पानकोबी हेटर्स क्लब

शिमगा मिरची तसंच राहू देणारे

अस्मिता

मीही नावडते पदार्थ आधी खाते, नंतर आवडते.

माझी कल्पनाशक्ती भराऱ्या मारतेयं ....
कोबीडे लोकं उद्यापासून कोबी बंद म्हणजे बंद म्हणून पुन्हा सकाळी पिशवी घेऊन दोन गड्डे घेऊन येतील.

शिमगा मिरची तिचे भाव कधीही कडाडत नाहीत. १० वर्षापूर्वी ज्या भावात मिळायची त्याच आसपास भाव आजही असतो. ताटात शिमला मिरची वारंवार दिसल्यावरच इकॉनॉमिस्ट लोक इन्फ्लेशन इ चर्चा करायला घेत असावेत. कुणी कुणी स्टफ्ड शिमगा करतात. मग ते जे काय स्टफ्ड असतं ते आधी ताटात ओतायचं किंवा चीझ-बीज सारखं चिपकू असेल तर चमच्याने ओरबाडायच. मग शिमगा मिरची आधी खायची ... आणि ढोबळी झाले तर झाले म्हणत आतलं स्टफ्ड जे काही असेल ते खायचं... असं नाही केलं तर आतलं चमचमीत बटाटा/नारळ्/भात-चीझ इ जे काही असेल ते खाऊन झाल्यावर ती वाफवलेली मिरची गळ्याखाली जात नाही... नुसतं "स्टफींग" का नाही करत/वाढत?

एरवी शिमला मिरची आवडते. नारळ इ घालून छान होते भाजी.

नुसतं "स्टफींग" का नाही करत/वाढत?
त्याला चटणी/सॉस म्हणतात, शिमगा कसा साजरा होणार आणि
आज माझ्याकडे शिमला मिरची -बटाटा होता.

नुसतं "स्टफींग" का नाही करत/वाढत? >> हा एक आदिम सवाल आहे. ज्ञानदेवांनी मुक्ताईला विचारल्यावर पाठी चांगलीच शेकून मिळालेली अशी एक कथा आहे म्हणे. माझा आईशप्पथ विश्वास आहे.

करेक्ट आहे नाहीतर पसायदान कशाला लिहीलं असतं... अख्खा अमृतानुभव लिहूनही स्टफींग वाढत नाही म्हणजे काय?!!!

जो जें वांच्छील तो तें लाहो ... अशी फलश्रुती उगाच का आहे!

मला जनरलच आग्रह करून करून वाढणाऱ्यांचा वैताग येतो. मला स्वतःला अग्रह करता येत नाही अजिबात.....+१.

लिंक मी बधीर मनाने पाहिली...

ऋन्मेषला कीटकनाशकांचा विथड्रॉल सिम्प्टम म्हणायचं असणार.

>> शिमगा मिरची

नका हो. त्यापेक्षा ती एक जगातली सर्वात तिखटवाली मिरची आहे तिचे नाव शिमगा ठेवायला हरकत नाही. ती शिमला तर हि शिमगा. अध्येमध्ये आहेतच लवंगी, कोल्हापुरी, ब्याडगी इत्यादी.

बादवे, कीटकनाशकांच्या उल्लेखामुळे आता खरा पानकोबी हेटर्स क्लब सुरु झाला असे म्हणायला हरकत नसावी.

ऋन्मेषला कीटकनाशकांचा विथड्रॉल सिम्प्टम म्हणायचं असणार.
>>>>
हो मला तेच म्हणायचे होते. पण चार लोक हसताहेत तर कश्याला रंग मे भंग करावे

ब्याळगी मिरची अजिबात तिखट नसते. पण ती पदार्थाला लाल रंग देते आणि त्यामुळे भूक चाळवली जाते. पूर्वी ब्याळगी रंगासाठी आणि संकेश्वरी तिखटपणासाठी असे मिश्रण करून मिरचीपूड करून ठेवीत.
जा. जा. : पूर्वी संकेश्वरी मिरची महाग असे. आणि ब्याळगी स्वस्त. आता उलट झाले आहे.

हीरा, आम्ही अजूनही संकेश्वरी अन ब्याडगी मिरची एकत्र दळतो अन त्यात कोल्हापुरी मसाला मिसळतो.
सुंदर रंग , ठसकेदार अन अत्युत्तम चवीचे तिखट बनते, वरून वेगळा मसाला न घालता जेवण रुचकर लागते.

हो अतुल , भूत झलोकिया बद्द्ल ऐकलयं. तिला खरंच शिमगा मिरची म्हणता येईल.

तशी मिर्ची कोणी खायला घातली कि शिमगा सुरू

कोबीचे चायनीज कॅबेज, बोक चोई हे भाऊबंद चिनी डिशेस मध्ये भारी लागतात. बाळ कोबी उर्फ Brussels sprouts एरवी बेचव असले तरी ग्रिल केल्यावर मस्तच लागतात. लो कॅलरी असल्याने कोबीचं जेवणात प्रमाण वाढवायचा प्रयत्न करत आहे.
हे सॉसेज अँड कॅबेज-

आजच कोबी पराठे केले आणि हा लेख समोर आला..

आवडती भाजी कारण शिरायला आणि करायला अतिशय सोपी..

पिवळी, बटाटा, मटार, गजर जे मिळेल ते घालून ही भाजी करता येते. पटकन होते.
गाजर, कांदा, सिमला मिरची घालून चायनीज सारखी ही करता येते, ती मुलांना डब्यात रोल करू द्यायला सोपी पडते.
ग्रानिशिनग, सिझलर, सलाड, सगल्यातला कोबी आवडतो, फक्त कोबीची कोशिंबीर सोडून.
कोबीच्या vadyahi छान लागतात

Not anti- pankobi at all

कोबी साधी भाजी आवडत नाही.पण आलं, लसूण, कांदा टोमॅटो गाजर घालून थोडा चिंगस शेझवान चटणी मसाला घालून चायनीज भाजी आवडते.

पानकोबी हेटर नाही पण पानकोबी पाणी टाकून शिजत असतांना एक विचित्र घाण वास येतो, तो असह्य होतो.

उपाय - फक्त तेलावर परतून केलेला कोणताही पानकोबीयुक्त पदार्थ

पानकोबीची भाजी चालवून घेते ( न घेऊन सांगते कुणाला? दररोज काय भाजी करायची या न संपणाऱ्या प्रश्नाचे एक उत्तर का कमी करू? भाजीत आले, कढीपत्ता, (सीझनला मटार) मस्ट.) एक एमपीची मैत्रीण डब्यात टोमॅटो, धणे-जिरे पावडर घातलेली भाजी आणायची ती आवडायची. पण तिच्या पद्धतीने करूनही माझ्या हाताला ती चव आली नाही. भानोले घरात आवडले होते. पण त्याचा खटाटोप फार आहे. (सीझनला सम प्रमाणात गाजर,) भरपूर ओले खोबरे वगैरे घातलेली पचडी फार आवडते. किमची आवडते. स्प्रिंग रोल्स आवडतात.

बाकी कोबीचा कलाकंद, खीर, लसणीची खीर ई. करणाऱ्यांच्या धाडसाला मी लाल सलाम करते आणि मी तेवढी धाडसी /हौशी नाही हे जाहीर करते.

कोबीचा विथड्रॉल सिम्प्टम >>>>

लग्नाच्या अगदी सुरुवातीला मी, कोबीत पेरु घातलेला होता. का तर दोन्हीत सी व्हायटॅमिन असतं म्हणुन. याईक्स!!!

पूर्वी कोबी अजिबात आवडायची नाही. हल्ली डाळ घालून आवडते, थोडा कोल्हापुरी कांदालसुण मसाला घातला की उग्रपणापण जातो. नुसती कच्ची कोबी, कोशिंबीर, कोबीचं थालिपीठ इ. आवडतं.
हेटर्स क्लब मध्ये काय आवडतं लिहुन माबोपणा सिद्ध केला आहे.

पॉर्नकोबी वाचलं.

पॉर्नकोबी

मला हिंग-मोहरी-मिरचीच्यांची फोडणी देवून नुसत्या वाफेवर शिजवलेली कोबीची भाजी आवडते. भाजी शिजत आली की हळद आणि मीठ.
कोबी, गाजर आणि सफरचंद सॅलड, कोबी-गाजर कोशिंबीर, कोबीच्या वड्या-थालीपीठ बरेचदा केले जाते. कोबीची भजी आणि कोलस्लॉ सगळ्यात जास्त आवडते प्रकार पण ते कधीतरीच खाता येतात. घरी केलेला सॉवरक्रॉट आवडतो. किमची आवडते पण आजकाल तिखट सोसत नाही.

केल्याकेल्या , वाफ ताजी असता खाल्ली तरच चांगली लागते. नंतर सरळ भाजणी , कांदा घालुन थालिपीठे लावावीत.

स्वातीताई , कोबीच्या वड्यांची रेसिपी लिही ना !