उंबरठा व्यथा

शेंदूर फासलेल्या पाषाणावर टेकतो का माथा
जिवंत असलेल्या माणसाला मारतो का लाथा,

भ्रष्टाचाराच्या गोत्यात करतो किती रे कुकर्म
अरे माणसा अमाणुसकीची गातो का गाथा,

स्वार्थीपणाने जातांध स्वैराचार हा किती माजला
अत्याचारी बनून तूच समधर्मी लिहितो का कथा,

हवसेच्या व्यसनात तुझ्यातही होतो शैतान जागा
अरे तिच्या आर्त वेदनेची पुन्हा मांडतो का व्यथा,

स्व बळावर गाठली तिनेही कित्येक उत्तुंग शिखरे
अरे आज उंबरठा न ओलांडण्याची पाडतो का प्रथा...
====================©विवेक मोकळ
#art_by_me