Submitted by पाषाणभेद on 15 July, 2019 - 11:27
निर्झर
निर्झर होता एक बारीकसा; हिरव्या डोंगरातून वाहतसा
असुनी तो लहान छोटा; ठावूक नव्हत्या पुढल्या वाटा ||
धरतीवरच्या वर्षावाने; जीवन त्याचे सुरू जहाले
धरणी जाहली माता ती; अल्लड खट्याळ उदकाची ||
नित नवीन भरून जलाने; ठावूक त्याला भरभरून वाहणे
चंचल उत्कट उल्हासीत पाणी; घेवूनी जायी दो काठांनी ||
पुढेच मिळाली सरिता त्याला; सवे वाहण्या पुसे खळाळा
विचारही न करता तो मिळाला; निर्मळ नदीत एकरूप जाहला ||
- पाषाणभेद
१५/०७/२०१९
Groups audience:
Group content visibility:
Public - accessible to all site users
शेअर करा
नितांत सुंदर!
नितांत सुंदर!
मस्त!
मस्त!