पोळी चपातीची गोष्ट

सई,
कणीक मऊ करण्यासाठी आपण पाण्यात बुडवून ठेवतो. मग ग्लुटनचे प्रमाण वाढून पोळ्या मऊ होतात. तर ग्लुटन हे पचायला जड आहे असे म्हणतात तर ह्या पोळ्या ही मग पचायला जरा जड पण मऊ असतील का ? ग्लुटन बद्दल बरे वाईट ऐकून आहे म्हणून हा प्रश्न पडला.
धन्यवाद

तसा काँट्रॅव्हरशीयल विषय वाटतोय ग्लुटन.
Coeliac disease व्यतिरिक्तही ग्लुटन अनेक समस्या निर्माण करू शकते असे विल्यम डेव्हीस "Wheat Belly" या पुस्तकात लिहितात तर त्यात तथ्य नाही असे इतर तज्ज्ञ मानतात.

मला गव्हाच्या पोळीने पोटात गॅस धरणे, कधीतरी अपचन होणे असे प्रकार होतात. ज्वारी आणि बाजरी ची भाकरी खाल्यास असा त्रास होत नाही.

या धाग्यावर मऊ पोळ्यांवर खूप छान चर्चा झाली पण दशम्यांचा उल्लेख आढळला नाही. आमच्याकडे बरीच वयस्कर लोक नियमितपणे दशम्या खातात. दशमी म्हणजे दूधात भिजवलेल्या कणकेची पोळी. पचायला पोळीपेक्षा बरी आणि चावायलाही !! काहीजणं प्रवासात पण नेतात...दोन तीन दिवस टिकतात. भिजवायला पाण्यापेक्षा बरेच कमी दूध पुरते. मी मुले बेबीज असताना करायचे , कणकेत/ पोळीतले प्रोटीन आणि calcium वाढवायला. प्रोटीन पावडरपेक्षा बरा पर्याय म्हणून.
धन्यवाद

मी पण करते दशम्या! शिळ्यापण फार चविष्ट लागतात ...

आज कणिक भिजवल्यावर पाण्यात जवळपास ५० मिनीटे भिजवून ठेवली. मग पाणी पूर्ण काढून टाकले आणि थोडे कोरडे पीठ घालून मळले. मग तेलाचा हात लावून सारखी करून घेतली. मी किचन एडचा स्टँड मिक्सर वापरते. इतरवेळी पाण्यात न भिजवता भरपूर मळून घेऊन मग तेलाचा हात लावून नीट करते. त्यावेळी जी कणकेची कन्सिस्टन्सी येते, तशीच कंसीस्टन्सी पाण्यात भिजवून ठेवल्यावर आली असं वाटलं. मात्र पोळ्या लाटताना सहज मोठ्या होत होत्या. याशिवाय मोठा फरक म्हणजे कणिक अजिबात चिकट वाटली नाही आणि लाटताना पीठ जास्त लागले नाही. इतरवेळी (स्टँड मिक्सरवर जास्त वेळ मळून घेऊनही) कणिक थोडी चिकट वाटते आणि लाटताना पीठही जास्त लागते. जे कणिक भिजवण्यासाठी स्टँड मिक्सर वापरतात त्यांना कदाचित फारसा फरक जाणवणार नाही. पण पुरणपोळी किंवा कुठलाही भरून करायचा पराठा वगैरे असेल तर नक्की भिजवून ठेवून करणार. त्यामुळे पोळ्या/पराठे लाटताना फुटणार नाहीत असे वाटते.
अजून एक नोंद म्हणजे मी आशिर्वाद, सुजाता, लक्ष्मी, रॉयल या सगळ्या ब्रँडसचा शरबती आटा वापरला आहे. लक्ष्मीचा शरबती आटा सर्वात चांगला वाटला.
फोटो काढले आहेत प्रत्येक स्टेपचे पण इथे अपलोड करायचे तर किचकट काम आहे.

मी सध्या अल्मोस्ट रोजच दशम्या करते. उरलेलं दूध संपवायचा हुकमी मार्ग आहे. लिहायला हवं होतं लेखात. -- प्लीज रेसीपी सान्गा ना..

मी पण ही पद्धत वापरून पाहिली आणी बाकीच्यांनी लिहिलय तसाच अनुभव आला.
अंजली +१

मी भाकरी चॅलेन्ज्ड आहे. तर माझा प्रश्न असा आहे की भाकरी चं पीठ मळताना त्यात चमचाभर व्हीट ग्लूटेन पावडर घात्ली तर भाकरी जमतील का?

माझ्या कडे ग्लूटन पावडर का आहे असे विचारू नका. लेकीला ब्रेड फ्लार हवे होते ते मिळत नव्हते म्हणून नुसताच मैदा आणि त्यात मिसळायला म्हणून ग्लूटेन पावडर आणली होती.
उकड काढून भाकरी त्यातल्या त्यात बर्‍या होतात उकड काढताना ग्लूटेन पावडरची चीटिंग करून बघते.

>>ग्लूटन पावडर का आहे
हेच विचारणार होते

शुम्पी आमच्याकडे मिळणारं पीठ जूनं असतं म्हणून ज्ये.नांनी सगळीच पीठं (गहू नाही) उकड काढ म्हटलं आहे. जाणकार यायच्या आत लिहून घेते

उकड कशाला काढायला हवी, थोडे कोमट पाण्याने पीठ नीट मळले तरी होतात की भाकऱ्या. अन तांदळाच्या पिठाची भाकरी करायची असेल तर साधे पाणी देखील पुरेसे आहे

उकड कशाला काढायला हवी, थोडे कोमट पाण्याने पीठ नीट मळले तरी होतात की भाकऱ्या. अन तांदळाच्या पिठाची भाकरी करायची असेल तर साधे पाणी देखील पुरेसे आहे>>>> खरंतर नाही. तांदळाच्या पिठाच्या भाकरीबद्दल माहित नाही, कधीच केलेली नाही पण ज्वारीचे पीठ असेल तर विरी गेली (म्हणजे चिकटपणा कमी झाला) तर भाकरी थापताना त्रास होऊ शकतो. विशेषतः सवय नसेल तर. म्हणून त्यात थोडा चिकटपणा येण्यासाठी बाकी घटक मिसळायचे - गव्हाचे पीठ, थोडे उडीदाचे पीठ इत्यादी. काही लोक चमचाभर तेलपण घालतात.

शूम्पे, मी मागेही लिहीलं होतं - प्रॅक्टीससाठी निम्मे मासेका (कॉर्नचे मेक्सिकन पद्धतीने केलेले पीठ) आणि निम्मे ज्वारीचे पीठ मिसळ. भाकरी थापायला सोप्या जातात. तुमच्याकडे एकदम ताजं मासेका पण मिळत असेल तर बघ (म्हणजे तुमच्या भागात असं पीठ मिळण्याची शक्यता जास्त आहे). त्यात मग लिंबू नसलेले पीठ घ्यायचे. मी इथेच भाकरी शिकले त्या मासेकाचं पीठ वापरून. त्यावरच प्रॅक्टीस करत गेले आणि आता ज्वारीच्या पीठाच्या भाकरी व्यवस्थित जमतात.

ह्या इथल्या पिठाच्या भाकर्‍या. थोडस गरम पाणी (विरी साठी) घालून केल्या आहेत. बाकी काही नाही मिक्स केल.
पण तेवढ पाणी भारतात कधी मिक्स कराव लागत नाही.

अंजली आणि व्हिबी तुम्हा दोघिंचही बरोबर आहे. सगळं भाकरीच पीठ कितपत जुन आहे त्यावर आहे.

>>सगळं भाकरीच पीठ कितपत जुन आहे त्यावर आहे.
व्हय व्हय.
सीमा, तुमचा फोटो बघून मला सॉलिड भूक लागली

सीमा ! काय भारी फोटो आहे, छानच दिसतायत भाकरी

>>> दशमी म्हणजे दूधात भिजवलेल्या कणकेची पोळी.

आमच्याकडे दुध वापरुन केलेल्या ज्वारीच्या भाकरीला दशमी म्हणतात.

सई, गाकर तुला माहित आहेत का? तशी करतात गुजराती लोक. ते जाडसर गव्हाच्या पिठाचे जे गाकर करतात त्याला भाकरी म्हणतात. बाजरी/मकाच्या ज्या ते भाकरी करतात त्याला रोटली बाजरा/ मकाची म्हणतात.

बिस्किट भाकरी घरी करतात हे माहीत नव्हतं.
फर्साणवाल्यांकडे मिळतात

इथे अमदावादला तर बिस्कीट भाकरी खाकरा मिळतो. नुस्ता खुसखुशीत.. ते भाकरी ज्याला म्हणतात ते वरप्रमाणे बनवतात.

@सई
खूपच छान माहिती !
हीच युक्ती (पाणी टाकून १ तास पीठ ठेवायची ) भाकरी सॉफ्ट करायला पण वापरता येईल का ?

सॉफ्ट करायला पण वापरता येईल का ?..... नाही.कारण भाकरीच्या पिठाला चिकटपणा नसतो.दुसरे म्हणजे चपातीच्या पिठाप्रमाणे भाकरीचे पीठ मळून ठेवत नाहीत.भाकरीला तडे जातात.

आमच्याकडे दुध वापरुन केलेल्या ज्वारीच्या भाकरीला दशमी म्हणतात.>>> आमच्याकडे बाजरीच्या

दूध वापरून केलेल्या भाकरी किंवा पोळीला दशमी म्हणतात. दशमीत दूध हा महत्वाचा आणि आवश्यक घटक आहे.

त्रिकोणी घडीतून गोल पोळी करण्याची एखादी युक्ती सांगा ना .माझा त्रिकोणच होतो आहे

दोन टोकातील मधली बाजू वक्राकार करत फिरवायची, अश्या तिन्ही बाजू झाल्या की पोळी गोल होते.

माझा प्रॉब्लेम दुसराच आहे. मला पोळ्या लाटणे अन शेकणे एकत्र जमत नाही. मी आधी सगळ्या लाटून घेते अन मग आरामात शेकते. तरच मऊ होतात, टम्म फुगतात नाहीतर कडक तरी होतात किंवा करपतात तरी. गॅस वाया जाते ते वेगळे.

VB, big hug :).
काही वर्षापूर्वी मला 4 पोळ्या करायला अर्धा तास लागायचा.कारण हेच.
अजूनही perfectly जमत नाही पण बर्यापैकी overlap असतो.
Gas कमी जास्त करायच तंत्र जमवायच.
पोळयांच्या सगळ्या लाट्या अगोदर तयार ठेवायच्या.
Practice , practice and practice . जमेल हळूहळू.

स्वस्ति ☺️,
सध्या तरी कोरोनामुळे दोघे घरी असल्याने भाकऱ्या मी अन पोळ्या नवरा असे ठरलंय, त्यालाही दोन्ही एकत्र जमत नाही पण माझ्यापेक्षा बऱ्या असतात☺️