पानकोबी हेटर्स क्लब

होय स्वाती ती तर क्लासिक रेसिपी आहे.

ही एक रेसिपी पण बघा, बिना पिठाचे कोबी मोमो(अर्थात ताजी खावी लागेल)
अजून बनवून पाहिली नाहीये
https://youtube.com/shorts/hTdilJK7U00?feature=shared

आम्ही कोबी म्हणतो त्यामुळे आधी मी पानकोबी न वाचता default mode मध्ये जाऊन पानकोंबडी वाचलं म्हणलं असं का लिहिलंय, पाणकोंबडी असत ते आणि पाणकोंबडी ने काय कुणाचं घोड मारलं असेल की तिच्या नावाने Hater's club काढावा वाटतोय कुणाला. मग नीट वाचलं
About कोबी ओल खोबरं,मिरची घालून वाफेवर शिजवलेली भाजी आवडते. आणि पराठे पण आवडतात.

चवीचं फार देणेघेणे न ठेवता कीमची अध्येमध्ये खाणे आरोग्यास फार उपयुक्त ठरलेले आहे.

कीमची साठी वेगळा, नापा कोबी वापरतात बहुतेक.

कोबी आवडणारा, न आवडणारा नाही.भाजीसाठी एक पर्याय म्हणून चालसे गटातला आहे.हिंग,मोहोरी हि. मि.घालून केले कोबीची भाजी आवडते.हो त्यात भिजवलेली चणा डाळ हवीच.

कोबीच्या वड्या एकेकाळी आवडीच्या होत्या.आता कोणी करून दिल्या तर खाईन.

जाई, कोबीच्या वड्या मी ओवनमधे करते.
साधारण ३ कप जाडसर कोबी किसाला, १ कप बारीक चिरलेला कांदा आणि एक ते सव्वा कप डाळीचे पीठ. मावे सेफ झाकण वाल्या काचेच्या भांड्यात कांदा, कोबी, धणे-जिरे पावडर, हळद, तिखट, मीठ, मालवणी/कायस्थी मसाला असे एकत्र करते फोर्कने एकत्र करुन घेते. त्यावर जरा सढळ हाताने तेल घेवून केलेली फोडणी घालते आणि मावेत २ मिनीटे वाफ काढते. बाहेर काढून त्यात डाळीचे पीठ, १ टे. स्पून तीळ, २ मोठे चमचे दही, १/४ टी स्पून सोडा घालून कालवते. गरज वाटल्यास एक -एक चमचा पाणी घालत भांड्यात मिश्रण थापता येइल असे करुन घेते. चव घेवून मीठ-मसाले अ‍ॅडजस्ट करते. ओवन ३५० फॅ. ला प्रीहीट करते. काचेच्या चौकोनी भांड्याला तेल लावून त्यात वड्यांचे मिश्रण घालून ओवनमधे बेक करते.
स्टार्टर म्हणून केला जाणारा अजून एक प्रकार म्हणजे कोबीच्या मुठीया. ओवन आणि जोडीला किचन तापवायचे नसते तेव्हा मी कोबीच्या वड्यां ऐवजी मुठीया करते.

>>कीमची साठी वेगळा, नापा कोबी वापरतात बहुतेक.>> हो. रुम टेंपला ठेवून फरमेंट करतात त्या किमचीसाठी नापा वापरतात. फ्रीजमधे ठेवून लगेच खायची किमची असते ती कोबीची करतात.

कोबीची भाजी खूपच आवडते. पण ती सुद्धा हिंग, हळद, मोहरी, हि. मिरच्या आणि चणाडाळ, कढिपत्ता फोडणीत घालून आणि मग गूळ आणि कोथिंबीर. बाकी काही मसाला आवडत नाही.
मध्यंतरी एका मैत्रिणीने कोबीच्या वड्या अशा केल्या होत्या. सोप्प्या वाटल्या.
कोबी बारीक चिरुन्/किसून घेऊन त्यात बारीक चिरलेला कांदा, मिरच्या+आलं+लसूण असा ठेचा, धणे जिरं पूड, कोथिंबिर, मीठ वगैरे घालून मिक्स करुन त्यात डाळीचं पीठ आणि पाणी घालून भज्यांच्यान्पीठासारखं मिक्स करुन तव्यावर शॅलो फ्राय करायचं.

>>>गूळ आणि कोथिंबीर.
मी आतापर्यंत साखरच घातलेली आहे कोबीत. गूळ घालून बघेन.

दुकाटाआ

थँक्स स्वातीताई

मी मुलं कोबीची भाजी खात नसत म्हणून चक्क वरुन अंड फेटून घालून भुर्जी सारखी बनवायचे... मग पटापट संपते... प्रयोग करून पहा.

थँक्स स्वातीताई +१
करून बघेन.

अंड फेटून घालून भुर्जी मी पण सारखी बनवते. तेल जरा जास्त व झणझणीत करते, छान लागतं.

माझ्या(म्हणजे मी फक्त पाठवलेल्या) ग्लुटेनलेस मोमो रेसिपी ला(ज्यात कोबीचे उकडलेले पान मोमो चे आवरण म्हणून वापरले आहे) त्याला सर्वांनी अनुल्लेखाने मारले आहे.का बरं?

कारण इथे कोणी ग्लुटेन हेटर्स नाहीयेत

कोबीची सायोने लिहिली आहे तशी भाजी आवडते, पीठ पेरून परतलेली भाजी आवडते, कच्च्या कोबीत मीठ+मिरची+साखर+कूट/खोबरं+लिंबूरस+फोडणी अशी पचडी तर भारीच आवडते.
फ्राइड राइस, नूडल्स, लेमन कोरिॲन्डरसारखी सूप्स वगैरेतही कोबी आवडतो.
न आवडण्यासारखं आहेच काय त्यात म्हणते मी!

न आवडण्यासारखं आहेच काय त्यात म्हणते मी!>>शिजत असताना येणारा भयंकर वास

मेसमधे तर दर शुक्रवारी पाणीदार पचपचीत भाजी असायची म्हणून मी शुक्रवार उपास करायला सुरुवात केली होती
ती कोबीबद्दलची चीड घालवायला मला 5 वर्षं लागली!!
आता पुन्हा खाते आवडीने.

स्वाती..
कोबी अजिबात आवडत नाही.
अगदी उग्र, कसातरी वास असतो .
कुठलेतरी व्यंजन पाहिजे कोबी सोबत.. बटाटा - मटार, डाळी चे पीठ अथवा नारळ.
भाजी डब्यात नेली आणि डबा उघडला की सगळ्या ऑफिसला कळते...!!!!
अगदी पहिल्या वाफेची, ताजी, गरम फुलक्यांबरोबर कधीतरी छान वाटते..पण तशी खायचा योग येत नाही!!!!
चायनीज मध्ये छान वाटते मात्र...अर्धिकच्ची, क्रिस्प!
आणि श्रावणात कांद्याची रीप्लेसमेंट म्हणून भज्यांत !

किमची कशी करतात? Probiotic म्हणून चांगली असते असे ऐकले आहे.

एकदाच केली होती ती भयानक चव व वासाची झाली. चक्क फेकून दिली होती.

हा धागा अचानक वर आला आणि कोबी हेटर्स ऐवजी कोबी आवडेश कमेंट यायला लागल्यात!!
लगे हाथ मी पण हात धुऊन ..आपलं .. भजी तळून घेते.
२ मोठे कांदे उभे उभे व पातळ चिरून घ्यायचे, कांद्याहून जास्त होईल इतका कोबी चिरून घ्यायचा .. कांद्याच्या चिरलेल्या सारखाच असाच लांब लांब
मग नेहेमीप्रमाणे मीठ , मिरची , हळद (अजून काय तुम्ही घालत असाल मसाला तर तो ) घालून
कांदाभजीला जसे पीठ भिजवतो तसेच पाण्याचा एकही थेम्ब न घालता पीठ भिजवायचे, व कांदाभजी तळतो तसेच तळायचे!
same to same कांदा भजी सारखी लागते.. सांगितल्याशिवाय कळत नाही कि कोबी घातला आहे!!

कुठलेतरी व्यंजन पाहिजे कोबी सोबत.. बटाटा - मटार, डाळी चे पीठ अथवा नारळ.>> yes खरंय, माझ्या सासूबाई कांदा उभा उभा चिरून फोडणीत घालतात व त्यावर कोबी .. वेगळीच लागते भाजी तशी.
खरेतर किती गुणी आहे बिचारा कोबी..मला वाटतंय सगळ्या देशात available असावा! इथे तरी १२-१५ दिवसातून एकदा ही भाजी हमखास करावीच लागते!!

फ्राईड राईस, व्हेज मोमो, नूडल्स अशा इंडो चायनिज प्रकारांपासून कोबी आवडतो.
गोभी मंचुरियन पासून फुलकोबी चा तोंपासू आयटम बनतो, हे कळाले.

निवडक १०.

निवडक १०. >>>

मानव पृथ्वी सोडायचा विचार करू लागले असतील.

माधव

नाम नामेति नामेति धाग्या सारखे झालंय ह्या धाग्याचेही. सोचा कूछ हुआ कूछ सगळा मोहोल कोबी फॅन क्लब झालाय.
--------
किमची कशी करतात? Probiotic म्हणून चांगली असते असे ऐकले आहे. >> हो..अगदी खरेच आहे हे. आणि त्यासाठी योगर्ट केफिर पेक्षा खूप सोप्पा स्वस्त उपाय आहे सर्व सामान्यांसाठी.

एकदाच केली होती ती भयानक चव व वासाची झाली. चक्क फेकून दिली होती. >>चवीची अगदीच कुर्बानी देण्यापेक्षा थोडी मिरपूड टाकून जुगाड करतो आम्ही.

चवीची अगदीच कुर्बानी देण्यापेक्षा थोडी मिरपूड टाकून जुगाड करतो आम्ही.>>> शक्य असेल तर रेसिपी द्या ना.

फोटोच ईतका मस्त लावला आहे की हेटर पण लवर्स झालेत