मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
साहित्य : एक वाटीभरून पालेभाजी-आंबाडीची कोवळी देठे , एक टेबलस्पून पांढरे तीळ,पाव वाटी शेंगदाणे , दोन टेबलस्पून पंढरपूरी डाळे , चवीनुसार चार लाल सुक्या मिरच्या, आल्याचा छोटा तुकडा, कढीपत्त्याची ५-६ पाने,चवीनुसार मीठ व साखर,अर्धी वाटी दही , बारीक चिरलेली कोथिंबीर , परतण्यासाठी व फोडणीसाठी जरुरीप्रमाणे तेल, फोडणीसाठी मोहरी,जिरे,हळद व हिंग
कृती : प्रथम अंबाडीची देठे जर जास्त लांब असतील तर कापून छोटी करून घ्या. गॅसवर एका नॉनस्टिक फ्राय पॅनमध्ये थोडेसे तेल घालून ते गरम झाल्यावर त्यान बारीक केलेली अंबाडीची देठे, शेंगदाणे , पंढरपूरी डाळे , चवीनुसार चार लाल सुक्या मिरच्या, आल्याचा छोटा तुकडा, कढीपत्त्याची ५-६ पाने घालून चांगले परतून घ्या. आता चवीनुसार मीठ व साखर घालून पुन्हा एक मिनिट परतून घेऊन गॅस बंद करा. थंड झाल्यावर परतलेले सर्व मिश्रण मिक्सरच्या भांड्यात घाला व अर्धी वाटी दही व चिरलेली कोथिंबीर घालून चटणी वाटून घ्या, गॅसवर एका कढल्यात फोडणीसाठी थोडेसे तेल गरम घेऊन घेऊन त्यात मोहरी ,जिरे,हळद व हिंग घालून फोडणी करून घ्या व ती त्या वाटलेल्या चटणीत घाला व कालवून घ्या.
सर्व्ह करतेवेळी वरून बारीक चिरलेली कोथिंबीर घालून पोळी सोबत वाढा.
छान आहे रेसीपी. देठ कोवळी
छान आहे रेसीपी. देठ कोवळी मिळण जरा कठीण वाटतय इथे.
घरची अंबाडी असली तरी. कारण जी अंबाडी उगवते ती चांगली ३-५ फुट उगवते आणि देठ फार जुनं.