिपी देणार नाहीत .

>> काय भयानक कॉम्बिनेशन आहे. हे मोठमोठे शेफस कधी कधी काहीही प्रयोग करतात. >> अगदी. मलाही शिर्षक वाचून ‘क्क्क्क्क्क्क्क्कय??’ असं वाटलं. केळं वगळूनही करता येईलच.
संजीच कपूरच्या इथल्या रेस्टॉ. ला एकदा खाल्लं आहे. नाव मोठं लक्षण खोटं प्रकार आहे. फिरनीच्या नावाखाली रव्याचं काहितरी अगम्य प्रकरण समोर आलं होतं.

केळ्याचे प्रकार आवडत नाहीत त्यामुळे माझा पास .
माझी एक कच्छी कलिग आणायची आणि आणखी दोघीजणी आवडीने खायच्या , चांगली लागत असावी.

स्वप्ना रेसिपी टाकत जा , आवड आपली आपली.

मी एकदा पिकल्या केळ्याची कोशिंबीर लिहिली होती

सगळे क्रूरसिंग यक्क यक्क करत होते

मला सापडेना ती लिंक
कुणी शोधेल का ?

मी उद्या पिकलेल्या राजेळी केळीची भजी करणार आहे.. तांदळाच्या पिठात घोळवून..तिखट गोड छान लागते..

https://www.maayboli.com/node/23421?page=1 इथे सापडली नाही. पण तुम्ही कोणत्या आय डीने लिहीली होती त्यावर ते अवलंबुन आहे.

जनरली केळ्याच्या चकत्या करुन त्यात दही, मीठ साखर घातले की झाली कोशिंबीर. त्यात तुम्हाला नावे ठेवण्यासारखे काय होते?

मेथी + केळी हे कॉम्बिनेशन कुठे तरी वाचल्या / ऐकल्यासारखे वाटत होते. असो, स्वप्ना, पाकृ लिहीत रहा. ज्याला आवडेल किंवा रस वाटेल तो नक्कीच करुन बघेल.

मी मेथीच्या थेपल्यामध्ये एक पिकलेले केळे कुस्करून घालते.. कडवटपणा कमी होतो..आणि केळ्याचा छान फ्लेवर येतो..

हं

मी फोडणी करून त्यात पिकल्या केळ्याचे मोठे तुकडे गरम करून घेतले होते , भाजीप्रमाणे

आणि मग नंतर त्यात दही , साखर , तिखट मीठ घातले होते.
मला लिंक शोधून द्या , मला खूप आठवण येत आहे त्याची

हे घ्या https://www.maayboli.com/node/53813
पिकल्या केळ्याचे भरीत

छान

हेच ते

डॉक्टर, मी प्रत्येक शब्द टाकुन शोधले पण सापडतच नाहीये.

वेगळीच रेसिपी आहे. ट्राय करून पहायला हवी.

'don't yuck someone else's yum'
असं म्हणतात
कदाचित आपली taste वेगळी develop झालेली असते किंवा प्रयोगाला सरावलेली नसते
स्वप्ना तू लिहित राहा पाकृ

धागा जोरात.
बाकी 'केळा रायता' म्हणजे हिरवी मिरची दह्यात घुसळून त्यात केळ्याचे काप टाकणे. अप्रतिम चव असते.

हो गं किल्ली
तेच वाटलं.

सगळे केळ रायत्याची अन् केळ मेथीची इतकी तारीफ करत आहेत तर एकदा चोरुन माझ्यापुरतं करून बघावं असं वाटू लागलंय.

किल्ली>>सही बात है!

कॉम्बिनेशन ऐकून जरा कानावर हात ठेवून नहीं किंचाळावं वाटलं.
<<
किंचाळून घ्या. तेवढंच बक्रीदच्या निमित्ताने नमाज पढल्यासारखं पुण्य जमा होईल कुठल्यातरी "आका उंट" ला.

इम्युनिटी बूस्टर कशावरून ठरवतात?

don't yuck someone else's yum' >>>> ज्जेब्बात किल्ले

आरारा, काय झालं?
कॉम्बिनेशन कसं लागेल या कल्पनेने किंचाळावं वाटलं.पण त्याचबरोबर हे चांगलं बनतही असेल, रेडिमेड खाऊन पाहिलं पाहिजे इतकंच म्हणतेय.
ईद ला पुण्य जमेल असा कोणताही ड्युप्लिकेट आयडी नाहीये त्यामुळे जोक कळलाच नाही.