सागराशी जुळले नाते

सागराशी जुळले नाते....

1977 ला इंजिनियरींग सोडून मी T.S.राजेंद्र हि मर्चंट नेव्ही साठी असलेल्या ट्रेनिंग शीप वर आलो, एन्ट्रन्स परिक्षेला भारतातून 39वा येऊनही घरून इंजिनियरींग सोडायला असलेल्या विरोधाला न जुमानता आयुष्यातील स्विकारलेले हे पहिले आव्हान.....पुढच्या वादळांची जणू नांदीच.
T.S.राजेंद्रची आमची गोल्डन ज्युबेली बॅच असल्याने आमचे ट्रेनिंग NDA च्या लेव्हल ने चालू होते. मला कॅडेट कॅप्टनचे प्रमोशन व जोडिला मोटरबोट ड्रायव्हरची जबाबदारी मिळाली.
1978 ला ट्रेनिंग संपवून मी रत्नाकर शिपिंग कंपनीत नोकरी स्विकारली, खरंतर तेव्हा SCI ,सिंदीया, ग्रेट ईस्टन अशा नावाजलेल्या कंपनीत जाण्यासाठी चढाओढ होती.
माझी पहिली शिप M.V.रत्नशोभना !! रत्नाकर कंपनीच्या बोटीच्या नावाआधी "रत्न " हा शब्द लावला जात असे.हि 25000 हजार टनाची बल्क कॅरिअर होती, म्हणजे धान्य, खत, गुरांचे खाद्य वाहून नेणारी मध्यम आकाराची शीप होती.
माझ्या पहिल्या काही महिन्यातच सिंगापूर, व्हिएटनाम, जपान, नाॅर्थ कोरिया ,इजिप्त, सुऐज कॅनाॅल ,हाॅलन्ड,डेन्मार्क अशी बंदरे फिरून झाली.
पुढच्या लिखाणातून या ठिकाणच्या आठवणी शेअर करेन.