मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by डॉ.विक्रांत प्र... on 3 July, 2019 - 12:00
नेई मज दत्ता
****************
नेई मज दत्ता
पुन्हा चांदण्यात
पुन्हा पावलात
स्वर्ग नांदो ॥
पुन्हा माथ्यावरी
झळाळो तो चंद्र
ओघळावा सांद्र
तुही मनी॥
तीच लवलव
हिरव्या पानात
चंदरी रसात
दिसू दे रे ॥
कभिन्न कातळी
हरूनियां भान
माझे हे मी पण
जाऊ दे रे ॥
दरीतला वारा
येऊ दे भरारा
मनाचा पिसारा
फुलू दे रे ॥
साद कानांवर
जय गिरनार
पुन्हा एकवार
पडू दे रे ॥
लोभस ती मूर्ती
दिसू दे चरण
डोळ्यात भरून
पाहू दे रे ॥
डॉ.विक्रांत प्रभाकर तिकोणे
http://kavitesathikavita.blogspot.in
००००००
विषय:
शब्दखुणा:
Groups audience:
Group content visibility:
Public - accessible to all site users
शेअर करा
कभिन्न कातळी
कभिन्न कातळी
हरूनियां भान
माझे हे मी पण
जाऊ दे रे॥ >>> खुपच सुंदर!
मन्या धन्यवाद
मन्या धन्यवाद
वाह...
वाह...
धन्यवाद शशांक
धन्यवाद शशांक