भारतात, परतावे अथवा नाही?

इतकी वर्षे अमेरिकेत घालवल्यावर भारतात ( त्यातून पुण्यात) परतू नये अशा मताचा मी आहे > +१
भारतातली व्यवस्था प्रामाणिक माणसाला नाडणारी आहे > +१

परत आलेला माणूस पुण्यात निश्चित रमू शकतो ...इथल्या वास्तू , मित्र मंडळ आणि गोतावळा , आठवणी... इथे असल्मुयामुळे.
१७५ दिवस राहून परत तिकडे जायचं

माझा मित्र आहे..५५ ला रिटायरमेंट घेतली..सप्टेंबर ते फेब्रुवारी इथे आणि मग परत कँलिफोर्नियाला जातो
जीवनाचा पुरेपूर आनंद घेतो.

>>इतकी वर्षे अमेरिकेत घालवल्यावर भारतात ( त्यातून पुण्यात) परतू नये अशा मताचा मी आहे.

+1

अमेरिकेत मन न रमायची कारणे काय? ट्रम्प हरल्याने उद्विग्नता आली आहे का?
भारतात नक्की कशाची ओढ वाटतेय?
भारतात आल्यावर नोकरी करायची खरंच गरज आहे का? की अजून दोन वर्षात लाखभर डॉलर साठवून इथे येता येईल?
नवरा/मुलगी यांच्या मनाविरुद्ध इथे एकटीने राहण्याइतपत प्रबळ कारण आहे का?
अमेरिकेतील जीवनशैलीनुसार तुमची मुलगी लवकरच वेगळी राहण्याची शक्यता आहे. मग empty nest syndrome ला हाताळण्यासाठी तुम्ही हा विचार करता आहात का?

माझ्या मते तुम्हाला मिडलाईफ क्रायसिस भेडसावत असावा. या शक्यतेचा विचार करून निर्णय घ्या.

व्यत्यय+१

परतावं वाटत असेल तर नक्की परता. पण पहिला टेस्ट पिरियड हे तर योग्यच म्हणायचे. १-२ महिने राहून पुढचे ठरवा.

बाकी अमेरिकेच्या मानाने बरेच मायनर डिस्कम्फर्ट आहेत, पण माझ्या मते ते पूर्ण मायनर आणि मानसिक आहेत. मध्यमवर्गीय (रादर उच्च मध्यमवर्गीय, अंदाज. चुभुद्याघ्या.) व्यक्ती इथेही चांगले जीवन नक्की जगू शकतो, मायनर गोष्टी सोडून.

भारताबाहेर कधीही गेलो नसलो तरी भारतात आनंदाने जगतो आहे म्हणून हे सांगतोय.

१ बीएचके १.२ लाख.>२ बीएचके १.५ लाख.>> कुठे ? मी आजच घेवुन टाकतो >>> अर्र, अस झाल व्हय. लाख नाही, कोटी, कोटी.

व्यत्यय, + १
माझी एक मै कॅलिफोर्नियात असते. ती मुलगा पाच व मुलगी एक वर्षाची असताना तिकडे गेले. नवऱयाने नोकरी सोडून व्यवसाय सुरू खूप चांगला सुरुये. मुलीने पोस्ट केल्यावर न्युयाॅर्कला नोकरी केली. अन् काय डोक्यात आलं माहिती नाही टीच फाॅर इंडियाला अप्लाय केलं. निवड झाली. जाॅईन झाली पुण्यात..... आईवडिलांनाच काय इतरांनाही वाटलं धक्के बसतील अन् येईल परत. पण तसं झालं नाही. दोन वर्षे पूर्ण केल्यावर आकांक्षा जाॅईन केलंय तिच्याच क्षेत्रातल्या मुला बरोबर लग्न झालं. ह्या २६ ला लग्नाला वर्ष पूर्ण होईल. खूप खुश आहे. इतकी फोकस्ड मुलगी पाहिली नाही. आता आईला परतावंसं वाटू लागलंय. मुलगा व नवरा पूर्ण अमेरिकन झालेत, असं ती म्हणते. तिलाही साधना/अजातवासींनी सल्ला दिला तोच सल्ला दिला. तर तुमचा फोकस काय त्यानुसार निर्णय घ्या.

साधना ह्यांना big अनुमोदन +111
माझे नाव घेतल्याबद्दल धन्यवाद, अमेरिकेचा अजिबात अनुभव नाही.
इथे येऊन तुम्ही job करणार त्या बद्दल मला तरी फार भारी feeling येत नाही आहे, (manual टेस्टिंग आणि तुमचे package).
पुण्यात छान वाटेलच ह्याबद्दल शंका नाही. स्वतःच्या इच्छेने येत आहात तर comfortable असणार.
तुम्ही उल्लेख केलेल्या area मध्ये घर हा विचार खिशाच्या बाहेर असल्याने काही कल्पना नाही. पण it मध्ये काम करणार असाल आणि हिंजवडी किंवा मगरपट्टा ला कंपनी असेल (wfo case) असेल तर traffic आणि बेशिस्तीमुळे boar होईल, वैताग येईल तुम्हाला.
बाहेर कुठेतरी कंपनी जवळ(pcmc, किंवा दूरचे भाग) राहणार असाल तर टिपीकल पुण्यात राहतो आहोत ही feeling येणार नाही.
अर्थात wfh असेल तर no issues

एकदा प्रायोगिक तत्वावर येथे राहून पाहावे मग अंतिम निर्णय घ्यावा असे वाटते.
......
(असंही पुण्यात आता किल्ली नाही, काय करणार येऊन )

सगळं वाचलं नाही अजून पण साधना प्रतिसाद पटला. सहा महिने येऊन राहून बघा, अंदाज घ्या. एकदम निर्णय घेऊ नका.

सामो, काही दिवस भारतात सुटीवर(wfhअसेल तर तोही प्रश्न सुटला) राहून पहाच.निदान सध्या दोलायमान झालेली मनस्थिती निवळेल.बाबांच्या सहवासाचे क्षण आनंद देऊन जातील.

रच्याकने, वय झाले वगैरे विसर.असं काही वय झालेले नाही.

सामो, सिरियसली पैसे कमावण्यासाठी जॉब चालू आहे की जॉबमधून मिळणारे उत्पन्न हे dispensable आहे? (प्रश्नाचे उत्तर स्वतःपुरते असू द्या.) हा मुद्दा अशासाठी मांडला की मला वाटतं की तुम्ही सरळ तुमचा विचार कृतीत आणा! पुण्यात तुम्हाला आवडणाऱ्या एरीआत एक फ्लॅट भाड्याने घ्या. अमेरिकेतल्या नोकरीला बाय बाय करा किंवा दीर्घ काळ रजा घ्या आणि इथे रहायला या! सगळ्यात महत्वाचे काय असते तर regrets शिवाय आयुष्य! तुम्ही कितीही विचारविमर्श करून निर्णय घेतलात तरी थोडीशी रिस्क असणारच आहे. आत्ता याक्षणी जी परिस्थिती आहे तीच बेस्ट परिस्थिती आहे असा विचार करा आणि प्रयोग करून बघा. कारण उद्या जर परिस्थिती बदलली आणि भारतात/पुण्यात येऊन राहणं अशक्य होऊन बसलं तर तुम्हाला खंत करणे हाच पर्याय उरेल. अर्थात हे तेव्हाच शक्य आहे जर तुमचे सध्याचे उत्पन्न dispensable असेल. नवरा आणि मुलगी अशा थोड्या काळासाठीच्या प्रयोगाला तयार होतील का?

सामो, मी तरी या बाबतीत काहीच मत देऊ शकत नाही.
प्रायोगिक तत्वावर इथे येऊन एकटे राहण्यापेक्षा आधी तिथेच आहे ती नोकरी सुरू ठेऊन एकट्या वेगळे राहून पहा तीन चार महिने. अथवा इथे एकट्या न रहाता बाबांंसोबत रहाणार असाल, तर तिथे बाबांना बोलावून (ते तयार असल्यास) त्यांच्या सोबत वेगळे राहून पहा. म्हणजे तुम्ही नवरा मुलगी शिवाय राहू शकाल का / बाबांसोबत राहू शकाल का याचा अंदाज येईल, मग इथे सुट्टी घेऊन महिना दोन महिना राहून पहा आणि पुढचा निर्णय घ्या.

मी २०१२ मध्ये ८ वर्षांनंतर अमेरिकेमधून भारतात परतलो. आता जवळपास ८+ वर्षे झाली त्याला. माझ्या नशीबाने माझ्या हाती नोकरी होती जी २०१४ ला सोडून स्वःताचा व्यवसाय सुरू केला.
सुरूवातीची दोन एक वर्षे गर्दी, प्रदूषण, सरकारी खाबूगिरी, ऑफिस मधील कामाच्या वेळेत टाईमपास करून रात्री उशीरापर्यण्त थांबून मी कसा hardwork करतो असे दाखवणारी जनता याच्याशी जुळवून घेताना त्रास झाला. अगदी बर्‍याच वेळा अमेरिकाच बरी होती, परत जाऊया इतपत वाटण्याजोगा त्रास झाला.
पण आता सवय झालीय. वेळ घालवला कि तो त्रास कमी होतो हा स्वःनुभव आहे. जुने मित्रमैत्रिणी तुमच्यासाठी पूर्वीप्रमाणे वेळ काढू शकतील याची काही खात्री नाही.

तुमच्या बाबतीत बोलायचं झालं तर तुमची इकडे येऊन नोकरी शोधण्यापासून सुरूवात आहे. थोडं स्प्ष्टच सांगायचं झालं तर manual testing ला आता फारसा स्कोप नाहीय. पण तुमचा अनुभव लक्षात घेता नोकरी मिळण्यासाठी फारशी अडचण येणार नाही.
२००३ पासून राहूनही तिकडे मन रमलं नाही आणि एकटे यायला मन तयार होतय म्हणजे तुमची इकडची ओढ खूपच जास्त असणार. मी जे फेस केलं त्यावर तुम्ही नक्की मात कराल.

मनात विचार आलाच आहे तर कमीत कमी २ वर्षासाठी येऊन बघा. अमेरिकन नागरिकत्व लगेच surrender करू नका. २ वर्षात वा मध्ये कधी वाटलं तर परत जायला अमेरिकेचा एक दरवाजा उघडा ठेवा. लगेच घर विकत घेण्याची घाई करू नका. पुण्यात खूप लोकांनी घरं घेऊन ठेवली आहेत, त्यातल्या एका घरात भाड्याने रहा तुम्ही एकट्या राहणार म्हणजे तुम्ही तुमच्या जुन्या मित्रमैत्रिणींवर सोशली अवलंबून राहणार असाल तर तिकडे कदाचित निराशा पदरी पडू शकते. अर्थात मी तुमच्या मित्रमैत्रिणीना ओळखत नाही आणि कदाचित हे स्टेट्मेंट पूर्ण चुकीचे देखील असू शकते

मी तुमचा निर्णय समजू शकतो कारण ८ वर्षे राहून प्रोसेसिंग मधे असलेले हरित कार्ड सोडून मला परत यावसं वाटलं होतं. तुम्हाला अजून काही प्रश्न असतील तर मला विपू करून नक्की विचारू शकता

वरच्या यादीत माझं नाव बघून गंमतच वाटली.

१. फारच मोठा नकारात्मक मुद्दा म्हणजे मुलीला हवे तेव्हा न भेटता येणे. मला फारच कठीण वाटतंय ते कारण नवऱ्यापेक्षा मुलांवर प्रेम जास्त असतं आपलं अर्थात हे माझं मत आहे.
( नवरा एखादं वेळी वेळेवर जेवला नाही तर काही वाटतं नाही पण मूल जेवले नाही तर आपल्याला जेवण जात नाही)

२. सगळं तरूणपण कष्टात, तडजोड करण्यात (त्यात सांस्कृतिक, कौटुंबिक, वैयक्तिक अगदी भाषेच्या सुद्धा) गेलं , आता पुन्हा नव्या तडजोडी कराव्या लागतील, इच्छा/उत्साह आहे का...

३.काही आध्यात्मिक ओढ असेल तर वर्षाला दोन महिने येऊन
नोकरीशिवाय रहाणे जमेल/परवडेल का... (जन्मभर नोकरी केली आहे तर आता मनाला असुरक्षित वाटत नसेल तर. ) तिकडे मुलगी भावनिक/आर्थिक द्रुष्ट्या स्वावलंबी झाली की तो काळ वाढवता येईल. तू पण भावनिक द्रुष्ट्या स्वावलंबी व्हावं लागेल. यात तुझे व त्यांचे कुठलेही कष्ट येतील , शारीरिक मानसिक.

४. मुलगी/ नवरा आजारी पडले तर तुला तिकडे मन शांत ठेवता येईल का? किंवा मुलीचे काही करीयर किंवा इतर नात्यातले त्रास..... तिला समजा तुझी आठवण येणार नाही पण तुला "त्यावेळी" इथे नसणं बोचेल काय ?

५. तरूणपण आईवडिलांपासून दूर गेलं आता ते तिथे आहेत का , कारण मुलींची दुसरं कोणं वाट बघणार आहे.... तू तिथे आजारी (देव न करो) पडलीस तर भाचे/भाच्या येतील काय...
(त्यांनी तरी का म्हणून यावे , ते चांगले असतीलच पण हक्क वाटत नाही मला, मी याचा विचार केला होता)

६. लॉंग वर्किंग अवर / office politics सोसेल काय ? वयामुळे नाही नसलेल्या सवयीमुळे म्हणतेयं...

७. इथले तुला नवरा/मुलीशिवाय काय आवडते ? शुद्ध हवा, निसर्ग, कामाचे ठराविक तास.....

८.ड्रायव्हिंग इतका मोठा इश्यु नाहीयें कारण असे अपार्टमेंट बघता येईल जिथून सगळे जवळ आहे. शिवाय ओला/ उबर वगैरे आहे की....

९. तरीही तीव्र इच्छा असेल तर तू प्रायोगिक तत्वावर करावेस असे वाटते.

१०. अजून पाच/दहा वर्षांनी हाच निर्णय घेता येत असेल तर चित्र अधिक स्पष्ट असेल का, निर्णय सोपा /गोंधळ कमी होईल काय ?

११. हे एका उद्विग्न क्षणातले विचार आहेत का की महिनोंमहिने मनात घोळत असलेले विचार आहेत ?

मला स्वतःला सुद्धा परत जायचे आहे पण फक्त आध्यात्मिक कारणांसाठीच त्यामुळे मी तिथे सुद्धा नातलगांमध्ये(शहरात) रहाणारच नाही ... कुठेही आश्रमात स्वयंसेवक म्हणून रहाणार आहे. त्यासाठी धडधाकट व मिनिमलिस्ट रहाणे आवश्यक , (स्वप्नच आहे)... पुढचे पुढे..... कशाचाच बाबतीत मी फार आग्रही नसतेच त्यामुळे फार त्रास होतं नाही.

कुठेही आश्रमात स्वयंसेवक म्हणून रहाणार आहे. >> अस्मिता माझी सुद्धा हीच इच्छा आहे

जॉब हा खूपच कळीचा मुद्दा आहे असं तुम्ही म्हणत आहात तर इतर विचार करताना एकीकडे इथल्या जॉब मार्केट कडे आणि संधींकडे पण लक्ष ठेवा आणि काय शक्यता आहेत त्याचा अंदाज घ्या असं सुचवेन. तुम्ही agile मध्ये काम केलं आहे तर scrum master वगैरे रोलच्या पण requirements पाहू शकता, आवड असेल तर training च्या पर्यायाचा विचार करू शकता पण तिथे आता manual testing ला थोडे saturation आहे. Scriptless automation tools शिकू शकता जर कोडींग आवडत नसेल तर.

कुठेही आश्रमात स्वयंसेवक म्हणून रहाणार आहे. >>
माझाही म्हातारपणाचा हाच प्लॅन आहे

अरे वा , नौटंकी व अज्ञातवासी ... छान वाटले वाचून.

अध्यात्मिक कारण असेल तर काही अडचण नसावी.
अशी तळमळ असलेल्या माणसाला आवडी निवडी कमी असतात. गरजा कमी असतात. मनाविरूध्द अथवा मनासारखे झाले नाही तरीही त्यामुळे साधनेत व्यत्यय येत नसेल तर त्याचे फारसे काही बिघडत नाही. एकंदरीत असा माणूस परिस्थितीशी झटकन जुळवून घेतो.
पण या बाबत तुम्हीच तुमचे परिक्षण करणे योग्य ठरेल.

खर तर अध्यात्मिक उन्नती कुठेही होऊ शकते.
पण सत्संग व सत्गुरू मार्गदर्शन हा प्रकारच वेगळा.
असो.
_/\_

कळत नकळत तुम्ही बरीच वैयक्तिक माहिती (कौटुंबिक, सामाजिक, आर्थिक, मानसिक स्थिती) त्रयस्थ लोकांसमोर उघड लिहीत आहात. There are better and more discreet ways to brainstorm such personal dilemmas.
I would caution you against revealing any personal information on a public forum where you may not be completely anonymous.

अमेरिकेत जाणे हे सध्या तरी उच्च शिक्षित लोकांचे स्वप्न असते आणि नागरिकत्व मिळवणे हे ध्येय असते.
ह्या दोन्ही गोष्टी तुम्हाला मिळाल्या आयुष्यात जे हवं होते ते तुम्ही मिळवले असेलच.
म्हणून तुम्हाला तिथे राहण्यात आता काही चार्म वाटत नाही का?
की तेथील वातावरणात तुम्ही कधी मिसळून च गेला नाहीत.
तेथील सामाजिक आणि बाकी वातावरणात तुम्हाला comfortable वाटत नाही आणि भारताची ओढ पहिल्या पासूनच आहे पण कर्तव्य आणि करियर ह्या साठी इच्छा नसताना तिथे 18 वर्ष घालवली पण अमेरिकन झाला नाहीत.
ही सर्व कारण तुम्ही भारतात येण्या मागे आहेत का?.
कारण हे प्रश्न महत्वाचे आहेत आणि त्याच्या उत्तरात तुमचे भारतात येण्याची इच्छा किती तीव्र आहे हे माहीत पडेल.

अय्यो सामो माझे नाव लिहिलेस म्हनून माझे दोन पैसे खरंतर सर्वांनी मूद्दे छान कवर केलेत त्यामुळे माझ्याकडून नवीन सांगण्यासारखे काही नाही.
मी उलटा प्रवास केलाय. मी ५ व नवरा १० वर्षे अमेरिकेत राहून भारतात परतलो आणि आता मी परत आलेय अमेरिकेत होपफुली नवरा, मुलगा जॉईन होतील इन निअर फ्यूचर.
तुझी सध्याची नोकरी सोडून अचानक उठून तिथे रहायला जाणे मला तरी अतिशय अविचार वाटतोय.
तिथे जुळवून राहणे कठीण आहे ऑलमोस्ट बाबतीत. दोन्ही ठिकाणी राहिल्यामुळे माझ्या अनुभवावर बेस्ड हे मत आहे.
मानव यांनी लिहिल्याप्रमाणे नवरा व मुलगी यांच्याशिवाय राहू शकू का हा प्रयोग इथेच करता येईल. त्यातच तुझे उत्तर दडले आहे असे मला वाटते.

तो प्रयोग सक्सेसफुल झाला तर तुझ्या कंपनीला विनंती करुन २ महिने सबॅटिकल किंवा तिथून काम करण्याची परवानगी मिळत असली तरच पुण्यात भाड्याने जागा घेऊन राहून बघ. तिथे जागा विकत घेण्याचा आत्ता विचारही करु नकोस.
असं मला वाटतं

हायझेनबर्ग + १११....
धाग्याचा हेतू चांगला असला तरी इतकी वैयक्तिक माहिती public forum वर देऊ नये असे मलाही वाटले.

सामो आपण ब्रेनस्ट्रॉम वाचूनच आला असाल अशी खात्री आहे त्यामुळे आपणांस अनेक शुभेच्छा