जन्म तुझा फसलेला

Submitted by Asu on 26 August, 2019 - 12:51

जन्म तुझा फसलेला

माणसा असा तू त्रासलेला
जन्म तुझा फसलेला ||ध्रु||

जगी नाही माणूस कोणी
दुःख वेदना नसलेला
स्वप्न विरती वाऱ्यावरती
जो तो जगी हरलेला ||१||

बढाया फुशारकी नका मारू
वल्गनांत वृथा रमलेला
निद्रिस्त निश्चिंत आज रात्री
खात्री उद्याची नसलेला ||२||

मानमरातब कौतुक सगळे
संगती येत नसलेला
जन्म माणसाचा का भोगला
सरणावरही न समजलेला ||३||

विश्वाच्या व्यापात किडा तू
कोण तू? गर्वाने फुगलेला
फुटेल कधी फुगा जगण्याचा
माहीत काहीच नसलेला ||४||

अज्ञानातच सुख असते
भोगून घे जगण्याला
सुख असते दुःख साहण्या
जाणून जगण्यावर रुसलेला ||५||

प्रा.अरूण सु.पाटील (असु)
© सर्व हक्क स्वाधीन
https://www.facebook.com/AsuChyaKavita

विषय: 
साहित्य
काव्यलेखन
शब्दखुणा: 
जन्म तुझा फसलेला
Groups audience: 
गुलमोहर - कविता
Group content visibility: 
Use group defaults
शेअर करा