Submitted by डॉ.विक्रांत प्र... on 30 December, 2019 - 12:10
**********
वाहतो हे शब्द
अक्षरांची पोथी
नाही तया गाठी
अनुभव ॥
कुणी कुणी येते
ऐकविते ज्ञान
कंटाळून कान
गेले तया ॥
जाणत्या जवळी
सदा उभे मौन
वायफळ प्रश्न
निरर्थक ॥
शास्त्राचा धांडोळा
बुद्धीचा पाचोळा
अवघा घोटाळा
गमतसे ॥
जाणत्या जवळी
जाणण्यास जाता
जाणण्याची वार्ता
बुडो जाते ॥
जयाचे वरण
करीतसे आत्मा
तया अपघाता
नाव ज्ञान ॥
बाकी कसरत
श्वासांची शब्दांची
चाले जगताची
मुक्तीसाठी ॥
विक्रांत निमूट
पाहुनिया गती
काही नाही हाती
म्हणतसे ॥
© डॉ.विक्रांत प्रभाकर तिकोणे
https://kavitesathikavita.blogspot.com
विषय:
शब्दखुणा:
Groups audience:
Group content visibility:
Public - accessible to all site users
शेअर करा
अफाट सुरेख कविता आहे. सत्य
अफाट सुरेख कविता आहे. सत्य सत्य सत्य!
केवळ सुंदर...
केवळ सुंदर...
"जयाचे वरण" च्या जागी अजून सुयोग्य शब्द योजलात तर सर्वांग सुंदर होईल...
_____/\_____
सामो ,शशांक धन्यवाद
सामो ,शशांक धन्यवाद
जयाचे वरण ...सुचवाल का ? _____/\_____