अनुवादित पुस्तकं

नॅशनल बुक ट्रस्ट +१
लक्षात राहिलेली मराठीतील अनुवादित पुस्तके म्हणजे हॅरी पॉटर सिरीज कारण त्यावेळी मराठी माध्यमातून शिकत असल्याने इंग्रजी झेपणार नव्हतेच. मुराकामी अपवाद वगळता अजून मराठीत आलेला पाहिला नाही. मी शक्यतो मुळ इंग्रजी-हिंदीतली पुस्तके त्याच भाषेत वाचतो आणि इतर दर्जेदार देशी-विदेशी साहित्य इंग्रजीत येतच राहते चांगले आहे ते. अलीकडच्या काही वर्षांत नॉन-फिक्शनवरच जोर आहे.
किरण नगरकरांची सात सक्क त्रेचाळीस या मराठी पुस्तकाची पहिली हजारांची आवृत्ती संपायला २७ वर्षे लागली होती आणि तिची पन्नास हजारांची जर्मन आवृत्ती सहा महिन्यांत सम्पली होती यावरून त्यांनी मराठी वाचकांचे बरेच बौद्धिक घेतल्याचे कुठेतरी वाचले होते. अनुवादावरून ते आठवले.

@टवणे सर, तुम्ही मायबोलीवर परत लिहायला लागला आहात म्हणून विचारते. तुम्ही 'मी वाचलेले पुस्तक' धाग्यावर सूरज येंगडे यांच्या 'कास्ट मॅटर्स' पुस्तकाबद्दल लिहाल का? (संपर्कातून मेल केलीत तरी चालेल) तुम्ही ते पुस्तक वाचलंय एवढंच तिथे लिहिलं होतं.साधनामध्ये आलेली सूरज येंगडे यांची प्रदीर्घ मुलाखत, अजून एकदोन लेख, दोन तीन भाषणं असं सगळं वाचून/ऐकून त्यांच्याबद्दल काही ठोस समजण्यापेक्षा गोंधळ वाढला.

भैरप्पांच्या 'काठ' बद्दल- सुरुवातीला मलाही फार आवडली नाही. पण नंतर आवडली. भारी आहे!

NBT चा उल्लेख अगदी गरजेचा! त्यांनी प्रकाशित केलेले तोत्तोचान हे आवडत्या पुस्तकांच्या यादीत आहे.

कुमाऊ च्या जंगलात नरभक्षक वाघ अशा प्रकारची दोन तीन पुस्तक वाचली होती जिम कॉर्बेट ची अनुवादित , आवडली होती तेव्हा
विजय देवधर किंवा रवींद्र गुर्जर यांनी अनुवाद केलेली.

bdw , या दोघांनी इतक्या कादंबऱ्यांचे अनुवाद केले आहेत कि माझा कायम गोंधळ होतो.

'सत्तर दिवस' या पुस्तकाची पण एक क्रेझ होती. डायरी ऑफ आन फ्रॅंक, नॉट विदाऊट माय डॉटर पण अनुवादित वाचल होतं.

तोत्तोचान

कविता महाजनांनी संपादित केलेल्या 'भारतीय लेखिका' मालेतली पुस्तकं.
त्यातलं आत्ता पटकन आठवलेलं म्हणजे तमीळ लेखिका अंबई यांच्या कथांचं सविता दामले यांनी अनुवाद केलेलं 'तुटलेले पंख'. मध्ये 'द ग्रेट इंडियन किचन' हा सिनेमा पाहताना त्यातल्या 'घराच्या कोपऱ्यातलं स्वयंपाकघर' कथेची फारच प्रकर्षानं आठवण आली होती.

पाचपाटील, सॉलिड लिस्ट आहे!

रावण आणि एडी, दि एक्स्ट्राज- किरण नगरकर
(अनु. रेखा सबनीस)>>>>> २ महिन्यांपूर्वी हे पुस्तक वाचले. आशय कळे कळेपर्यंत शेवट हातातून निसटला. या पुस्तकाचे परीक्षण कराल का?

गौरी देशपांडे ह्यांनी अरेबिअन नाइट चा अनुवाद केला आहे. तो कसा आहे माहीत नाही.

पाडस दॅट बुक विल गो विथ मी टू माय ग्रेव्ह इट इज सो क्लोज टु माय सोल. हे मला मराठीत कसे लिहावे कळले नाही.

चौघी जणी हवे असले तर संपर्क करा मी तुम्हाला कुरीअर करेन स्वखर्चाने. आहे माझ्याकडे.

चांगला आहे अनुवाद फक्त अ‍ॅमीच्या मैत्रीणी येतात तेव्हा एक खेकडा आणलेला तो अर्धा कच्चा हिरवाच असतो असे लिहि ले आहे ते जाम फनी.

पुलंनी केलेले एका कोळियाने हे ओल्ड मॅन अँड सी चे रुपांतर.
>>>> https://www.maayboli.com/node/73602

'मी सायुरी ' (मेमॉयर्स ऑफ अ गैशा.) कुणी वाचलं आहे का..?
एक वेगळा देश, वेगळी रहाणी आणि वेगळा कालखंड अनुभवायला मिळतो.

ई. आर. ब्रेथवेट यांचं, 'टु सर, विथ लव्ह' हे लीना सोहोनी यांनी अनुवाद केलेलं पुस्तकही छान आहे..

मेमॉयर्स ऑफ अ गैशा>> हा चित्रपट बघितला आहे मी. दुसऱ्या महायुद्धाच्या आधी आणि नंतरचा काळ आहे तीच जपानमधल्या गेयशाची कथा ना? मराठीत असं अनुवादित पुस्तक आहे हे माहिती नव्हतं मला.

हो, मी सायुरी नावाने आहे.
मला वाटतं, सुनंदा अमरापूरकरांनी अनुवाद केला आहे.

"अकुपार (गुजराथी) : ध्रुव भट, अनुवाद : अंजनी नरवणे">>>> ध्रुव भट यांची तत्वमसी ( अनुवाद : अंजली नरवणे) ही कादंबरी खूप आवडली होती.

निनाद, हेच लिहायला आलो होतो..
अकुपार बद्दल वर लिहिलं आहे.
यात त्यांची सागरतीरी, अनुवाद अंजनी नरवणे आणि
तिमीरपंथी, अनुवाद सुषमा शाळिग्राम ह्या ही पहा.

सुसान डंकन यांचं 'साल्व्हेशन क्रीक', अनुवाद वसु भगत हे ही अतिशय छान पुस्तक..

"सागरतीरी, अनुवाद अंजनी नरवणे आणि
तिमीरपंथी, अनुवाद सुषमा शाळिग्राम ह्या ही पहा. ">>> धन्यवाद! नक्की बघतो.

परतुनी ये घनश्याम हे मूळ गुजरातीतलं दिनकर जोषी यांचं, स्मिता भागवत यांनी मराठी अनुवाद केलेलं पुस्तक मला आवडलं होतं. श्रीकृष्णाच्या मृत्यूनंतर त्याच्याबद्दलच्या इतरांच्या भावना व्यक्त केलेल्या आहेत. 'पर्व' वाचल्यावर मला हे असं भावुक वाचायला आवडेल की नाही अशी शंका होती, पण आवडलं!!

शांता शेळकेंचं चौघीजणी अनुवाद छान जमला आहे. मूळ पुस्तकात कविता आहेत त्यांचेही भाषांतर सुरेख झाले आहे. Under the Garret कवितेचे भाषांतर सर्वात आवडले!
शांताबाईंनी अन्थोनी होपच्या Prisoner of Zenda आणि Rupert of Hentzau चे अस्सल मराठी कोल्हापुरी साज चढवून मस्त रुपांतर केले आहे. पैकी पहिल्या पुस्तकाचे मराठी नाव आता पटकन आठवत नाही ...xxxचा कैदी.. आणि दुसर्‍या पुस्तकाचे गाठ पडली ठका ठका.
मी दोन्ही पुस्तके लहानपणी वाचली होती. आता कुठे मिळतात का, प्रकाशित होत आहेत का हे माहिती नाही.

Hans Anderson च्या परीकथा हे सुमती पायगावकरांचे पुस्तक ४-५ वर्षांपूर्वी अत्रे सभागृहात प्रदर्शनात दिसले आणि मी विकत घेतले मूळ १२-१३ छोटे भाग आहेत, त्यातले ७-८ च उपलब्ध होते. पण दुधाची तहान ताकावर!

भारा भागवतांची ज्युल व्हर्न ची भाषांतरे हल्ली सहजासहजी उपलब्ध नाहीत

<<त्यातलं सगळंच्या सगळं आठवत नाहीये आत्ता, पण फक्त कृष्णवर्णीय असल्यामुळे त्या शिक्षकाचा जो छळवाद मांडलेला आहे त्यात, आणि तरीही ते काहीही मनाला लावून न घेता, तो त्याच्या सगळ्या विद्यार्थ्यांप्रती, त्यांच्या पालकांप्रती एवढ्या आत्मीयतेनं वागत राहतो..!
ते संपता संपता मी कधी नाही ते सेंटीमेंटल झालो होतो, हे आठवतंय.. अंतर्बाह्य निर्मळ मनाचा आणि पॅशनेट शिक्षक..!!>>

कृष्णवर्णीय ही एक गोष्ट पण त्याचबरोबर त्या शाळेतल्या विद्यार्थ्यांची कौटुंबिक पार्श्वभूमी हा ही एक विरोधाचा भाग आहे.

त्यातला, त्या विद्यार्थ्यांना म्युझियमला घेऊन जाण्याचा प्रसंगही खूप छान आहे.

चौघीजणी माझंही आवडतं. रविंद्र गुर्जर यांचे युद्धस्य कथा, सत्तर दिवस , हे माझेही आवडते.
पँपिलॉनही आवडायचं पण लेखक विसरले.
द अल्केमिस्ट पाउलो कोएलो
अनु. नितीन कोतापल्ली
एक होता कार्व्हर अनु. वीणा गवाणकर
अतिशय सुंदर पुस्तक आहे. The man who talks with the flowers , दोन्ही वाचलीत. मुलांसाठी फार छान आहे.
अंतरीचा मागोवा (Know thy self अनु. म.ना.झोळ)
अतिशय क्लिष्ट आहे पण अप्रतिम आहे.
'शांताराम' हे एक. हे वर आलयं.
यादीसाठी आभार. निवडक दहा मध्ये टाकून ठेवते. पुस्तकाच्या दुकानात भांबावल्यासारखे होते. उपयोग होईल.

@श्रद्धा Thanks,
मला चौघीजणी म्हणायचं होतं. टंग स्लिपली ;-),
@वावे, अज्ञातवासी यांनी काढलेला धागा होता आणि आपण दोघींनी तिथेही 'चौघीजणी' चे गोडवे गायले

एक होता कार्व्हर अनुवाद आहे का?
नेहमीच्या पुस्तकांची नावं येऊ लागल्याने धागा नेहमीचा होऊ घातलाय‌

मी सायुरी ' (मेमॉयर्स ऑफ अ गैशा.) कुणी वाचलं आहे का..?.... हो वाचलय ! तुम्ही म्हणल्याप्रमाणे वेगळा देश, रहाणी अनुभवायला मिळाली.

Pachpatil,मी वाचलेले रावण आणि एडी " हेच होते.

भरत. , अनुवाद नाहीये बहुतेक पण प्रेरित आहे असं त्याच पुस्तकाच्या प्रस्तावनेत लिहिले आहे. तुमचं बरोबर आहे.
प्रेरणा व ज्यातून माहिती मिळवली ती पुस्तके ही...
1.Reckham Holt चं George W Carver
2. G Clark चं The man who talks with the flowers.

पॅपिलाॅन : हेन्री शॅरिअर.

होय अस्मिता

, @भरत, दुरूस्त केलयं.
धन्यवाद निरू.

मदुराई ते उझबेकिस्तान
१० ठिकाणांचे हटके अनुभवकथन
लेखक: श्रीनाथ पेरूर अनुवाद: उल्का राऊत

रावण आणि एडी हे सुरूवातीला खूप इन्टरेस्टिंग वाटले पण साधारण २/३ वाचल्यावर कंटाळा येउन सोडून दिले.